چەند کەسی چەکدار هێرش دەکەنە سەر بینای فەرماندەیی پۆلیسی غازی عەنتاب
بەشی تورکیا- لە پێکدادانی نێوان پۆلیس و چەند کەسی چەکدار کە وێدەچوو بەتەمای هێرشی خۆکوژی بۆ سەر بینای پۆلیسی غازی عەنتاب بن یەک لەو چەکدارانە کوژرا و دووی‌تریان دەرباز بوون.
بەپێی هەواڵی کوردپرێس بەگێڕانەوە لە دەیلی سەباح، بەهۆی هێرشی چەند کەسی چەکدار بۆ سەر بینای فەرماندەیی پۆلیسی غازی عەنتاب شەڕ پێکدادان لەبەر بینای پۆلیسی ئەو شارە رووی‌دا.
یەک لەو سێ چەکدارە کە بەتەمای هێرشی خۆکوژی بۆ سەر بینای پۆلیسی غازی عەنتاب بوون کوژرا و دووی‌تریان دەرباز بوون.
لەو پێکدادانەدا ئەفسەرێکی پۆلیس و کەسێکی مەدەنیش بریندار بوون. بەگوێرەی زانیارییەکان باری تەندروستیی پۆلیسەکە نالەبارە.
بەگوێرەی ئەو دەنگۆیانەی کە هێشتا پشت‌ڕاست نەکراونەتەوە هێرشبەرەکە ویستوویەتی دزە بکاتە بینای پۆلیسی شارەکەوە و پشتێنی تەقینەوەی خۆی بتەقێنێتەوە بەڵام پۆلیس ئەیکوژێ و ئامانجەکەی ناکام دەبێت.
 

کۆدی بابه‌ت: 67391  |  به‌روار: ۱۳۹۵/۱۰/۲۱  |  کاتژمێر: 17 : 39

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
ئیمکانات