به‌ڕێوه‌چوونی یه‌کێکی دیکه‌ له‌ دانیشتنه‌کانی دادگه‌ی ده‌میرتاش:
من نه‌ ئه‌ندامی PKKم و نه‌ لایه‌نگری PKK ‌
به‌شی تورکیا- ده‌میرتاش له‌ به‌رگرینامه‌ی خۆیدا وتی ئه‌ندامی PKK و لایه‌نگری ئه‌م پارته‌ نییە و له‌ هێرشه‌کانی ئه‌و‌دا هیچ به‌رپرسیارێتییه‌کی نییه‌، له‌ به‌رانبه‌ردا ئه‌و سیاسه‌توانانه‌ که‌ بوونه‌ته ‌هۆی ڕاوه‌ستانی پڕۆسه‌ی ئاشتی به‌رپرسی شه‌ڕ و پێکدادانه‌کانی تورکیان.
به‌پێی هه‌واڵی کوردپرێس به‌گێڕانه‌وه‌ له‌ ڕۆژنامه‌ی جمهوورییه‌ت، یه‌کێکی دیکه‌ له‌ دانیشتنه‌کانی دادگه‌یی کردنی سه‌لاحه‌ددین ده‌میرتاش، هاوسه‌رۆکی پارتی دیموکراتی گه‌لان هاوپه‌یوه‌ند به‌ دۆسیه‌ی لێدوانی 9ی سێپتێمبێری 2015ی زایینی که‌ له‌ لایه‌ن دادستێنی جمهوورییه‌تی تورکیا له‌ ئامه‌د "سووکایه‌تی به‌ سه‌رۆک کۆمار" ناسێدراوه‌ له‌ دادگه‌ی ئاشتی و سزای ئامه‌د به‌ڕێوه‌چوو و ده‌میرتاش له‌ ڕێگای ڤیدئۆ کۆنفڕانسه‌وه‌ له‌ زیندانی تیپی Fی ئه‌دێرنه‌ به‌رگریی نامه‌ی خۆی خوێنده‌وه‌. به‌رگریی نامه‌ی ده‌میرتاش به‌ شێوه‌ی خواره‌وه‌یه‌:
"لایه‌نه‌ نه‌ته‌وه‌خوازه‌کانی تورک له‌ تورکیا خرابکاری گه‌وره‌ ئه‌نجام ده‌ده‌ن. ته‌نانه‌ت به‌ بێ بچووکترین په‌یوه‌ندی پارتی دیموکراتی گه‌لان، ماڵ، دووکان، نووسینگه‌کان و کارخانه‌گه‌لێک ته‌نیا به‌و بۆنه‌وه‌ که‌ کوردن له‌ لایه‌ن ئه‌م لایه‌نانه‌وه‌ ئاگریان تێبه‌ردراوه‌. من له‌ لێدوانه‌که‌مدا جه‌خت و ڕامگه‌یاندبوو که‌ هه‌ندێ لایه‌نه‌کان له‌ هه‌وڵدان بۆ پاکتاوی کورده‌کان و دروست کردنی شه‌ڕ و پێکدادانی ئیتنیکی. بابه‌تێک که‌ له‌و لێدوانه‌دا ڕه‌خنه‌م لێگرتبوو لێدوانه‌کانی سه‌رۆک کۆمار و سه‌رۆک وه‌زیرانی تورکیا بوو که‌ پارتی دیموکراتی گه‌لانی وه‌کوو ئامانجێک له‌ تورکیا ده‌ناساند. کاتێک که‌ ده‌قی ته‌واوی لێدوانه‌که‌ی من لێکبده‌نه‌وه‌ تێده‌گه‌یێن که‌ هه‌موو ئه‌م وتانه‌ له‌ چوارچێوه‌ی ئازادی ڕاده‌ربڕین و ئه‌ندێشه‌ وتراوه‌ که‌ په‌یامی ئاشتی و دۆستایه‌تییه‌. من داوا له‌ دادگه‌ ده‌که‌م ئه‌و سیاسه‌توانانه‌ که‌ له‌ ڕسته‌ی "چاره‌سه‌ری پرسی کورده‌کان کۆتایی پێهاتووه‌؛ له‌مه‌وبه‌دوا پڕۆسه‌ی ئاشتیه‌ک نابێت" که‌ڵکیان وه‌رگرتووه‌، بدۆزنه‌وه‌. ئه‌م سیاسه‌توانانه‌ ده‌بێ شوناسیان دیاری بکرێت تاکوو ئاشکرا بکرێت چ که‌سانێک بوونه‌ته‌هۆی کۆتایی گفتوگۆکان و دروستبوونی که‌شی شه‌ڕ و پێکدادانه‌کان له‌ وڵات.
ناوبراو له‌ درێژه‌ی به‌رگریی نامه‌که‌یه‌دا وێڕای ئاماژه‌ به‌ راپۆرتی هه‌ندێ له‌ میدیاکان سه‌باره‌ت به‌وه‌ی که‌ ده‌میرتاش به‌رپرسی هێرشه‌کان له‌ تورکیایه‌، وتی: من نه‌ له‌ کۆنسه‌ی ڕێبه‌ری PKK، نه‌ ئه‌ندامی PKK، نه‌ وته‌بێژی ئه‌وان و نه‌ ته‌نانه‌ت لایه‌نگری PKKم. من هاوسه‌رۆکی پارتی دیموکراتی گه‌لانم. ڕه‌خنه‌م له‌ هه‌موو ئامێر و ڕێگاکانی توندوتێژی گرتووه‌ و دژی ئه‌م جۆره‌ سیاسه‌تانه‌م.
سه‌رۆک کۆمار که‌سایه‌تییه‌کی چالاکی سیاسییه‌. ئه‌و وه‌کوو سه‌رۆک کۆماری تورکیا پێش له‌ هه‌ڵبژاردنی 7ی جوون له‌ 37 شاری جۆراوجۆر میتینگی به‌ڕێوه‌برد. که‌سایه‌تییه‌کی سیاسی ئاوه‌ها ده‌بێ ڕه‌خنه‌کان قبووڵ بکات. سه‌رۆک کۆماری تورکیا به‌پێچه‌وانه‌ی سه‌رۆک کۆمارانی پێشووی تورکیا له‌ سنووره‌کانی یاسا نه‌ماوه‌ و وه‌کوو سه‌رۆکی پارتێک کرده‌وه‌ ده‌کات. ئێمه‌ش ڕه‌خنه‌کانمان له‌مباره‌وه‌ خسته‌ڕوو. ته‌نیا له‌ ساڵی 2015 ده‌وڵه‌ت باخچه‌لی له‌ 15 گفتوگۆی جۆراوجۆر سه‌رۆک کۆماری تورکیای وه‌کوو "دز" ناو ده‌بات. یاسا له‌م وڵاته‌ سه‌باره‌ت به‌ ده‌میرتاش و باخچه‌لی کرده‌وه‌ی جیاوازی هه‌یه‌. ئێستا ئه‌م به‌رگریی نامه‌یه‌ له‌ 1700 کیلۆمه‌تر دوورتر له‌ ژێر ڕێوشوێنی توندی ئه‌منی ده‌خوێنمه‌وه‌. ئه‌م‌ بابه‌ته‌ پیشانده‌ریی ئه‌وه‌یه‌ که‌ ده‌زگا دادوه‌رییه‌کان بۆ هه‌مووان له‌م وڵاته‌ یه‌کسان نییه‌."

کۆدی بابه‌ت: 67326  |  به‌روار: ۱۳۹۵/۱۰/۲۰  |  کاتژمێر: 11 : 4

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
کاردانەوەی نەتەوە یەکگرتووەکان بە هەڵکردنی ئاڵای هەرێمی کوردستان لە کەرکووک
بەنداوی تەبقا لە لایەن ھێزەکانی سووریای دیموکراتیکەوە گەمارۆدرا
تەقە لە پەرلەمانی بریتانیا کرا/ کوژران و برینداربوونی ۱۴ کەس
ڕێنوێنییەکانتان مایەی دڵگەرمیی چالاکانی ئابوورییە/ کەمایەسییەکان قەرەبوو دەکەینەوە
خولی پێنجەمی دانوستانەکانی ژنێڤ پێنجشەمە دەست پێدەکات
بەغدا هەڵکردنی ئاڵای کوردستان لە کەرکووک بە نایاسایی دەزانێت
خۆشحاڵی دەربڕینی وەزیری دەرەوەی ئەمریکا بۆ بەشداریی نوێنەری بارزانی لە کۆنفڕانسی واشنتۆن
سەرسووڕمانی ئەندامی یەکێتی بۆ هەڵدرانی ئاڵای هەرێمی کوردستان لە کەرکووک
کاردانەوەی ئەندامی لێژنەی سەرۆکایەتی مەجلیس بە سووکایەتی بە جلی کوردی له کەناڵی دووی تەلەڤیزیۆنی ئێران
ئەڵمانیا فرۆشتنی چەک و چۆڵ بە تورکیای ڕاگرت
١١٦٩ کەس خۆیان بۆ هەڵبژاردنی شۆراکانی ئیسلامی لە کوردستان ناونووس کردووە
١٣٥٠ کەس بۆ هەڵبژاردنی شورای ئیسلامی شار و گوندەکانی کرماشان خۆیان ناونووس کردووە
ڕنووی بەفر بووە هۆی گیان لەدەستدانی چوار کەس لە ئازەربایجانی ڕۆژئاوا
دەیان کوژراو و بریندار لە بوردۆمانی قوتابخانەیەکی ڕەقە
قایمقامی حەلەب دەستخۆشی له پاڵپشتییەکانی ڕووسیا، ئێران و چین دەکات
ئیمکانات