به‌ پێی هه‌واڵی کوردپرێس؛ سیروس شاغه‌یبی له‌ یه‌که‌مین دانیشتنی "ستادی ئۆردیبه‌هشتی موعه‌ته‌ر" که‌ له‌ سنه‌ به‌ڕێوه‌چوو  ڕایگه‌یاند: پڕۆژه‌ی پترۆشیمیای کوردستان له‌ گه‌وره‌ترین پرۆژه‌کانی ئه‌م پارێزگایه‌یه‌ که‌ له‌ سه‌فه‌ری ڕێبه‌ری باڵای شۆڕشی ئولامی ئێراندا بۆ کوردستان 215 میلیۆن یورۆ بودجه‌ی بۆ ته‌رخان کراوه‌.

شاغه‌یبی زیادیشی کرد: که‌رتی یه‌که‌می ئه‌م پڕۆژه‌یه‌ به‌ تێچوویی، 70 میلیار تمه‌ن تا کۆتایی ئه‌مساڵ ده‌کرێته‌وه‌.

به‌رپرسی ڕێکخراوه‌ی پیشه‌ و بازرگانی کوردستان ئاماژه‌ی کرد به‌ ڕه‌وتی ڕوو له‌ گه‌شه‌ی سه‌رمایه‌دانه‌ری له‌ کوردستان پاش ئه‌و سه‌فه‌ره‌ و وتی: زیاتر له‌ 70 له ‌سه‌دی سه‌رمایه‌دانه‌ری له‌ پارێزگای کوردستان ده‌گه‌ڕێته‌وه‌ بۆ ئه‌م دوو ساڵه‌ی پاش سه‌فه‌ری گرینگی ڕێبه‌ری.

شاغه‌یبی گه‌شه‌ی ئابووری و دابین کردنی کاری به‌ گرینگترین داخوازییه‌کانی ڕێبه‌ری باڵای شۆڕشی ئیسلامی ناو برد و ڕاشیگه‌یاند" هه‌ر ئێستاکه‌ 800 یه‌که‌ی پیشه‌یی خاوه‌ن مۆڵه‌تی کار کردن له‌م پارێزگایه‌ خه‌ریکی چالاکیین که‌ هه‌لی پێویستی بۆ دامه‌زراندن و کارکردنی 17 هه‌زار که‌سی پێکهێناوه‌.

وتیشی: به‌جێبه‌جێ کردنی په‌سه‌ندکراوه‌کانی سه‌فه‌ری ده‌وڵه‌ت و سه‌فه‌ری ڕێبه‌ری له‌ بواری سه‌رمایه‌دانه‌ری، دابین کردنی کار، گه‌شه‌پێدانی ئابووری، ئه‌م بۆشاییه‌ی له‌ پارێزگای کوردستان که‌م کردووه‌ته‌وه‌ و کوردستان ئێسته‌ له‌ بواری خزمه‌تگوزارییه‌وه‌ له‌ ئاستی پارێزگاکانی دیکه‌ی ئێراندایه‌.

ئه‌وه‌شی وت: به‌هۆی جه‌خت کردنی ڕێبه‌ری باڵای شۆڕشی ئیسلامی له‌سه‌ر هاوکاری کردنی دامه‌زراوه‌ سه‌ره‌کییه‌کان له‌وانه‌ بونیادی مه‌سکه‌ن و بونیادی به‌ره‌کات له‌ بواره‌کانی گه‌شه‌ و دابین کردنی کار ئێسته‌ کوردستان پێشکه‌وتنێکی به‌رچاو به‌خۆوه‌ ده‌بینێ.