به‌ڵێنده‌ری شاڕێی سه‌قز و بۆکان و زه‌رینه‌ ئێرانخواه‌ دیاری کرا

به‌شی کوردستان- پارێزگاری کوردستان ده‌ڵێت: به‌ڵێنده‌ری سێ پارچه‌ له‌ شاڕێی باکوور بۆ باشوور به‌ مه‌ودای 56 کیلۆمه‌تر دیاری کراوه‌ و جێبه‌جێ‌کردنی گرێبه‌سته‌که‌ له‌ 1ی گوڵانه‌وه‌ ده‌ست‌پێده‌کات.

به‌پێی هه‌واڵی کوردپرێس، عه‌بدولمحه‌مه‌د زاهدی زیادی کرد: ئه‌و سێ پارچه‌یه‌ بریتین له‌ جاده‌ی سه‌قز بۆ بۆکان به‌ مه‌ودای 27 کیلۆمه‌تر، زه‌رینه‌ بۆ ئێرانخواه‌ به‌ درێژایی 18.5 کیلۆمه‌تر و ڕێگای زانستگای ئازاد له‌ سنه‌وه‌ بۆ مله‌ی دڕکه‌ به‌ درێژایی 10.5 کیلۆمه‌تر.
پارێزگاری کوردستان هه‌روه‌هاش سه‌باره‌ت به‌ ئاسانکاری و خێراکردنه‌وه‌ی چێکردنی فڕۆکه‌خانه‌ی سه‌قز له‌ دوو حه‌فته‌ی داهاتوودا ڕایگه‌یاند: له‌ دیدار له‌گه‌ڵ دوکتۆر مێهرئابادیدا بڕیار دراوه‌ سه‌باره‌ت به‌ کڕینی زه‌وی و ڕاده‌ست‌کردنی ئه‌و زه‌وییانه‌ به‌ کۆمپانیای فڕۆکه‌خانه‌کان هه‌نگاوی پێویست هه‌ڵبگیردرێت.
 
کۆدی هه‌واڵنێر: 60103