دکتۆر "ئه‌سعه‌د ئه‌رده‌ڵان" له‌ گفتوگۆ له‌گه‌ڵ کوردپرێسدا:
کێشه‌کانی رۆژهه‌ڵاتی ناوین ته‌نیا له‌ رێگه‌ی گفتوگۆوه‌ چاره‌سه‌ر ده‌بن / ئێران یه‌کێکه‌ له‌ کاریگه‌رترین هێزه‌کانی ناوچه‌که‌
"دکتۆر ئه‌سعه‌د ئه‌رده‌ڵان شاره‌زای بابه‌ته‌ نێونه‌ته‌وه‌ییه‌کان و لێکۆڵه‌ری پرسی کورد له‌سه‌ر ئه‌م بڕوایه دایه‌‌ که‌ کێشه‌کانی رۆژهه‌ڵاتی ناوین ته‌نیا له‌ رێگه‌ی گفتوگۆوه‌ چاره‌سه‌ر ده‌بن."
کوردپرێس – دوای سه‌رده‌می شه‌ڕی سارد و پاش داڕووخانی یه‌کێتی سۆفییه‌ت داڕێژه‌رانی ئایدیای "به‌ڕێوه‌به‌ربردنی دیسیپلینی نوێی جیهانی" به‌ دوو شێواز ئیشیان کردووه‌: 1- به‌ جیهانی کردنی که‌لتوری رۆژئاوایی له‌ ژێر ناوی سیستمێکی نوێ له‌ داسه‌پاندنی که‌لتوری و سیاسی 2- په‌ره‌دان به‌ بایه‌خه‌ ئه‌مریکییه‌کان به‌ که‌ڵک وه‌رگرتن له‌ هێرشی سه‌ربازی.
له‌م دوو نیگایه‌دا، ئه‌مریکییه‌کان له‌ دوای ئه‌وه‌ن بێجگه‌ له‌وه‌ی که‌ بینای فیکری "ئیمپڕاتۆری جیهانی" خۆیان سازبکه‌ن، ئاوا له‌ لایه‌کی دیکه‌وه‌ هان ده‌ده‌ن ئه‌وانی دیکه‌ش به‌ره‌و بایه‌خه‌ جیهانییه‌کانی خۆیان ببه‌ن.
دکتۆر ئه‌سعه‌ ئه‌رده‌ڵان، مامۆستای یاسای په‌یوه‌ندییه‌ نێونه‌ته‌وه‌ییه‌کان له‌سه‌ر ئه‌م باوه‌ڕه‌یه‌: گه‌ڕانه‌وه‌ بۆ ده‌قی مافه‌ نێونه‌ته‌وه‌ییه‌کان و ره‌چاوکردنی ئه‌وان، باشترین رێگه‌چاره‌یه‌ بۆ لێکتێگه‌شتن‌. به‌شی شه‌شمی بیاننامه‌ی نه‌ته‌وه‌ یه‌کگرتووه‌کان که‌ نموونه‌یه‌کی باشه‌ بۆ چاره‌سه‌ر کردنی ناکۆکییه‌ نێونه‌ته‌وه‌ییه‌کان‌، پێشنیارگه‌لی زۆر باشی بۆ گفتوگۆ و لێکتێگه‌شتن خستووه‌ته‌ به‌رده‌ست. ئه‌گه‌ر بتوانین وڵاته‌ به‌هێز و شه‌ڕ خوازه‌کان ناچار بکه‌ین که‌ له‌ پڕۆژه‌ ده‌نگپێدراوه‌کان له‌ مه‌کۆ گشتییه‌کانی نه‌ته‌وه‌ یه‌کگرتووه‌کان فه‌رمانبه‌ری بکه‌ن، ره‌نگه‌ رێگه‌ی گه‌یشتن به‌ سازان نه‌ختێک درێژ خایه‌ن بێت، به‌ڵام تاوان و باجی که‌متری له‌ دوایه‌. رێکخراوه‌ ناوچه‌ییه‌کان و نێونه‌ته‌وه‌ییه‌کان ئه‌گه‌رچی نیانتوانیوه‌ ریشه‌ی شه‌ڕ و ده‌مارگرژی و وێرانگه‌ری وشک بکه‌ن، به‌ڵام له‌ زۆر که‌یسی دیکه‌دا له‌ کاره‌ساتگه‌لێکی به‌رڵاوتر به‌رگیران کردووه‌.
ده‌قی ته‌واوی گفتوگۆکه‌ی کوردپرێس له‌گه‌ڵ دکتۆر ئه‌سعه‌د ئه‌رده‌ڵان:
کوردپرێس – "نیئۆ کونزرڤاتیڤه‌کان" به‌ رێبه‌ری ئه‌مریکا ئه‌و کاته‌ی "ئایدای به‌ڕێوبه‌ردنی دیسیپلینی نوێی جیهانیان" خسته‌ به‌رده‌ست، له‌ دیموکڕاتیزه‌ کردنی جیهان بیریان ده‌کرده‌وه‌، به‌ڕێوه‌بردنی دیسیپلینی نوێی جیهانی ئه‌مریکا له‌ سه‌ر چ ته‌وه‌رگه‌لێک ئیش ده‌کات؟
ئه‌رده‌ڵان: ئه‌م ئایدیایه له‌ سه‌ر دوو ته‌وه‌ر بونیاد نرابوو که‌ شاڵاو و بونیادی بیرۆکه‌ی باش‌تر بوونی ئه‌مریکییه‌کانی له‌ زمانی راسته‌ نوێکانه‌وه‌ ده‌خسته‌ روو. ‌ یه‌کیان ئه‌و مافه‌یه‌ که‌ له‌ جیهاندا ئه‌مریکییه‌کان به‌ مافی تایبه‌ت به‌ خۆیانی ده‌زانن و ئه‌وه‌ش دابین کردنی به‌رژه‌وه‌ندی و ئاسایشی ئه‌مریکایه‌ و له‌ رێگای خۆسه‌پاندنه‌وه‌ له‌ دوای به‌دی هاوردنی ئه‌م مافه‌ تایبه‌تییه‌ن بۆ خۆیان. و دووهه‌م ئه‌م شته‌ بنه‌ڕه‌تیه‌یه‌ که‌ به‌ بایه‌خی ئه‌مریکایی ناوی لێده‌برێت و بریتییه‌ له‌ ئازادی، خه‌ڵک سالاری و رچاوکردنی مافی مرۆڤ که‌ پاسه‌وانی له‌م بایه‌خه‌ له‌ نێو خۆ و په‌ره‌دانی له‌ ده‌ره‌وه‌ی ئه‌مریکا له‌ پلانی کاری خۆیاندا داده‌نێن. بۆ سازگار کردنی نێونه‌ته‌وه‌یی ئه‌م ئه‌ندێشه‌ش له‌ شێوازی پۆپۆلیستی و په‌سه‌نی عامه‌ ده‌پێچنه‌وه‌ و به‌م شێوه‌ نیشانی ده‌ده‌ن که‌ به‌رژه‌وه‌ندی ئه‌مریکا له‌ رێگه‌ی په‌ره‌سه‌ندنی دیسیپلینێکی نێونه‌ته‌وه‌ییه‌وه‌ که‌ له‌ودا وڵاتانێکی دیکه‌ به‌شدارن که‌ له‌ لایه‌ن خه‌ڵکه‌وه‌ هه‌ڵبژێردراوان و رێزی مافی تاک ده‌گرن، ده‌سته‌به‌ر ده‌بێت.
له‌ راستییدا ئه‌م سێ به‌ها و  بنه‌مایه‌ له‌ نیگای زۆرێک له‌ خه‌ڵکانی جیهانه‌وه‌ پێگه‌یه‌کی باڵا و په‌سه‌ندیان هه‌یه‌ و ناکرێت ئه‌م بایه‌خانه‌ تایبه‌ت بن یاسای بنه‌ڕه‌تی ئه‌مریکا یان نیگای راسته‌ نوێکان. به‌ڵام جۆری ئه‌مریکایی ئه‌وان لای ئێمه‌ ئاماژه‌ی پێده‌کرێت. داڕوخانی یه‌کیه‌تی سۆڤیه‌ت و سیستمی کۆمۆنیستی له‌ ئه‌ورووپا ئه‌م بڕوایه‌ی له‌ لای ئه‌م گرووپه‌ پته‌و کرد که‌ ره‌قیب له‌ناوچووه‌ و ئێسته‌ ته‌نیا ئه‌مریکایه‌ که‌ ده‌توانێت جیهان به‌ڕێوه‌ ببات.
که‌واته‌ بۆ به‌ڕێوه‌بردنی ئه‌م دام و ده‌زگایه‌ ده‌بێت پلان و ئیده‌یان هه‌بێت. له‌ حاڵێکدا که‌ دۆڕانی کۆمۆنیسم زیاتر له‌وه‌ی له‌ ژێر گوشاری رۆژئاوادا بێت ده‌ره‌نجامی ناکارا‌مه‌یی سیستمی نێوخۆیی خۆی بوو. ئێسته‌ به‌م تێگه‌شتنه‌ هه‌ڵه‌یه‌ له‌سه‌ر ئه‌م بڕوایه‌ن که‌ گوشار ده‌توانێت دی ره‌قییبه‌کانی ئه‌وان له‌ ساحه‌که‌ وه‌ده‌ر بنێت و به‌ڕێوه‌به‌ری و کۆنترۆڵی جیهان بدرێته‌ ده‌ست بیرۆکه‌ی ئه‌مریکایی له‌ جۆری نئۆ-کانه‌کان.
کوردپرێس – ئه‌گه‌ر له‌ رووی فیکریه‌وه‌ تایبه‌تمه‌ندییه‌کانی ئایدیای به‌ڕێوه‌به‌ری دیسیپلینی نوێی جیهانی – ئه‌مریکایی لێکبده‌ینه‌وه‌، به‌ نموونه‌ و چاورچێوه‌ی ده‌ستنیشان کراوی ئه‌مریکا یانی "لیبریال دیموکڕاسی" ده‌گه‌ین. ئێسته‌ گریمان‌ که‌ ئه‌م جیهانبینییه‌ له‌ وڵاتانی که‌متر پێشکه‌وتوو و نادیموکڕاتیک قبووڵ بکرێت، له‌ راستییدا تا چ راده‌یه‌ک سیستمه‌ فه‌رهه‌نگی و سیاسییه‌کانی نه‌ته‌وه‌ نادیموکڕاتیکه‌کان توانی قبووڵی ئه‌م نموونه‌ ئه‌نگلۆساکسۆنییه‌یان هه‌یه‌؟
ئه‌رده‌ڵان: سنووره‌کانی روون نییه‌، په‌یوه‌ندی به‌ دڵخوازی گشتی خه‌ڵک و سیستمه‌ سیاسییه‌کانه‌وه‌ هه‌یه‌. له‌م رووه‌یه‌ که‌ ئه‌وان به‌ر له‌وه‌ی ئاڵ و گۆڕی سیاسی سازبکه‌ن، ده‌ست ده‌ده‌نه‌ ئاڵ و گۆڕه‌ فه‌رهه‌نگییه‌کان. تاکوو به‌ستێنی قبووڵی فه‌رمانه‌ سیاسی و ئابوورییه‌کان ئاماده‌ بکه‌ن. هه‌ڵبه‌ت ده‌بێت ئه‌مه‌ رچاو بکه‌ین که‌ ئامانجی ئه‌وان دیموکڕاسی ئازادانه‌ی وڵاته‌کان نییه‌ به‌ڵکو جۆرێکه له‌ نموونه‌که‌ی خۆیان که‌ به‌رژه‌وه‌ندییه‌ فه‌رهه‌نگی و سیاسیی و ئابوورییه‌کانی ئه‌مریکا گه‌ره‌نتی بکات تاکوو له‌ مافه‌ تایبه‌تییه‌که‌یان‌ هیچ زیانێک نه‌که‌وێت.
کوردپرێس – به‌ڕێوه‌بردنی جیهانی ئه‌مریکا هاوکاته‌ له‌گه‌ڵ شه‌ڕی ئه‌فغانستان و عێراق و ئێستای سوریا، ئایا به‌ رای ئێوه‌ ئه‌م به‌ڕێوه‌به‌رییه‌ به‌ره‌و سه‌رلێشێواوی و هه‌رکی به‌ هه‌رکی جیهانی و هه‌ڵقوڵانی گروپه‌ توندڕه‌وه‌کان نه‌چووه‌؟
ئه‌رده‌ڵان: ئه‌م سێ خاڵه‌ نیشانی ده‌ده‌ن که‌ ئه‌و جۆری به‌ڕێوه‌بردنه‌ به‌ باشی پلانی بۆ دانه‌ڕێژرابوو. روون نه‌بوو که‌ دوای ئه‌م ئاڵ و گۆڕانه‌ چه‌ شتگه‌لێک رووده‌ده‌ن. له‌ راستییدا ده‌توانین بڵێین عه‌قڵانیه‌تێک له‌م کارانه‌دا بوونی نه‌بوو، له‌م رووه‌وه‌یه‌ که‌ هه‌م سیستمه‌کانی پێشوو داڕوخان و هه‌م دیسیپلینێکی‌ جێگره‌وه‌ی باش تاکوو ئێستا بۆیان نه‌دۆزراوه‌ته‌وه‌. ناکرێت به‌ روونی بڵێین که‌ ئه‌وان شه‌ڕیان رێخست که‌ له‌ نێوه‌ی رێگا به‌ری بده‌ن، به‌ڵام پلانی داڕشتنی به‌ په‌له‌ بێ له‌ به‌رچاو گرتنی ده‌فرایه‌تی شوێنه‌کان و خواستی نه‌ته‌وه‌یی دۆخه‌که‌ی به‌م جێگه‌ غه‌مباره‌ی ئیستا گه‌یاندووه‌. هه‌ڵبه‌ت ره‌نگه‌ ئه‌م دۆخه‌ی ئێستا له‌ کورتخایه‌ندا به‌رژه‌وه‌ندیه‌کانیرۆژئاوا و ئه‌مریکا به‌ گشتی ده‌سته‌به‌ر بکات. ره‌نگیشه‌ پلانێک هه‌بووبێت تاکوو ئه‌م دۆخه‌ به‌م جێگایه‌ بگات.
کوردپرێس – پێشبینی تیۆره‌ریسیه‌نه‌ ئه‌مریکاییه‌کانی وه‌ک "فۆکۆیاما و هانگتینگتۆن" که‌ ده‌ڵێن کۆتایی دونیا و شه‌ڕی ژیاره‌کان رووده‌دات، ره‌نگه‌ به‌ به‌رزبوونه‌وه‌ی فه‌نده‌منتاڵیسم له‌ شاخی ئه‌فریقاوه‌ تاکوو رۆژهه‌ڵاتی ناوین له‌ راستی نزیک بووبێته‌وه‌، به‌رای ئێوه‌ رووبه‌ڕوو بوونه‌وه‌ی ئه‌م دیسیپلینه‌ نوێیه‌ و ئه‌م بنیادگه‌راییه‌ چۆن ده‌توانێت کۆنتڕۆڵ بکرێت؟
ئه‌رده‌ڵان: من ئه‌م دۆخه‌ی ده‌یه‌ی دواییه‌، نه‌ به‌ ده‌رنجامی پڕۆسه‌یه‌کی سروشتی ده‌زانم و نه‌ به‌ هه‌ڵکه‌وتیشی ده‌بینم، له‌ یادی نه‌که‌ین دوای رۆخانی سۆڤیه‌ت و دوای له ‌ناوچوونی په‌یمانی وه‌رشۆ، هه‌مان ساڵی 1991 له‌ خاتوو ئه‌لبرایت وه‌زیری ده‌ره‌وه‌ی ئه‌وکاتی ئه‌مریکا ئه‌م پرسیاره‌ کرا که‌ هۆی درێژه‌دان به‌ ژیانی ناتۆ له‌ دوای وه‌رشۆوه‌ چییه‌؟ ئه‌و وڵامی داوه‌، ئه‌گه‌رچی ناتۆ بۆ به‌رنگاری له‌گه‌ڵ هه‌ڕه‌شه‌ی دژ به‌ رۆژئاوا ساز ببووه‌، به‌ڵام به‌ له ‌ناچوونی په‌یمانی وه‌رشۆ ئه‌م هه‌ڕه‌شه‌یه‌ له‌ناو نه‌چووه‌، به‌ڵکوو هه‌ڕه‌شه‌ی زۆر جدی‌تر له‌ باکوری ئه‌فریقا و رۆژهه‌ڵاتی ناوینه‌وه‌ رووی له‌ رۆژئاوایه‌ که‌ ناتۆ ده‌بێت له‌ هه‌مبه‌ریاندا بوه‌ستێته‌وه‌. که‌واته‌ ئه‌وان بۆ داهاتووی ناوچه‌که‌ پلانیان هه‌بووه‌. ئه‌گه‌ر وه‌ها بێت رووبه‌ڕوو بوونه‌وه‌یه‌ک له‌ نێوان دیسیپلینی نوێ و دۆخی ئێستا نابێت بوونی هه‌بێت. هه‌ر به‌م هۆیه‌ کۆنتڕۆڵ زۆر پێویسته‌ و ده‌بێت هه‌موو لایه‌نه‌کان عاقڵانه‌ له‌ دوای به‌ڕێوه‌بردن و کۆنترۆڵی قه‌یرانه‌ نوێکانی جیهان بن.
کوردپرێس – کاتێک له‌ کۆنتڕۆڵی جیهانی قسه‌ ده‌که‌ین، ناتوانین له‌ کۆنترۆڵی ناوچه‌یی چاو بپۆشێن، ئه‌وه‌ی روونه‌ ئه‌وه‌یه‌ که‌ شه‌ڕی نیگاکان و ئایدۆلۆژیاکان له‌ رۆژهه‌ڵاتی ناوین ئه‌م کۆنترۆڵه‌ی بردووه‌ته‌ ژێر پرسیاره‌وه‌، هه‌ر بۆیه‌ گه‌مه‌که‌رانی سه‌ره‌کی ناوچه‌که‌ وه‌ک ئێران، عه‌ره‌بستان و تورکیا له‌سه‌ر بابه‌ته‌کانی ناوچه‌که‌ لێکتێگه‌شتنیان نییه‌، له‌مباره‌وه‌ رای ئێوه‌ چییه‌؟
ئه‌رده‌ڵان: ئاساییه‌ که‌ کۆنترۆڵی جیهانی رووبه‌ڕووی تێبینییه‌ ناوچه‌یی و خۆماڵییه‌کان بووه‌ته‌وه‌ به‌ تایبه‌ت ئه‌و کاته‌ی که‌ هه‌م فه‌رهه‌نگی سیاسی یه‌کتر قبووڵ کردن بوونی نه‌بێت و هه‌م وڵاته‌کان و میله‌ته‌کان نیانه‌وێت بچنه‌ ژێر باری وه‌ها کۆنترۆڵێکی جیهانیه‌وه‌. ئه‌و وڵاتانه‌ی که‌ ناوتان برد چوارچێوه‌ی جیاواز و نیگای دژبه‌یه‌کتریان هه‌یه‌. عه‌ره‌بستان پاشکۆی ئابوری و سیاسی ته‌واوی ئه‌مریکایه‌. ئه‌گه‌رچی جۆره‌یه‌ک له‌ ئایدۆلۆژیای ئیسلامی تێدا ده‌ژیت که‌ له‌ دژی بایه‌خه‌ ئه‌مریکییه‌کانه‌.
تورکیا ئه‌ندامی هاوپه‌یمانی ناتۆیه‌ یانی به‌شێکه‌ له‌ پلانی سه‌ربازی خۆسه‌پاندنی ئه‌مریکا. بۆ چوونه‌ نێو یه‌کیه‌تی ئه‌ورووپا و هه‌ر جۆره‌ باڵانسێکی جیهانی دیکه‌ و یا گه‌شتن به‌ شوێنێکی باڵاتر له‌ ناوچه‌که‌دا به‌ خه‌ستی پێویستی به‌ پشتیوانی ئه‌مریکا هه‌یه‌. چ نئۆکانه‌کان له‌ سه‌ر ده‌سه‌ڵات بن و چ ئایدۆلۆژیاکانی دیکه‌. ئێرانیش چاره‌نووسی خۆی چ له‌ رووی تیۆریه‌وه‌ بێت و چه‌ له‌ رووی پڕاکتیکه‌وه‌ بێت له‌گه‌ڵ ئه‌مریکا به‌ روونی نیشان داوه‌ و له‌ هیچکام له‌ پێویستییه‌کانی عه‌ره‌بستان و تورکیا به‌ رۆژئاوا نه‌ک خۆی به‌ هاوبه‌ش نازانێت که‌ ته‌نانه‌ت ره‌خنه‌شیان ده‌کات. له‌ راستییدا ئێران به‌ یه‌کێک له‌ سه‌نگه‌ره‌کانی ئه‌م به‌رگرییه‌ له‌ هه‌مبه‌ر ئه‌م کۆنترۆڵه‌ نوێیه‌ دێته‌ ئه‌ژمار. هه‌ر ئه‌م جیاوازیانه‌ له‌ نیگاکاندایه‌ که‌ ئاسانی جێبه‌جێبوونی سیاسه‌ته‌کانی ئه‌مریکای بردووه‌ته‌ ژێر پرسیاره‌وه‌.
کوردپرێس – ئایا له‌ دوای رێککه‌وتنی ناڤۆکی له‌ نێوان ئێران و 5+1 ده‌توانین هیوادار بین که‌ لۆجیکی خۆسه‌پاندن ئیتر کارامه‌یی باشی نه‌ماوه‌ و گه‌مه‌که‌رێکی ناوچه‌یی وه‌ک ئێران بووه‌ته‌ کارکته‌رێکی سه‌ره‌کی و به‌هێزی جیهان؟
ئه‌رده‌ڵان: ئه‌گه‌ر مه‌به‌ستان ئه‌وه‌یه‌ که‌ ئه‌م رێکه‌وتنه‌ کۆتاییه‌که‌ بۆ خۆسه‌پاندنی ئه‌مریکا، نه‌خێر. هه‌ر وڵاتێکی تێوه‌گلاو له‌م گفتوگۆیانه‌دا ئه‌گه‌رچی له‌ دوای روانینێکی دیاریکراو و له‌ به‌ستێنێکی یه‌کگرتوودا بوو، به‌ڵام خولیای جیاوازیانهه‌بوو‌. هه‌موو هه‌وڵی ئه‌وان بۆ دابین کردنی به‌رژه‌وه‌ندی و ئاسایشی نه‌ته‌وه‌یی خۆیانه‌، هه‌ر بۆیه‌ به‌رده‌وام له‌ دوای لاوازکردنی ئه‌وانی دیکه‌یه‌. ئه‌مه‌ به‌ مانای کۆتایی سیاسه‌تی خۆسه‌پاندن نییه‌ به‌ڵکو تاکتیکه‌کان گۆڕدراوه‌. سوودی هه‌موو به‌شداربووان له‌م دواین گفتوگۆیانه‌دا له‌ ده‌رنجامی هه‌ر ئه‌م بابه‌ته‌دا بوو. ئێران ئه‌گه‌رچی بووه‌ته‌ خاوه‌ن سیمای هێزێکی نه‌رم له‌ ناوچه‌که‌دا و ده‌توانێت له‌ بالانسه‌کانی رۆژهه‌ڵاتی ناویندا کاریگه‌ری هه‌بێت و به‌م رێکه‌وتنه‌ به‌ براوه‌یی گه‌ڕاوه‌ته‌وه‌ ساحه‌ی چاره‌نووس‌سازی جیهانی، به‌ڵام هێشتا رێگایه‌کی درێژی له‌به‌رده‌ستدایه‌ تاکوو کاریگه‌ری به‌ سه‌ر ئاڵ و گۆڕه‌ جیهانییه‌کانه‌وه‌ هه‌بێت.
کوردپرێس – به‌ رای ئێوه‌ به‌ چ شێوه‌یه‌کی به‌ڕێوه‌به‌ری، جیهان ده‌توانێت له‌ بابه‌ته‌ جیاوازه‌کاندا له‌ درکه‌ی گفتوگۆ و سازان بدات؟
ئه‌رده‌ڵان: گه‌ڕانه‌وه‌ی بۆ ده‌قی مافه‌ نێونه‌ته‌وه‌ییه‌کان و له‌به‌رچاو گرتنی ئه‌مانه‌ باشترین رێگا بۆ سازان و لێکتێگه‌شتنه‌. به‌شی شه‌شه‌می بیاننامه‌ی نه‌ته‌وه‌ یه‌کگرتووه‌کان که‌ نموونه‌یه‌کی باشه‌ بۆ چاره‌سه‌ر کردنی ناکۆکییه‌ نێونه‌ته‌وه‌ییه‌کان‌، پێشنیارگه‌لی زۆر باشی بۆ گفتوگۆ و لێکتێگه‌شتن خستووه‌ته‌ به‌رده‌ست. ئه‌گه‌ر بتوانین وڵاته‌ به‌هێز و شه‌ڕ خوازه‌کان ناچار بکه‌ین که‌ له‌ پڕۆژه‌ ده‌نگپێدراوه‌کان له‌ مه‌کۆ گشتییه‌کانی نه‌ته‌وه‌ یه‌کگرتووه‌کان فه‌رمانبه‌ری بکه‌ن، ره‌نگه‌ رێگه‌ی گه‌یشتن به‌ سازان نه‌ختێک درێژ خایه‌ن بێت، به‌ڵام تاوان و باجی که‌متری له‌ دوایه‌. رێکخراوه‌ ناوچه‌ییه‌کان و نێونه‌ته‌وه‌ییه‌کان ئه‌گه‌رچی نیانتوانیوه‌ ریشه‌ی شه‌ڕ و ده‌مارگرژی و وێرانگه‌ری وشک بکه‌ن، به‌ڵام له‌ زۆر که‌یسی دیکه‌دا له‌ کاره‌ساتگه‌لێکی به‌رڵاوتر به‌رگیران کردووه‌.
 
 

کۆدی بابه‌ت: 48859  |  به‌روار: ۱۳۹۴/۸/۱۷  |  کاتژمێر: 14 : 6

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
کاردانەوەی نەتەوە یەکگرتووەکان بە هەڵکردنی ئاڵای هەرێمی کوردستان لە کەرکووک
بەنداوی تەبقا لە لایەن ھێزەکانی سووریای دیموکراتیکەوە گەمارۆدرا
تەقە لە پەرلەمانی بریتانیا کرا/ کوژران و برینداربوونی ۱۴ کەس
ڕێنوێنییەکانتان مایەی دڵگەرمیی چالاکانی ئابوورییە/ کەمایەسییەکان قەرەبوو دەکەینەوە
خولی پێنجەمی دانوستانەکانی ژنێڤ پێنجشەمە دەست پێدەکات
بەغدا هەڵکردنی ئاڵای کوردستان لە کەرکووک بە نایاسایی دەزانێت
خۆشحاڵی دەربڕینی وەزیری دەرەوەی ئەمریکا بۆ بەشداریی نوێنەری بارزانی لە کۆنفڕانسی واشنتۆن
سەرسووڕمانی ئەندامی یەکێتی بۆ هەڵدرانی ئاڵای هەرێمی کوردستان لە کەرکووک
کاردانەوەی ئەندامی لێژنەی سەرۆکایەتی مەجلیس بە سووکایەتی بە جلی کوردی له کەناڵی دووی تەلەڤیزیۆنی ئێران
ئەڵمانیا فرۆشتنی چەک و چۆڵ بە تورکیای ڕاگرت
١١٦٩ کەس خۆیان بۆ هەڵبژاردنی شۆراکانی ئیسلامی لە کوردستان ناونووس کردووە
١٣٥٠ کەس بۆ هەڵبژاردنی شورای ئیسلامی شار و گوندەکانی کرماشان خۆیان ناونووس کردووە
ڕنووی بەفر بووە هۆی گیان لەدەستدانی چوار کەس لە ئازەربایجانی ڕۆژئاوا
دەیان کوژراو و بریندار لە بوردۆمانی قوتابخانەیەکی ڕەقە
قایمقامی حەلەب دەستخۆشی له پاڵپشتییەکانی ڕووسیا، ئێران و چین دەکات
ئیمکانات