هاوکات رۆڵی‌ جه‌لال تاڵه‌بانی، سه‌رۆک کۆماری به‌رزنرخاندووه‌ بۆ تێپه‌ڕاندنی‌ ئه‌و قۆناغه‌، داواشی‌ له‌ سه‌رجه‌م هاوبه‌شه‌ سیاسییه‌کانی‌ کردووه‌ له‌ رێگه‌ی‌ گفتوگۆوه‌ کێشه‌کان چاره‌سه‌ر بکه‌ن.

به‌یاننامه‌ی نووری مالیکی بۆ ڕاگه‌یاندنی سه‌رکه‌وتنی خۆی و سوپاسی ئه‌و لایه‌نانه‌ی که‌ هاوکاری بوون له‌ تێپه‌ڕاندنی قۆناغی ئێستادا ئه‌مڕۆ یه‌کشه‌ممه‌ 10ی مه‌ی/ 21 جۆزه‌ردان، له‌ کاتێک دا بڵاو کرایه‌وه‌ که‌ هاوپه‌یمانی کوردستانی، ئه‌لعێراقییه‌ و ڕه‌وتی سه‌در له‌ هه‌ولێری پایته‌ختی هه‌رێمی کوردستان له‌ کۆبوونه‌وه‌دان بۆ تاوتوێ کردنی بارودۆخی به‌دیهاتوو له‌ بابه‌تی سه‌ندنه‌وه‌ی متمانه‌ له‌ حکوومه‌ته‌که‌ی نووری مالیکی.