شرۆڤه‌ی جه‌میل بایک له‌باره‌ی فه‌رمانده‌رانی تیرۆری باڵوێزی ڕووسیا له‌ ئه‌نقه‌ره‌
به‌شی تورکیا- هاوسه‌رۆکی کۆنسه‌ی به‌ڕێوه‌به‌رایه‌تی په‌که‌که‌ وتی: ئه‌گه‌ری زۆره‌ ئه‌و که‌سه‌ی که‌ باڵوێزی ڕووسیا له‌ ئه‌نقه‌ره‌ی کوشتووه‌ یه‌کێک له‌ نزیکان و لایه‌نگرانی ئه‌ردۆغانه‌. ئه‌و وێنانه‌ که‌ له‌ میدیاکان بڵاو کراوه‌ته‌وه‌ ئه‌م گریمانه‌یه‌ به‌ ڕاستی نزیک ده‌که‌نه‌وه‌.
به‌پێی هه‌واڵی کوردپرێس به‌ گێڕانه‌وه‌ له‌ فرات نیووز، جه‌میل بایک هاوسه‌رۆکی کۆنسه‌ی به‌ڕێوه‌به‌رایه‌تی په‌که‌که‌ له‌ وتارێکدا که‌ له‌ ڕۆژنامه‌ی ئۆزگۆر پۆلیتیکا بڵاو کراوه‌ته‌وه‌ تیرۆری باڵوێزی ڕووسیا له‌ ئه‌نقه‌ره‌ی شرۆڤه‌ کردووه‌ و ڕایگه‌یاندووه‌: باڵوێزی ڕووسیا له‌لایه‌ن که‌سێکه‌وه‌ کوژراوه‌ که‌ پێشتر یه‌کێک له‌ پاسه‌وانانی ئه‌ردۆغان بووه‌. ئێمه‌ ئه‌م جینایه‌ته‌ ئیدانه‌ ده‌که‌ین و سه‌ره‌خۆشی خۆمان به‌ ده‌وڵه‌تی ڕووسیا ڕاده‌گه‌یێنین. پارته‌ ده‌سه‌ڵاتداره‌کانی ئاک پارتی و پارتی بزووتنه‌وه‌ی نه‌ته‌وه‌یی له‌و ڕووداوانه‌ی که‌ ترس و دڵه‌ڕاوکێی جیهانی به‌دواوه‌ ببێت پێشوازی ده‌که‌ن.
ناوبراو وتیشی: میدیاکانی سه‌ر به‌ ئه‌ردۆغان پاش چه‌ندین خوله‌ک له‌ تیرۆری باڵوێزی ڕووسیا ئیدعایان کرد؛ "ئه‌م جینایه‌ته‌ له‌لایه‌ن ئه‌ندامانی سه‌ر به‌ جه‌ماعه‌تی گوله‌ن ئه‌نجام دراوه‌، ئامانجی ئه‌م تیرۆره‌ لاوازکردنی په‌یوه‌ندی نێوان تورکیا و ڕووسیایه‌." دواتر میدیاکانی سه‌ر به‌ AKP پێکه‌وه‌ ئه‌م ئیدعایه‌یان دووپات کرده‌وه‌. هه‌ندێ که‌س هێشتا هه‌وڵ بۆ دۆزینه‌وه‌ی وه‌ڵامێک بۆ ئه‌م پرسیاره‌ ده‌ده‌ن که‌ چ گرووپ یان لایه‌نێک ئه‌م کاره‌ی ئه‌نجام دا. میدیاکانی تورکیا له‌ ڕاگه‌یاندنی ڕاستییه‌کان دووری ده‌گرن. ئه‌م کاره‌ خۆی به‌شێک له‌ نه‌وتنی ڕاستییه‌کانی پشت په‌رده‌ی تیرۆری باڵوێزی ڕووسیایه‌. هێشتا له‌ په‌یوه‌ندی بکوژه‌که‌ له‌گه‌ڵ ڕێکخراو و ناوه‌نده‌ مه‌زه‌بییه‌کان هه‌واڵێک بڵاو نه‌کراوه‌ته‌وه‌. ڕوون و ئاشکرایه‌ که‌ ئه‌م تیرۆره‌ له‌‌ بواری سیاسی ئێستای تورکیا ده‌کرێ هه‌ڵبسه‌نگێندرێت.
ناوبراو له‌ درێژه‌دا ده‌ڵێت: ئه‌ردۆغان و ڕاوێژکارانی ناوبراو چه‌ندین ساڵه‌ که‌ بۆ پێکهاتنی بزووتنه‌وه‌یه‌کی توندڕه‌و و سه‌له‌فی له‌ تورکیا چالاکییه‌کانی خۆیانیان ده‌ستپکردووه‌. خودی ئه‌ردۆغان به‌ شێوه‌یه‌کی ئاشکرا هۆشداری به‌ ئه‌ورووپا دا. ئه‌ردۆغان درۆ به‌ دانیشتووانی تورکیا ده‌ڵێت که‌ یه‌کێتی ئه‌ورووپا به‌ بۆنه‌ی موسڵمان بوونی هاووڵاتیان ئیزنی چوون بۆ ناو یه‌کێتی ئه‌ورووپا به‌ ئێمه‌ نادات، ئه‌ردۆغان ئه‌ورووپا به‌ هاوکاری له‌گه‌ڵ په‌که‌که‌ تۆمه‌تبار ده‌کات و به‌م شێوازه‌ ئاگری دوژمنی له‌گه‌ڵ ئه‌ورووپا هه‌ڵده‌گیرسێنێت. سه‌رۆک کۆماری تورکیا به‌م کاره‌وه‌ زۆربه‌ی نه‌ته‌وه‌خوازانی تورکی کۆکردۆته‌وه‌ بۆ ئه‌وه‌ی به‌ به‌کارهێنانی ئه‌وان له‌گه‌ڵ دوژمنان شه‌ڕ بکات. ئه‌گه‌ری زۆره‌ ئه‌و که‌سه‌ی که‌ باڵوێزی ڕووسیا له‌ ئه‌نقه‌ره‌ی کوشتووه‌ یه‌کێک له‌ نزیکان و لایه‌نگرانی ئه‌ردۆغانه‌. ئه‌و وێنانه‌ که‌ له‌ میدیاکان بڵاو کراوه‌ته‌وه‌ ئه‌م گریمانه‌یه‌ به‌ ڕاستی نزیک ده‌که‌نه‌وه‌.
بایک جه‌ختیشی کرد: ئه‌م تیرۆره‌ نه‌ ڕێکخراوی سه‌ر به‌ گوله‌ن ئه‌نجامی داوه‌ و نه‌ هیچ ڕێکخراوێکی دیکه‌. تورکیا ئاشکرا ئه‌ورووپییه‌کان به‌ ناوی "مه‌سیحییه‌کان" ناو ده‌بات و له‌ بواری کۆمه‌ڵایه‌تیدا له‌ دژی ڕووسیاش ڕێکخراوبوونی خۆی به‌هێز ده‌کاته‌وه‌. ئه‌گه‌ر ڕێکخراوه‌یه‌ک ده‌ستی له‌ کوشتنی باڵوێزی ڕووسیادا ببێت ناوی ئه‌و ڕێکخراوه‌یه‌ "ناوه‌ندی عوسمانی"یه‌. ئه‌م کاره‌ له‌لایه‌ن لایه‌نگرێکی ئه‌ردۆغانه‌وه‌ ئه‌نجام دراوه‌. گه‌نجانی سه‌ر به‌ ئه‌ردۆغان فه‌رمانه‌کانی ناوبراو جێبه‌جێ ده‌که‌ن.

کۆدی بابه‌ت: 66661  |  به‌روار: ۱۳۹۵/۱۰/۵  |  کاتژمێر: 12 : 37

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
ڕۆحانی: میانەڕۆیی خۆ و خدەی گەلی مەزنی ئێرانە/ هەڕەشە قبووڵ ناکەین
کۆڕی نێونەتەوەیی "زەکەریای ڕازی" لە کرماشان بەڕێوە دەچێت
کێش‌هەڵگری کوردستانی بوویە خاوەنی مێداڵیای زێڕی گەنجانی وڵات
خنکانی گەنجێکی ماسیگر لە بەنداوی قوچمی دێولانی کوردستان
کاتی سه‌ردانی وه‌فدی هه‌رێم بۆ به‌غدا دیاری کرا
هەڵوێستی ڕووسیا هەمبەر گشتپرسیی سەربەخۆیی لە هەرێمی کوردستان
ده‌توانین له‌ ماوه‌ی که‌متر له‌ دوو ساڵ گرفته‌کانی چاره‌سه‌ر بکه‌ین و جیا بینه‌وه‌
به‌م زووانه‌ ده‌ره‌چه‌یێکی گرینگ سه‌باره‌ت به‌ ڕیفراندۆمی کوردستان ده‌کرێته‌وه‌
سه‌رکرده‌ کورده‌کان چییان له‌ سه‌ربه‌خۆیی ده‌وێت؟
دەنگۆی پاڵێوراویەتییی ئالا تاڵەبانی و خالد شوانی بۆ پۆستی پارێزگاریی کەرکووک ڕەت کرایەوە
بارزانی یاری له‌گه‌ڵ ئاگر ده‌کات
داوای ڕاگه‌یاندنی دۆخی نائاسایی له‌ نه‌ینه‌وا و که‌رکووک ده‌کرێت
Rêya Heseke û Dêrazorê ket destê HSD`ê
Barzanî: Gelek dewlet amade ne serxwebûna Kurdistanê nas bikin
Encûmenê Bilind a Referandumê: Yan NY wê dîroka referandumê diyar bike, yan jî nayê paşxistin
ئیمکانات