ئەندامی هاوپەیمانی دەوڵەتی یاسا:
سەربەخۆیی هەرێمی کوردستان دەبێتەهۆی دابەشبوونی تورکیا

بەشی عێراق و هەرێمی کوردستان ئەندامێکی هاوپەیمانیەتی دەوڵەتی یاسای عێراق سەرەڕای ئاماژەدان بەوەی کە حکوومەتی تورکیا گرنگیەکی زۆر بە پرسی سەربەخۆیی هەرێمی کوردستان دەدات هۆشداریدا کە ئەگەر هەرێمی کوردستان سەربەخۆ ببێت دەبێتەهۆی دابەشبوونی تورکیا.

بەپێی هەواڵی کوردپرێس و بە گێڕانەوە لە ناوەندی هەواڵی عێراق (NNC)، حەنین قەدۆ لە هەڤپەیڤینێکی رۆژنامەوانیدا رایگەیاند: حکوومەتی تورکیا گرنگیەکی زۆر بە پرسی سەربەخۆیی هەرێمی کوردستان دەدات و هەر ئەم پرسەش کاردانەوەی نەرێنی نەتەنیا لە عێراق بەڵکوو لە کۆمەڵگای تورکیاشدا درووست کردووە.
قەدۆ هەروەها وتی: چەندین ملیۆن کورد لە ئێستادا لە تورکیادا دەژین و ناسنامەی ئەم وڵاتەیەن هەیە، هەربۆیە ئەگەر هەرێمی کوردستان سەربەخۆ ببێت ئەم کوردانە و کوردەکانی سوریا و ئێران و تەنانەت کوردەکانی وڵاتانی دیکەش داوای سەربەخۆیی دەکەن و ئەم پرسە هەڕەشە لە ئاسایشی ناوخۆیی و جۆگرافی تورکیا دەکات و دواجار ددابەش بوونی ئەم وڵاتەی لێدەکەوێتەوە.