به‌ ئاماده‌بوونی به‌ربڵاوی خه‌ڵک و به‌رپرسانی پارێزگا؛
ڕێوڕه‌سمی به‌رز ڕاگرتنی یادی "ئایه‌توڵڵا هاشمی ڕه‌فسه‌نجانی" له‌ کرماشاندا به‌ڕێوه‌چوو

به‌شی ئێران/ کرماشان- به‌ ئاماده‌بوونی فراوانی خه‌ڵک و به‌رپرسانی پارێزگا ڕێوڕه‌سمی به‌رزڕاگرتنی یادی "ئایه‌توڵڵا هاشمی ڕه‌فسه‌نجانی" له‌ مزگه‌وتی جامێعی کرماشاندا به‌ڕێوه‌چوو.

به‌پێی هه‌واڵی کوردپرێس، ئه‌مڕۆ (22ی مانگی به‌فرانبار) ڕێوڕه‌سمی به‌رزڕاگرتن و بیرئانینی "ئایه‌توڵڵا هاشمی ڕه‌فسه‌نجانی" سه‌رۆکی کۆچکردووی کۆمه‌ڵه‌ی دیاریکردنی به‌رژه‌وه‌ندییه‌کانی نیزام به‌ ئاماده‌بوونی به‌رپرسانی باڵای پارێزگا و تێکڕای خه‌ڵک له‌ مزگه‌وتی جامێعی شاری کرماشاندا به‌ڕێوه‌چوو.
له‌م ڕێوڕه‌سمه‌ که‌ له‌لایه‌ن پارێزگاری کرماشان، نوێنه‌ری وه‌لی فه‌قی له‌ پارێزگا و پێش نوێژی هه‌ینی شاری کرماشان به‌ڕێوه‌چووبوو، به‌رپرسانی باڵای پارێزگا، فه‌رمانده‌ سه‌ربازی و ئینتیزامییه‌کان، فه‌رمانبه‌رانی ده‌وڵه‌ت، پارت و گرووپه‌کان، کۆمه‌ڵگای خوێندکارانی پارێزگا و چینه‌ جۆراوجۆره‌کانی خه‌ڵکی کرماشان ئاماده‌ بوون.
شیاوی ئاماژه‌یه‌؛ له‌ ڕێکه‌وتی 26ی مانگی به‌فرانبار ڕێوڕه‌سمی 7هه‌مین ڕۆژی کۆچی دوایی ئایه‌توڵڵا هاشمی ڕه‌فسه‌نجانی له‌ مزگه‌وتی غه‌دیری کرماشاندا به‌ڕێوه‌ده‌چێت.