خانمه‌ده‌رهێنه‌ری کوردستانی:
شانۆ ئاوێنه‌ی گۆمه‌ڵگا و به‌ستێنێکه‌ بۆ ئاڵوگۆڕکردنی بیڕ و‌ را / فستیڤاڵی شانۆی کوردی ببێته‌ نێونه‌ته‌وه‌یی
ده‌رهێنه‌ر و نووسه‌رێکی هونه‌ری شانۆ وتی: شانۆ له‌ کۆنه‌وه‌ تاکوو ئێستا هێما و نیشانه‌یه‌ک بووه‌‌ له‌ شوناس و په‌رچدانه‌وه‌ له‌ بارودۆخی کۆمه‌ڵایه‌تی کۆمه‌ڵگایه‌ک، به‌ جۆرێک که‌ ڕووناک بیران و شاره‌زایان له‌ سه‌ر ئه‌م باوه‌ڕه‌ن که‌ شانۆ ئاوێنه‌ی کۆمه‌ڵگایه‌ و هه‌وڵسوکه‌وتی کۆمه‌ڵگاش له‌ ژێر کاریگه‌ری هونه‌ردایه‌.
به‌ پێی هه‌واڵی کوردپرێس؛ تریفه‌ که‌ریمیان رۆڵ و کاردانه‌وه‌کانی هونه‌ری زۆر به‌ ئاڵۆز و به‌ پێی نمووده‌ رۆحی و که‌لتووری و کۆمه‌ڵایه‌تییه‌کان زانی و ده‌ست‌نیشانی کرد: به‌ درێژایی مێژوو به‌ داهێنانی هونه‌ری و لێکدانه‌وه‌ی هه‌ڵسوکه‌وته‌ کۆمه‌ڵاییه‌تییه‌کان له‌ چوارچێوه‌ی هونه‌ردا، ده‌توانین به‌ چینه‌ ده‌روونییه‌کانی گۆڕانکاری کۆمه‌ڵگا و ره‌نگدانه‌وه‌ی داب و نه‌ریتی فیکری – فه‌رهه‌نگی گه‌لێک په‌ی ببه‌ین.
ناوبراو به‌ ئاماژه‌دان به‌ گۆڕانکارییه‌کانی نێو کۆمه‌ڵگا و پێداویستییه‌کانی سه‌ردم، وتی: له‌ ئێستادا کاریگه‌ری هونه‌ر به‌ سه‌ر خه‌ڵکدا له‌ رابردوو زیاتره‌ و له‌ نێوان هونه‌ره‌کان، هونه‌ری شانۆ کاریگه‌ری و پێگه‌یه‌کی تایبه‌تی هه‌یه‌ و سرنجێکی تایبه‌رت به‌م هونه‌ره‌ و فستیڤاڵه‌کانی شانۆ ده‌درێت.
ئه‌م ده‌رهێنه‌ره‌ سه‌رکه‌وتووه‌ لاوه‌ به‌ ئاماژه‌ دان به‌ رابردوویه‌ک له‌ به‌ڕێوه ‌بردنی فستیڤاڵه‌ فه‌رهه‌نگی – هونه‌ره‌ییه‌کان به‌ تایبه‌ت شانۆ، ده‌ست نیشانی کرد: ئه‌م فستیڤاڵانه‌ جێگه‌ و پێگه‌یه‌که‌ بۆ ئاڵ و گۆڕی هونه‌ری ده‌گه‌ڵ‌ گۆڕانه‌وه‌ی بیر و ڕا‌ و هه‌ڵگر و نموودی قورساییه‌کی فه‌رهه‌نگی تایبه‌ته‌ که‌ بۆ خۆی کارلێکراوه‌ له‌ تاقمی زمان، فه‌رهه‌نگ، ژئۆپۆلۆتیک و بار و دۆخی سیاسی و گۆڕانکارییه‌کانی کۆمه‌ڵگا‌.
که‌ریمیان به‌ ئاماژه‌ دان به‌ به‌ڕێوه‌بردنی 12 خولی فستیڤاڵی شانۆی کوردی له‌ سه‌قز، ئه‌مه‌ به‌ رووداوێکی گرنگ و به‌ستێنێک بۆ ئاڵ و گۆڕی بیر و ڕا ده‌زانێت و وتی: له‌ سایه‌ی ئه‌م فستیڤاڵه‌وه‌، شاهیدی به‌رز بوونه‌وه‌ی ئاستی وه‌به‌رهێنانی هونه‌ری له‌ بواری شانۆی کوردی و به‌رانبه‌ر بوونه‌وه‌ی خه‌ڵکی هونه‌ر دۆستی سه‌قز و ناوچه‌که‌ له‌ به‌رانبه‌ر ئاوێنه‌ و په‌یامه‌کانی شانۆ و سازکردنی په‌یوه‌ندی نزیک له‌گه‌ڵ شانۆ و به‌ توانا کردنی پتانسیه‌ل و به‌هره‌ هونه‌رییه‌کان و هتد هه‌ین.
 
ناوبراو وتی: ئه‌م په‌یوه‌ندییه‌ی‌ نێوان شانۆ و بینه‌ر بووته‌ هۆی ئه‌وه‌ی تا هونه‌رمه‌ندانی شانۆی کوردی هان بده‌ن کارێک له‌ ئاستی شکۆ و چاوه‌ڕوانی شارۆمه‌ندان به‌رهه‌م بێنن و به‌ کاره‌ به‌رزه‌ هونه‌رییه‌کان، فلکلۆر و داب و نه‌ریتی کوردستان به‌ ئاماده‌بوان پێشکه‌ش و بیناسێنن.
 
که‌ریمیان به‌ ده‌ربڕینی ئه‌م بابه‌ته‌ که‌ شانۆی کوردی ئێستا تایبه‌ت مه‌ندی و ره‌نگ‌ورووی تایبه‌ت به‌ خۆیی هه‌یه‌، وتی: شانۆی کوردی ده‌یه‌وێت تاکوو ناسنامه‌ و شوناسی جیاوازی هه‌بێت و له‌ بورای هونه‌ری شانۆدا رۆڵی خۆی بگێڕێت.
 
ئه‌م ده‌رهێنه‌ره‌ ده‌ست نیشانی کرد: به‌ تێپه‌ڕ بوونی 12 خول، ئه‌م فستیڤاڵه‌ بووه‌ته‌ جێگه‌یه‌ک بۆ ئاڵ و گۆڕی بیر و ئه‌زموون و کۆبوونه‌وه‌ و دیالۆگی نێوان هونه‌رمه‌ندانی کورد له‌گه‌ڵ هه‌موو جۆره‌ زاراوه‌ و لقێک له‌ زمانی کوردی و هه‌روه‌کتر بووه‌ته‌ نیشانه‌یه‌ک له‌ ئایین و داب و نه‌ریت و بارودۆخی کومه‌ڵایه‌تی و فه‌رهه‌نگی کورد. که‌واته‌ هونه‌رمه‌ندانی ئه‌م بواره‌ ده‌بێت به‌ باشترین شێوه‌ی ده‌ستدراو که‌لتووری کوردی پیشان بده‌ن.
 
تریفه‌ که‌ریمیان که‌ به‌ ناوی نووسه‌ر و ده‌رهێنه‌ره‌وه‌ له‌ چه‌ندین خولی ئه‌م فستیڤاڵه‌ و جه‌شنگه‌لی هاوشێوه‌دا‌ به‌شدار بووه‌ و خاوه‌ن چه‌ندین پله‌ی براوه‌یه‌‌ له‌ ئاستی ناوچه‌یی و نه‌ته‌وه‌یی و ده‌ره‌کیدا‌، به‌ هونراوه‌که‌ی خۆی، واتا شانۆی "عیشا" له‌م فستیڤاڵه‌دا ئاماژه‌ی کرد و وتی: شانۆی عیشا روانینێکه‌ بۆ دیارده‌یه‌کی نه‌حس(ورگن) و ئاڵۆز و چه‌ند ره‌هه‌ندی به‌ناوی داعش؛ که‌ به‌ شانۆیی کردنی، ئه‌م دیارده‌ ئاڵۆزتریش دێته‌ به‌رچاو.
ناوبراو هیوای خواست به‌ ئاوڕدانه‌وه‌یه‌ک له‌ بابه‌تگه‌ڵیک وه‌ک تراژیدی مرۆڤی که‌ له‌ بن گوێماندا رووی داوه‌ و جار وایه‌ له‌ به‌ر چاو نه‌گیراوه‌، بتوانین ئه‌رکی ره‌وشه‌نگه‌ری خۆمان به‌ جێ بێنین.
ئه‌م نووسه‌ر و ده‌رهێنه‌ره‌ی شانۆی کوردی به‌ ئاماژه‌ به‌ زه‌رووره‌تی په‌ره‌دان به‌ فستیڤاڵی شانۆی کوردی سه‌قز، وتی: هیوادارم به‌ ئاوڕدانه‌وه‌ له‌ پتانسیه‌له‌کان و به‌ستێنه‌کانی په‌ره‌ دان به‌ شانۆی کوردی، ئه‌م فستیڤاڵه‌ به‌ فستیواڵێک بۆ ئاستێکی نێونه‌ته‌وه‌یی به‌رز بێته‌وه‌ و په‌ره‌ی پێبدرێت.

کۆدی بابه‌ت: 46675  |  به‌روار: ۱۳۹۴/۶/۱۸  |  کاتژمێر: 14 : 38

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
گرفتی سنوورنشینانی ئازەربایجانی ڕۆژئاوا تاوتووێ کرا
بازاڕ بوورسی ئەستەنبۆڵ کەوتۆتە ژێر کاریگەریی ڕیفراندۆمی هەرێم
بیست و نۆهەمین فستیڤاڵی شانۆگەری پارێزگای کرماشان کۆتایی پێهات/ سەرکەوتووان بۆ فستیڤاڵی فەجر ناسێندران
١٠٠٠ ملیارد تمەن قەرزی کارڕەخسێنی تەرخانی پارێزگای کوردستان دەکرێت
سنە نازناوی دووهەمی پێشبڕکێیەکانی هەندباڵی تازەلاوانی ناوچەی ٤ی ئێرانی مسۆگەر کرد/ ڕاکەری بانەیی لە پلەی دووهەمی ڕاکردنی ئۆمێدی وڵات وەستا
گوژمەی کەرتی گەشتیاری کرماشان لە سەدا 80 بەرز کرایەوە
فرۆکەکانی سوپای تورکیا باکووری عێراقیان بۆردومان کرد
کۆڕبەندی نێونەتەوەیی "زەکریای ڕازی" له کرماشان بەڕێوه دەچێت
ڕیفراندۆمی سەربەخۆیی هەرێم پڕاتیگی پڕۆژەی ئیسرائیلە
قەدەغەی هاتوچۆ لە ٤٦ گوند و گەڕەکی پارێزگای ئامەد ڕاگەیێندرا
تورکیا، سووریا و ئێران لە دژی جودایی خوازان هاوپەیمانییەک پێک بێنن
دەرهێنەرێکی سنەیی خەڵاتی باشترین دەرهێنەری مسۆگەر کرد
بەشداری پرۆسەی ڕیفراندۆم نابین
پووتین بۆ دیدار لە گەڵ ئەردۆغان سەردانی تورکیا دەکات
فوئاد مەعسووم و یان کۆبیچ جەختیان کردەوە لە چارەسەرکردنی کێشەکانی نێوان هەرێم و بەغدا
ئیمکانات