پەیامی سەرەخۆشی ڕێبەری باڵای شۆڕش بە بۆنەی کۆچی دوایی ئایەتوڵڵا هاشمی ڕەفسەنجانی
بەشی ئێران- ڕێبەری باڵای شۆڕشی ئیسلامی لە پەیامێکدا بە بۆنەی کۆچی دوایی ئایەتوڵڵا هاشمی ڕەفسەنجانی سەرەخۆشی کرد.
بە پێی هەواڵی کوردپرێس دەقی پەیامەکەی ڕێبەری باڵای شۆڕش بە شێوەی خوارەوەیە:
بسم‌الله الرحمن الرحیم
انّا لله و انّا الیه راجعون
بە داخ و کەسەرەوە لە هەواڵی لەناکاوی کۆچی دوایی هەڤاڵی لەمێژینە و هاوسەنگەر و هاوڕێی سەردەمی خەباتی شۆڕشی ئیسلامی و هاوکاری نزیکی ساڵانێکی زۆر لە تەمەنی کۆماری ئیسلامی جەنابی حوجەتولئیسلام وەلموسلمین بەڕێز حاج شێخ ئەکبەر هاشمی ڕەفسەنجانی ئاگادار بوومەوە. لەدەستچوونی هاوسەنگەر و هاوڕێیەکی لەمێژینە کە دەسپێکی هاودڵی و هاوکاری لەگەڵی بۆ پەنجا و نۆ ساڵی پێش ئێستا دەگەڕێتەوە سەخت و دڵتەزێنە. چەندەها دژواری و تەنگانە لە دەیان ساڵدا بەرەوڕوومان هات و چەندەها هاوبیری و هاودڵی لە قۆناغە جۆربەجۆرەکاندا هەردووکمانی لە یەک ڕێبازدا بەرەو تێکۆشان و خۆڕاگری و پێشوازی لە مەترسییەکان برد. زیرەکیی تەواو و هاودڵیی کەم وێنەی ئەو لەو ساڵانەدا، بۆ هەموو ئەوانەی هاوکاری بوون و بەتایبەت بۆ من، پاڵپشتێکی جێ متمانە بوو. یەک نەبوونی ڕوانگە و ئیجتیهادی جیاواز لە هەندێک قۆناغی ئەم ماوە دوور و درێژە هەرگیز نەیتوانی ئەو پێوەندییە دۆستایەتییەی کە سەرەتاکەی لە بەینولحەرەمەینی کەربەلای پیرۆز بوو بە گشتی داببڕێت و وەسوەسەی خەنناسان کە لەم ساڵانەی دواییدا بە لەز و ئیشتیا دەیانویست لە جیاوازیی ڕوانگەکان هەل بگۆزنەوە، نەیتوانی درزە بخاتە ناو خۆشەویستیی قووڵی خوالێخۆشبوو لە دڵی مندا.
ئەو نموونەیەکی کەم وێنە لە بەرەی یەکەمی خەباتگێڕانی دژ بە ڕژیمی شاهەنشاهی و لە چەوسێنراوەکانی ئەم ڕێگا پڕ مەترسی و پڕ شانازییە بوو. ساڵیانێک لە زیندان و بەرخۆدان بەرامبەر ئەشکەنجەکانی ساواک و پاشانیش ئەرکی قورسی بەرگریی پیرۆز و سەرۆکایەتیی مەجلیسی شۆرای ئیسلامی و مەجلیسی خوبرەکان و هتد، چەند بەڵگەیەکی درەوشاوەی ژیانی پڕ هەوراز و نشێوی ئەم خەباتگێڕە لەمێژینەن.
لە دوای هاشمی من هیچ کەسایەتییەکی دیکە ناناسم کە ئەزموونێکی هاوبەش و بەم چەشنە درێژخایەنم لە هەوراز و نشێوەکانی ئەم سەردەمە مێژووسازەدا لەگەڵی بووبێت.
ئێستاش ئەم خەباتگێڕە کۆنەساڵە بە دۆسیەیەکی لێوانلێو لە تێکۆشان و چالاکی لە بارەگای حیساب و لێپرسینەوەی پەروەردگاردایە و ئەمەش چارەنووسی ئێمە و هەموو بەرپرسانی کۆماری ئیسلامییە.
لە ناخی دڵەوە لە پەروەردگاری مەزن داوای ڕەحمەت و لێبووردنی بۆ دەکەم و پرسە و سەرەخۆشیی خۆم ئاراستەی هاوسەری بەڕێزی و منداڵان و براکان و دیکەی خزم و خێشانی دەکەم.
غفرالله لنا و له
سەید عەلی خامنەیی
١٩ی بەفرانباری ١٣٩٥

کۆدی بابه‌ت: 67317  |  به‌روار: ۱۳۹۵/۱۰/۲۰  |  کاتژمێر: 2 : 7

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
عثمان واجیدی : موافق [۰]  -  مخالف [۰]
پرسه وسه ره خوشی.
دوایین هه‌واڵه‌کان
گرفتی سنوورنشینانی ئازەربایجانی ڕۆژئاوا تاوتووێ کرا
بازاڕ بوورسی ئەستەنبۆڵ کەوتۆتە ژێر کاریگەریی ڕیفراندۆمی هەرێم
بیست و نۆهەمین فستیڤاڵی شانۆگەری پارێزگای کرماشان کۆتایی پێهات/ سەرکەوتووان بۆ فستیڤاڵی فەجر ناسێندران
١٠٠٠ ملیارد تمەن قەرزی کارڕەخسێنی تەرخانی پارێزگای کوردستان دەکرێت
سنە نازناوی دووهەمی پێشبڕکێیەکانی هەندباڵی تازەلاوانی ناوچەی ٤ی ئێرانی مسۆگەر کرد/ ڕاکەری بانەیی لە پلەی دووهەمی ڕاکردنی ئۆمێدی وڵات وەستا
گوژمەی کەرتی گەشتیاری کرماشان لە سەدا 80 بەرز کرایەوە
فرۆکەکانی سوپای تورکیا باکووری عێراقیان بۆردومان کرد
کۆڕبەندی نێونەتەوەیی "زەکریای ڕازی" له کرماشان بەڕێوه دەچێت
ڕیفراندۆمی سەربەخۆیی هەرێم پڕاتیگی پڕۆژەی ئیسرائیلە
قەدەغەی هاتوچۆ لە ٤٦ گوند و گەڕەکی پارێزگای ئامەد ڕاگەیێندرا
تورکیا، سووریا و ئێران لە دژی جودایی خوازان هاوپەیمانییەک پێک بێنن
دەرهێنەرێکی سنەیی خەڵاتی باشترین دەرهێنەری مسۆگەر کرد
بەشداری پرۆسەی ڕیفراندۆم نابین
پووتین بۆ دیدار لە گەڵ ئەردۆغان سەردانی تورکیا دەکات
فوئاد مەعسووم و یان کۆبیچ جەختیان کردەوە لە چارەسەرکردنی کێشەکانی نێوان هەرێم و بەغدا
ئیمکانات