بە بۆنەی کۆچی دوایی ئایەتوڵڵا هاشمی رەفسەنجانی
بارزانی پەیامێکی سەرەخۆشی ئاراستەی سەرۆک کۆماری ئێران کرد
بەشی عێراق و هەرێمی کوردستان- سەرۆکی هەرێمی کوردستان لە پەیامێکدا بە بۆنەی کۆچی دوایی ئایەتوڵڵا هاشمی رەفسەنجانی سەرەخۆشی لە سەرۆک کۆماری ئێران کرد.
بە پێی هەواڵی کوردپرێس مەسعوود بارزانی لەم پەیامەدا هاوخەمی خۆی بۆ کۆچی ئایەتوڵڵا هاشمی رەفسەنجانی دەربڕیوە.
بارزانی بەو بۆنەوە سەرەخۆشی لە گەلی ئێران و حکوومەتەکەی کردووە.
دەقی پەیامەکەی بارزانی بەمشێوەیە:
 
بەناوی خودای مەزن و دلۆڤان
بەرێز دوکتۆر حەسەن رۆحانی
سەرۆک کۆماری ئیسلامی ئێران
بەداخەوە هەواڵی کۆچی دوایی سەرۆکی ئەنجومەنی دیاریکردنی بەرژەوەندییەکانی نیزام ئایەتوڵڵا  ئەکبەری هاشمی رەفسەنجانی مان پێگەیشت. لەم بۆنە خەمناکەدا هاوخەمی و پرسە و سەرەخۆشی ئاراستەی بەڕێزتان و تەواوی گەل و حکوومەتی کۆماری ئیسلامی ئێران دەکەین و خۆمان بە بەشداری خەمتان دەزانین.
لە خوای گەورە دەپاڕێنەوە گیانی ئەو شێخە خەباتکارە بخاتە بەر ڕەحمەتی خۆی و سەبر و ئارامیش بە خانەوادەکەی و هەموو لایەک ببەخشێت.
اناللە و انا الیە راجعون
 
مسعود بارزانی
٩/ ١/ ٢٠١٧
 

کۆدی بابه‌ت: 67393  |  به‌روار: ۱۳۹۵/۱۰/۲۱  |  کاتژمێر: 20 : 6

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
ئیمکانات