بارزانی چی گووت؟ گووتی:"یان لەگەڵ پارتی، یان دژی پارتی"!/ رێبوار کەریم وەلی
بەشی وتار -
 
کوردپرێس - لە بنەڕەتدا، هەردوو پەیامەکەی سەرۆکی هەرێمی کوردستان(باشیک 16ی نۆڤەمبەر و هەولێر20ی نۆڤۆمبەر) وەکو یەکن و هیچ گۆڕانکارییەک بەسەر هەڵوێستی پارتی و بارزانیدا نەهاتووە، بگرە بەرامبەرەکانی پارتی کە لە دەرفەتێک دەگەڕان بۆ ئەوەی لە گۆشەگیریی سیاسی دەرچن وەکو دەرفەت سەیری دەکەن.
لە هەردوو پەیامەکەدا، تەئکید لەوە کراوەتەوە کە ئیدی بزووتنەوەی گۆڕان و پەرلەمانییەکان، بەم سیاغ و سیاتەی ئێستایان لە هاوکێشەی حوکمڕانیدا جێگەیان نابێتەوە، پەیامەکە وەک پەیامی جۆرج بووش وابوو کە دوای یازدەی سێپتەمبەر پێشکەشی کرد، بارزانیش گووتی:"یان لەگەڵ پارتی، یان دژی پارتی"! پوختەی کەلام ئەوە بوو. ئینجا بارزانی کە زانی پەیامەکەی بە باشی نەگەیشتووە، پەیامی دووەمیشی بڵاوکردەوە.
یەکگرتوو، کۆمەڵی ئیسلامی(کە دەمێکە حەز دەکات بێتەوە ناو بازنەوە) و باڵی ناوەندی بڕیار پێشوازییان لە پەیامەکەی دووەم کرد و هەوڵیان دا وای نیشان بدەن کە شتی تازەی تێدایە! ئەڵبەتە بزووتنەوەی گۆڕان باش لە مەغزای پەیامەکە تێگەیشتووە و، دەزانێ بارزانی مەبەستی چییە، بۆیە لە وەڵامیاندا بۆ پەیامەکە (کە تەناقوزاتی زۆری تێدایە)، جارێ پێش هەموو شتێک، وەڵامی بڕگە بە بڕگەی پەیامەکەی بارزانییان داوەتەوە.
پەیامەکەی بارزانی پڕە لە لوغم؛ هەندێک وا بیر دەکەنەوە کە بارزانی، لەو پەیامەدا، جیاواز لە جاران، هەرسێ سەرۆکایەتییەکەی هەرێمی کوردستانی کردۆتە یەک پاکێج و ئەوە شتێکی تازەیە! نەخێر وانییە.
یەکەم: پارتی، بەردەرکدنی گۆڕان لە حکومەت، هەر لە سەرەتاوە رایگەیاند کە حکومەت و پەرلەمان یەک پاکێجن و، ئامادەش بوو لە پێناو کارا کردنەوەی پەرلەمان و پڕکردنەوەی شوێنی وەزیرەکانی گۆڕان، پۆستەکان بدات بە یەکێتی و یەکگرتووی ئیسلامی و، پڕۆسەی سیاسی پەکی نەکەوێ! بەڵام کە ئەوان ئەو دەم، ئەو جورئەتەیان نەبوو، دۆخەکە ئاوا مایەوە.
دووەم: پۆستی سەرۆکی هەرێمی کوردستان کە جاری یەکەم کە لە رێگەی پەرلەمانەوە دیاری کرا، بەرامبەر بوو پۆستی سەرۆککۆماریی تاڵەبانی لە بەغدا، بەڵام دوای گووشارەکانی لایەنگرانی نەوشیروان مستەفا لەناو پەرلەمان و هەموارکردنەوەی یاساکە، ئیتر لە ئیرادەی رێککەوتنی ستراتیژی چووەدەر و بارزانیش خۆی دیتی کە لە دەڤەری سەوزی ئەوکات چەند دەنگی هێناوە. مایەوە کە لە یەکێتی کەس خۆی کاندید نەکات بۆ ئەو پۆستە و، لە هەڵبژاردنەکانی 2009 دا، خەزووری تاڵەبانی کاندید بوو!
سێیەم: هەر گۆڕانکارییەک بەسەر تەشکیلەی سیاسیی ئێستادا بێت (کە بزووتنەوەی گۆڕان هەوڵی پاراستنی دەدات و نایەوێ یەکلابێتەوە) دوو شتی لێدەکەوێتەوە؛ دەستەی سەرۆکایەتیی پەرلەمان دەگۆڕدرێت و پۆستەکانی کابینەی حکومەتیش گۆڕانیان بەسەردا دێت، بەڵام ئەوە بەو مانایە نییە کە کە پارتی سەرۆکایەتیی حکومەت بداتە لایەنەکانی دیکە، بگرە پۆستی زیاتریان دەداتێ.
چوارەم: بارزانی لایەنەکانی سەرپشک کردووە کە لە جێگەی ئەو کەسێک سەرپشک بکەن بۆ سەرۆکایەتیی هەرێم تا هەڵبژاردنی داهاتوو، بێ ئەوەی بڵێ کە ئایا لە هەڵبژاردنی داهاتوودا خۆی کاندید دەکاتەوە یان نا؟ ئەو قسەیەش لەکاتێکدایە کە ئەنجوومەنی شوورا لە کوردستان، بە بڕیارێک بارزانیی تا هەڵبژاردنی داهاتوو وەک سەرۆکی هەرێم دیاری کردووە و، بارزانیش دەستی لەکار نەکێشاوەتەوە. بارزانیش دەست لەکارناکێشێتەوە تا نەبینێ بەرامبەرەکانی بەتەمای چین.
پێنجەم: ئەوە گریمان لایەنەکان رێککەوتن لەسەر ئەوەی کە یەکێک بۆ شوێنی بارزانی دیاری بکەن (کە هەر کەس بێت، دیارە زۆر حەزی لێییە زەلیل بێت)، کێ بڕیارەکەی ئەنجوومەنی شوورا هەڵدەوەشێنێتەوە؟ کێ دەسەڵاتی بەلایەنە سیاسییەکان داوە کە بتوانن جێگەی پەرلەمان بگرنەوە (گۆڕان و پەرلەمانییەکان چۆن ئەو بێ یاساییە قەبوڵ دەکەن؟) و باڵاترین پۆستی وڵات بگۆڕن؟ دەستەی سەرۆکایەتیی پەرلەمان کەی دەگۆڕدرێت، دوای هەموارکردنی یاساکە(کە گۆڕان داوای ئەوە دەکات) یان پێش هەموار کردنی یاساکە؟؟؟
شەشەم: پڕۆسەی نووسینەوەی دەستوور چی لێ بەسەر دێت؟؟؟
ئەوانە مشتێکن لە خەروارێک، بەڵام هەر دوو پەیامەکە یەک ئامانجیان هەیە و ئەویش ئەوەیە کە جووڵەیەک بکرێ بۆ ئەوەی بزووتنەوەی گۆڕان خۆی لە پڕۆسەی حوکمڕانیدا یەکلا بکاتەوە و، بەوەش دەستی لایەنەکانی دیکە کراوە بێت لە هاوپەیمانیی نوێ لەگەڵ پارتیدا.
کافر بە حاڵی باڵی ماڵبات نەبێ
پەیامەکانی بارزانی روویان لە هەر دوو باڵەکەی یەکێتی نیشتمانی بوو، هەر زوو کۆسرەت رەسوڵ عەلی، جێگری سەرۆکی هەرێم و هاوکات جێگری سکرتێری گشتی یەکێتی نیشتمانیی کوردستان، پێشوازیی لە پەیامە کرد و، پەیامەکەشی بەناوی جێگری سکرتێری گشت
یی یەکێتی بڵاوکراوە، نەک بەناوی ناوەندی بڕیار! باڵی ماڵبات ئەگەرچی دەگووترێ لە پەیامی دووەمدا، رایان وەرگیراوە، بەڵام تا ئێستا هەڵوێستیان نەبووە، لە بەینی دووشتدا گیریان خواردووە؛ ئەگەر بەجیا هەڵوێست دەربڕن ئەوە، دان بە واقیعی دوو لەتبوونی خۆیاندا دەنێن و، ئەگەریش پابەندی هەڵوێستی کۆسرەت رەسوڵ بن، کەواتا بڕیار لای ئەوان نەماوە. بەڵام لە هەر دوو حاڵەتەکەدا، ئەمجارە ئەوان پشت لە گۆڕان دەکەن، چونکە ئیتر پتر لەوەی لە گۆڕان بترسن لە ناوەندی بڕیار دەترسن. چونکە کارەتەکانی دەستی باڵی ماڵباتیش وا خەریکە تەواو دەبن.
مەلا وشیار کێ کوشتی؟
تیرۆری بە ناهەقی مەلا وشیار، کراوەتە کەرەستەیەکی سیاسی. دوو ساڵ و قسوورە، بەردێک لە ئاسمانەوە بەربووبێتەوە، گووتراوە کە خەتای داعشەوە و دەستی ئەوانی تێدایە. بەس سوبحانەللا! داعش تەنها لەو کردەوەیەدا بە بێ گووناه دەرچووە! لایەنێک دەیەوێ بە پێشوازیی یەکگرتووی ئیسلامی لە پەیامی بارزانییەوە، بیبەستێتەوە. لایەنێکی دیکەش کە بە ئیرهابی فیکری تۆمەتبار کراوە، دەیەوێ لە بن تۆمەت دەرچێ و پارتی نەک بە ئیرهابی فکر، بگرە بە ئیرهابی جەستەش تۆمەتبار بکات. زوو یان درەنگ دەردەکەوێ کێ لە پشت ئەو تیرۆرەوە بووە، بەڵام زۆر مەخابن لە وڵاتێکدا کە داعشی لێ بێت، موخابەراتی ئەو هەموو وڵاتە جرت و فرتیان بێت و پێش ئەوەی پۆلیس و یاسا کاری خۆی کردبێت، تیرۆری کەسایەتییەک وا بە هەرزانی بکرێتە کەرستەی سیاسی! مەلا وشیار یەک جار تیرۆر کرا و خوا لێی خۆش بێت، بەڵام فەیسبووکنووس و کیبۆرد کووتەکان سەدجاری دیکە تیرۆریان کردەوە، خوا قەت لەوان خۆش نەبێت.
تێبنی: ئەم وتارە لە ماڵپەڕی رووداو بڵاوکراوەتەوە

کۆدی بابه‌ت: 65830  |  به‌روار: ۱۳۹۵/۹/۶  |  کاتژمێر: 22 : 57

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
ئاشکراکردنی پڕ هەنگامەی سروه‌ت و سامانی زۆری سه‌رۆک وه‌زیرانی تورکیا
ئیتنیک و ئایینزاکان لە کابینەی دوازدەهەمدا بەکار بگیردرێن
پرۆژەی ئەمریکا دامەزراندنی "ئیسرائیل"ی دووهەمە نەک کوردستان/ ناوی کورد خەوشدار مەکەن
له پارێزگای وان فڕۆکه شەڕکەرەکانی تورکیا پەلاماری پێگەکانی پەکەکەیان دا/ 10 ئەندامی پەکەکە کوژراون
دادستێی ئەستەنبۆڵ فەرمانی گرتنی سەرپەرەشتیاری ڕۆژنامەی سوزچی دەرکرد
بەشداریی ژنان لە لێژنەی وەزیران پێویسته
داواکاری بۆ زیادکردنی هێزی پێشمەرگە لە شارێکی جێی ناکۆکیی عێراق
جیاوازییەکی کەمڕەنگ لە ئەنجامی دەنگەکانی سندووقە دووبارە ژمێردراوەکان له کرماشان / 35 سندووقی دیکەی شاری کرماشان دیسان دەژمێردرێنەوە
Li 59 gundên Amedê qedexe hat ragihandin
Caferî: Iraq ji bo Amerîkayê nabe hevpeymana dijî Îranê
Li Mûsilê şerekî giran heye
Şandeya Denmarkî li Sûra Amedê hat astengkirin
Yekem car ezmûnên kurdî li Şehbayê
سوپای تورکیا کانتۆنی عەفرین بوردۆمان دەکات
لە سنووری دووزخورماتوو شەڕ و ڕوبەڕوبوونەوە لەنیوان پێشمەرگە و داعشدا ڕوویدا
ئیمکانات