نوێنەری پێشووی ئەنجومەنی نوێنەرانی عێراق:
کوردەکان توانای دامەزراندنی وڵاتێکیان نییە

بەشی عێراق و هەرێمی کوردستان- نوێنەری پێشووی پەرلەمانی عێراق وتی ئەمریکا، تورکیا و یەکێتیی ئەورووپا بە توندی دژ بە هەڵکردنی ئاڵای هەرێمی کوردستان لە پارێزگای کەرکووکن و درێژەی دا: کوردەکان توانای دامەزراندنی وڵاتێکیان نییە.

بەپێی هەواڵی کوردپرێس بە گێڕانەوە لەماڵپەڕی "کنوز میدیا"ی عێراق، وائیل عەبدوللەتیف لە لێدوانێکی ڕۆژنامەوانیدا ئاماژەی کرد داپەڕی کوردەکان بۆ هەڵکردنی ئاڵای خۆیان لە پارێزگای کەرکووک داپەڕێکی ورووژێنەر و دژ بە یاسای بنەڕەتیی عێراق و دیکەی یاساکانی ئەو وڵاتە بووە. هەروەها وتیشی: ئەمریکا، تورکیا و یەکێتیی ئەورووپاش زۆر بە توندی لەگەڵ ئەو داپەڕە دژایەتییان کردووە.
عەبدوللەتیف جەختی کردەوە کە کوردەکان خوازیاری ڕێککەوتن لەسەر دیموکراسییێک لە بەغدان و دەریبڕی: عەرەبی شیعە دەتوانن عێراق بکەنە بەهێزترین وڵاتی ڕۆژهەڵاتی ناوەڕاست بەڵام کوردەکان توانای ئەوەیان نییە تەنانەت وڵاتی خۆیان دامەزرێنن و تەنها چوونەتە ناو یارییێکی سیاسییەوە کە هاوقەبارەی خۆیان نییە.
 
کۆدی هەواڵنێر: 60108