کورده‌کانی سووریا ئاماده‌ی په‌سه‌ندکردنی گه‌ڵاڵه‌ی سیسته‌می فیدڕاڵی بن
به‌شی جیهان- له‌ هه‌مان کاتدا که‌ ڕووسیا و تورکیا به‌دوای بووژاندنه‌وه‌ی دیپلۆماسی بوون بۆ چاره‌سه‌ری کێشه‌کانی سووریا، به‌پرسه‌ کورده‌کان ئه‌ڵێن کورده‌کانی سووریا و هاوپه‌یمانه‌کانیان چاوه‌ڕوان ده‌که‌ن گه‌ڵاڵه‌یه‌ک بۆ سیسته‌می حکوومه‌تی فیدڕاڵ له‌ باکووری سووریا دابڕێژرێت و ئه‌و بابه‌ته‌ پیشان ده‌دات که‌ دیسانه‌وه‌ له‌سه‌ر خۆبه‌ڕێوه‌به‌ری جه‌خت ده‌که‌نه‌وه‌.
به‌پێی هه‌واڵی کوردپرێس ئامانجی گه‌ڵاڵه‌ی سیسته‌می فیدڕاڵی ئه‌وه‌یه‌ خۆبه‌ڕێوه‌به‌ریی ناوچه‌کانی باکووری سووریا تۆکمه‌ بکات. ئه‌و ناوچه‌یه‌ که‌ گرووپه‌ کوردییه‌کان له‌ سه‌روبه‌ندی شه‌ڕ له‌ سالی 2011ه‌وه‌ ناوچه‌گه‌لێکی خۆبه‌ڕێوه‌به‌ریان پێک هێناوه‌ به‌ڵام ڕێبه‌ره‌ کورده‌کان ده‌ڵێن ئامانجی ئه‌وان دامه‌زراندنی وڵاتێکی سه‌ربه‌خۆ نییه‌.
دزه‌ی هه‌رچی زیاتری کورده‌کان له‌ باکووری سووریا مه‌ترسییه‌کان له‌سه‌ر سووریا زیاتر ده‌کاته‌وه‌ له‌ حاڵێکدا که‌ ئه‌مه‌ریکاش گه‌ڵاڵه‌ی فیدڕاڵیزمی ڕه‌تکردۆته‌وه‌ که‌ بۆ یه‌که‌م جار له‌ مانگی مارچدا ڕاگه‌یێندرا. به‌شار ئه‌سه‌د سه‌رۆک کۆماری سووریاش دژ به‌ فیدڕالیزمه‌.
به‌پێی وته‌کانی هدیه‌ یۆسف، سه‌رۆکی شۆرای 151 که‌سی که‌ بڕیاره‌ گه‌ڵاڵه‌که‌ په‌سه‌ند بکات، ئه‌و گه‌ڵاڵه‌یه‌ که‌ وه‌کوو گرێبه‌ستی کۆمه‌ڵایه‌تی ناوی لێده‌برێت ڕاست وه‌کوو یاسای بنه‌ڕه‌تی وایه‌ و چاوه‌ڕوان ده‌کرێت ڕۆژی چوارشه‌ممه‌ یان پێنجشه‌ممه‌ له‌ کۆبوونه‌وه‌ی شۆرا له‌ شاری ڕمیلان په‌سه‌ند بکرێت.
ناوبراو له‌ په‌یامێکدا بۆ ڕۆیتێرزی نووسیوه‌: ئێمه‌ له‌گه‌ڵ هه‌موو لایه‌ن و گرووپه‌ سیاسیه‌کان سه‌باره‌ت به‌ ناوه‌ڕۆکی گه‌ڵاڵه‌که‌ دانووستانمان کردووه‌ و ڕه‌شنووسی گه‌ڵاڵه‌که‌ به‌ هاوڕایی سه‌رجه‌م لایه‌نه‌کان نووسراوه‌ هه‌ر به‌و بۆنه‌شه‌وه‌ من چاوه‌ڕوان ده‌که‌م گه‌ڵاڵه‌که‌ په‌سه‌ند بکرێت.
ناوبراو زیادی ده‌کات ئێمه‌ له‌ ڕێگای ئه‌م گرێبه‌سته‌وه‌ ڕێگا بۆ دامه‌زراندنی ڕێکخراوه‌کان و سیسته‌می به‌ڕێوه‌به‌رایه‌تیمان خۆش ده‌که‌ین و هه‌لی به‌ڕێوه‌بردنی هه‌ڵبژاردن ده‌ڕه‌خسێنین. له‌ قۆناغی یه‌که‌مدا هه‌ڵبژاردن بۆ دیاری کردنی ده‌وڵه‌ته‌ ناوچه‌ییه‌کان به‌ڕێوه‌ده‌چێت و پاشان هه‌ڵبژاردنی حکوومه‌تی ناوه‌ندی.
شۆرا مه‌جمه‌عێکی یاسادانه‌رییه‌. به‌ وته‌ی به‌رپرسان، ئه‌ندامانی شۆرا له‌ هه‌موو لایه‌نه‌ سیاسی، ئیتنیکی و ئاینییه‌ سه‌ره‌کیه‌کان پێکهاتووه‌. شۆرا له‌ ڕۆژی سێشه‌ممه‌وه‌ ده‌ستی به‌ کۆبوونه‌وه‌کانی کردووه‌.
هه‌نگاوی یه‌ک لایه‌نه‌ی کورده‌کانی سووریا و هاوپه‌یمانانی ئه‌وان له‌ بارودوخێکدا هه‌ڵده‌گیردرێت که‌ مشت و مڕه‌ نێوده‌وڵه‌تییه‌کان بۆ گه‌یشتن به‌ ڕێککه‌وتنێکی سیاسی له‌ بواری شه‌ڕی سووریا شکستی هێناوه‌. شه‌ڕێک که‌ به‌م زووانه‌ ده‌ڕواته‌ شه‌شه‌مین ساڵی خۆیه‌وه‌.
ڕووسیا، ئێران و تورکیا حه‌فته‌ی ڕابردوو پاش کۆبوونه‌وه‌که‌ی مۆسکۆ ڕایانگه‌یاند که‌ ئه‌وان ئاماده‌ن یاریده‌ی ڕێککه‌وتننامه‌ی ئاشتی له‌ سووریا بده‌ن. ئه‌و سێ وڵاته‌ ڕاگه‌یێندراوێکیان بڵاو کرده‌وه‌ که‌ خاڵه‌ سه‌ره‌کیه‌کانی ده‌ستنیشان ده‌کرد که‌ پێویسته‌ له‌ هه‌موو ڕێکه‌وتنێکدا ببێت.
شێوازی ئه‌نجامی ئه‌و گفتوگۆیانه‌ که‌ ئه‌مه‌ریکا به‌شداری نه‌بوو و جیا له‌ دانووستانی چه‌ند خولیی سه‌ربه‌خۆ و به‌ بێ چاودێریی ڕێکخراوی نه‌ته‌وه‌یه‌کگرتووه‌کان به‌ڕێوه‌چوو، هێشتا ناڕوون ماوه‌ته‌وه‌ به‌ڵام مۆسکۆ ڕایگه‌یاندووه‌ دانووستانه‌کان له‌ قه‌زاقستان به‌ڕێوه‌ده‌چێت. قه‌زاقستانیش یه‌کێک له هاوپه‌یمانانی زۆر نزیکی ڕووسیایه‌.
هه‌وڵ بۆ بووژاندنه‌وه‌ی ڕێبازی دیپلۆماتیک پاش شکستی سه‌ربزێوان له‌ ڕۆژهه‌ڵاتی حه‌ڵه‌ب دێته‌ئاراوه‌. ئه‌و ڕووداوه‌ گه‌وره‌ترین سه‌رکه‌وتنی ئه‌سه‌د له‌ شه‌ڕه‌که‌دا بووه‌. میلیشیا کورده‌کانی سووریا (YPG) له‌گه‌ڵ ئه‌وه‌ی که‌ خۆیان له‌ شه‌ڕ له‌گه‌ڵ ئه‌سه‌د دوور گرتووه‌ دڕکه‌مازه‌ی هێزی سه‌ربازیی ناوچه‌ خۆبه‌ڕێوه‌به‌ره‌کانیش بوون.
ی.پ.گ هێزی سه‌ره‌کیی سه‌ر به‌ یه‌کێتیی هێزه‌کانی سووریای دیموکراتیکه‌ که‌ به‌ پاڵپشتیی ئه‌مه‌ریکا توانیویه‌ هه‌ندێک له‌ ناوچه‌کانی خاکی سووریا له‌ داعش بسێنێته‌وه‌.
کورده‌کان ئاماده‌ن له‌ دانووستانه‌کاندا به‌شدار بن
یه‌کێکی‌تر له‌ سیاسه‌توانه‌ کورده‌کان ده‌ڵێت ئه‌و لایه‌نانه‌ی یاسای بنه‌ڕه‌تیی نوێیان په‌سه‌ند کردووه‌ به‌ دووری نازانن له‌ دانووستانه‌کانی داهاتوودا به‌شداری بکه‌ن به‌ڵام بۆ دیداری قه‌زاقستان بانگهێشت نه‌کراون.
فه‌وزی ئه‌حمه‌د ئه‌ندامی شۆرای یاسادانه‌ری که‌ له‌ ناو کۆبوونه‌وه‌که‌وه‌ له‌گه‌ڵ ڕۆیتێرز قسه‌ی ده‌کرد رایگه‌یاند: ئێمه‌ ئاماده‌ین له‌ هه‌موو دانووستانێکی ناوچه‌یی و یان خود جیهانیدا به‌شداری بکه‌ین و گه‌ڵاڵه‌ و پێشنیاری خۆمان له‌مه‌ڕ چاره‌سه‌رێک له‌ سووریا ئاراسته‌ بکه‌ین.
ناوبراو زیادی کرد: لایه‌نه‌ کورده‌کان له‌ دانووستانه‌ پێشووه‌کان که‌ ڕێکخراوی نه‌ته‌وه‌یه‌کگرتووه‌کان پشتیوانیی ده‌کرد وه‌لانراون.
تورکیا، PYD پارتی سه‌ره‌کیی کورده‌کانی سووریا به‌ به‌ره‌ی دواتری پارتی کرێکارانی کوردستان (PKK) ده‌زانێت که‌ سێ ده‌یه‌یه‌ له‌ باشووری ڕۆژهه‌ڵاتی تورکیا به‌ مه‌به‌ستی گه‌یشتن به‌ خۆبه‌ڕێوه‌به‌ریی کورده‌کان ده‌ستی داوه‌ته‌ سه‌ربزێوی.
تورکیا مانگی ئه‌گێست ده‌ستی داوه‌ته‌ هێرشی سه‌ربازی بۆ باکووری سووریا. ئامانجی سه‌ره‌کیی ئه‌و هێرشه‌ ئه‌وه‌یه‌ YPG زه‌مینێکی زیاتر کۆنتڕۆڵ نه‌کات و نه‌توانێت ناوچه‌ کوردنشینه‌کانی باکووری سووریا بلکێنێت به‌ ناوچه‌ی ژێر کۆنتڕۆڵی کورده‌کانه‌وه‌ له‌ باکووری ڕۆژئاوا.
نه‌سره‌ددین ئیبراهیم ئه‌ندامێکی دیکه‌ی شۆرا وتی: بۆ ناوی سیسته‌می حکوومه‌تیی پێشنیارکراو، له‌ ناوی کوردیی باکووری سووریا (ڕۆژئاوا) که‌ڵک وه‌رنه‌گیراوه‌.
ناوبراو زیادی کرد: ئه‌م‌ بابه‌ته‌ بووه‌ته‌هۆی ئه‌وه‌ی 12 پارتی کوردی کۆمه‌ڵێک ئه‌گه‌ر و مه‌گه‌ر بهێننه‌وه‌ ئاراوه‌ به‌ڵام ئه‌و بابه‌ته‌ نابێته‌هۆی په‌سه‌ندکرانی ئه‌و گه‌ڵاڵه‌یه‌.
وه‌رگێڕان له‌ فارسییه‌وه‌: مه‌نسوور ڕه‌حیمی

کۆدی بابه‌ت: 66836  |  به‌روار: ۱۳۹۵/۱۰/۹  |  کاتژمێر: 10 : 18

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
کاردانەوەی نەتەوە یەکگرتووەکان بە هەڵکردنی ئاڵای هەرێمی کوردستان لە کەرکووک
بەنداوی تەبقا لە لایەن ھێزەکانی سووریای دیموکراتیکەوە گەمارۆدرا
تەقە لە پەرلەمانی بریتانیا کرا/ کوژران و برینداربوونی ۱۴ کەس
ڕێنوێنییەکانتان مایەی دڵگەرمیی چالاکانی ئابوورییە/ کەمایەسییەکان قەرەبوو دەکەینەوە
خولی پێنجەمی دانوستانەکانی ژنێڤ پێنجشەمە دەست پێدەکات
بەغدا هەڵکردنی ئاڵای کوردستان لە کەرکووک بە نایاسایی دەزانێت
خۆشحاڵی دەربڕینی وەزیری دەرەوەی ئەمریکا بۆ بەشداریی نوێنەری بارزانی لە کۆنفڕانسی واشنتۆن
سەرسووڕمانی ئەندامی یەکێتی بۆ هەڵدرانی ئاڵای هەرێمی کوردستان لە کەرکووک
کاردانەوەی ئەندامی لێژنەی سەرۆکایەتی مەجلیس بە سووکایەتی بە جلی کوردی له کەناڵی دووی تەلەڤیزیۆنی ئێران
ئەڵمانیا فرۆشتنی چەک و چۆڵ بە تورکیای ڕاگرت
١١٦٩ کەس خۆیان بۆ هەڵبژاردنی شۆراکانی ئیسلامی لە کوردستان ناونووس کردووە
١٣٥٠ کەس بۆ هەڵبژاردنی شورای ئیسلامی شار و گوندەکانی کرماشان خۆیان ناونووس کردووە
ڕنووی بەفر بووە هۆی گیان لەدەستدانی چوار کەس لە ئازەربایجانی ڕۆژئاوا
دەیان کوژراو و بریندار لە بوردۆمانی قوتابخانەیەکی ڕەقە
قایمقامی حەلەب دەستخۆشی له پاڵپشتییەکانی ڕووسیا، ئێران و چین دەکات
ئیمکانات