ئه‌مه‌ریکا:
PYD ده‌بێ له‌ دانووستانی ئاشتیدا ئاماده‌ بێت

به‌شی سووریا- به‌شداریی PYD له‌ دانووستانی ئاشتیی سووریا بۆ گه‌یشتن به‌ ڕێچاره‌یه‌کی دیموکراتیک و به‌رده‌وام گرینگه‌.

به‌پێی هه‌واڵی کوردپرێس به‌گێڕانه‌وه‌ له‌ ده‌یلی سه‌باح، ویلایه‌ته‌یه‌کگرتووه‌کان له‌سه‌ر ئه‌م باوه‌ڕه‌ن‌ پارتی یه‌کێتیی دیموکراتیک (PYD) ده‌بێ له‌ دانووستانی ئاشتیی سووریا به‌شداری بکات.
مارک توونێر وته‌بێژی وه‌زاره‌تی ده‌ره‌وه‌ی ویلایه‌ته‌یه‌کگرتووه‌کان وتی: "ئه‌م پڕۆسه‌یه‌ ده‌بێ هه‌موو سووریا بگرێته‌وه‌ و ئه‌م بابه‌ته‌ کورده‌کانی ئه‌م وڵاته‌ش ده‌گرێته‌وه‌."
توونێر له‌ وڵامدانه‌وه‌ به‌م پرسیاره‌ که‌ ئایا PYDش ده‌بێ له‌ دانووستانه‌که‌دا به‌شداریی بکات، وتی: "ئه‌وانیش ده‌بێ به‌شێک له‌م پڕۆسه‌یه‌ بن."
ویلایه‌ته‌یه‌کگرتووه‌کان پێداگری ئه‌وه‌ن که‌ به‌ مه‌به‌ستی گه‌یشتن به‌ ڕێچاره‌یه‌کی سیاسی درێژخایه‌ن بۆ قه‌یرانی سووریا، به‌شداریی PYD له‌م دانووستانه‌ گرینگه‌.
توونێر وتیشی: "له‌ هه‌ر جۆره‌ ڕێچاره‌یه‌کی درێژخایه‌ن بۆ قه‌یرانی سووریا، ده‌نگی ئه‌وان ده‌بێ ببیسرێت. ئێمه‌ ده‌ڵێن ئه‌گه‌ر بڕیاره‌ پڕۆسه‌یه‌کی سیاسی دیموکراتیک له‌ کاردا بێت، ده‌بێ له‌ لایه‌ن هه‌موو خه‌ڵکی سووریا قبووڵ بکرێت."
شیاوی ئاماژه‌یه‌ که‌ کورده‌کانی سووریا بانگهێشتی ئه‌م دانووستانه‌ نه‌کراون.

به‌ مه‌به‌ستی گه‌یشتن به‌ ڕێچاره‌یه‌کی سیاسی بۆ شه‌ڕی ناوخۆیی سووریا، بڕیاره‌ دانووستانه‌که‌ ڕۆژی 23ی جانیڤێری له‌ شاری ئاستانه‌ پێته‌ختی قه‌زاقستان ده‌ستپێبکات.