کد خبر :71943
ڕۆژنامه‌وانی ئیتالیایی ده‌ستگیرکراو له‌ تورکیا مانی له‌ خواردن گرت
به‌شی تورکیا- ڕۆژنامه‌وانی ئیتالیایی که‌ له‌ تورکیا ده‌ستگیر کرابوو له‌ پێوه‌ندی له‌گه‌ڵ بنه‌ماڵه‌که‌یدا ڕایگه‌یاندووه‌ که‌ مانی له‌ خواردن گرتووه‌.
به‌پێی هه‌واڵی کوردپرێس به‌ گێڕانه‌وه‌ له‌ ڕۆژنامه‌ی دیواری تورکیا، گابریل دی گراند ڕۆژنامه‌وان و دایکیۆمێنتاری ئیتالیایی که‌ له‌ 9ی ئه‌یپڕێڵی 2017ه‌وه‌ له‌ ناوچه‌ی خه‌تای تورکیا ده‌ستگیر کراوه‌ له‌ گفتوگۆ له‌گه‌ڵ بنه‌ماڵه‌که‌یدا ڕایگه‌یاندووه‌ که‌ مانی له‌ خواردن گرتووه‌.
گابریل دل گراند که‌ له‌ 9ی ئه‌یپڕێڵه‌وه‌ له‌لایه‌ن هێزه‌کانی پۆلیسی تورکیاوه‌ ده‌ستگیر کراوه‌؛ ئه‌مڕۆ پاش 10 ڕۆژ ده‌ستگیرکردن په‌یوه‌ندی ته‌له‌فۆنی به‌ هاوژینه‌که‌ی گرت. له‌م پێوه‌ندییه‌ ته‌له‌فۆنییه‌دا که‌ له‌لایه‌ن 4 پۆلیسی تورکیاوه‌ ده‌بیسترا ئه‌م دایکیۆمێنتاره‌ ئیتالیاییه‌ به‌ هاوژینه‌که‌ی ڕاگه‌یاندووه‌: له‌ سنووره‌کانی تورکیا- سووریا ده‌ستگیر کرام، له‌ سه‌ره‌تادا بۆ ناوه‌ندێکی نیگاداری له‌ خه‌تای گوازرامه‌وه‌ و دواتر بۆ ناوه‌ندێکی نیگاداری دیکه‌ له‌ "موقلا" گوازرامه‌وه‌ و 10 ڕۆژه‌ که‌ له‌ زیندانێکی تاکه‌که‌سیدام. ئیزنی دیاریکردنی پارێزه‌ر به‌ من نه‌دراوه‌. هیچ زانیارییێکم له‌باره‌ی ته‌واوبوونی زیندانه‌که‌م نییه‌ به‌م بۆنه‌وه‌ مانم له‌ خواردن گرتووه‌.
له‌ ساڵی 2014ه‌وه‌ گابریل دل گراندی 35 ساڵان خه‌ریکی ئاماده‌کردنی به‌ڵگه‌فیلمێک له‌باره‌ی بارودۆخی ئاواره‌کان و په‌نابه‌رانی سووریایه‌.
وه‌زیری ده‌ره‌وه‌ی ئیتالیا له‌ لێدوانێکدا له‌باره‌ی ده‌ستگیرکردنی ئه‌م ڕۆژنامه‌وان‌ و دایکیۆمێنتاره‌ ئیتالیاییه‌ له‌ تورکیا ڕایگه‌یاندووه‌ که‌ له‌ نزیکه‌وه‌ پرسه‌که‌ پێوشوێنگری ده‌که‌ین.
 
کۆدی هه‌واڵنێر: 60103