وته‌بێژی کۆمیسیۆنی وزه‌ی مه‌جلیس له‌ گفتوگۆ له‌گه‌ڵ کوردپرێس؛
ته‌رخاندانی داهاتی نه‌وتی بۆ ناوچه‌ بێبه‌شه‌کان کارێکی پێویسته‌
به‌شی ئێران- ئه‌سه‌دوڵڵا قه‌ره‌خانی ڕایگه‌یاند: ته‌رخاندانی له‌سه‌دا 3ی سه‌باره‌ت به‌‌ فرۆشتنی نه‌وت له‌ به‌رنامه‌ی شه‌شه‌می گه‌شه‌ بۆ ناوچه‌ نه‌وتخێز و بێبه‌شه‌کان، کارێکی ئه‌رێنی و به‌بایه‌خ بۆ گه‌شه‌ و هاوسه‌نگی ناوچه‌یی له‌م ناوچانه‌ی وڵاته‌.
وته‌بێژی کۆمیسیۆنی وزه‌ وێڕای ئاماژه‌ به‌ په‌سندی ئه‌م پێشنیاره‌ له‌ پڕۆژه‌یاسای به‌رنامه‌ی شه‌شه‌م بۆ هه‌واڵنێری په‌رله‌مانی کوردپرێسی وت: ئه‌م بابه‌ته‌ پێشتر و له‌سه‌دا 1 و 2 ده‌ستیپێکردووه‌ و ئێستاش گه‌یشتووه‌ته‌ له‌سه‌دا 3.
ناوبراو زیادی کرد: ئه‌نجامدانی ئه‌م کاره‌ هه‌نگاوێکی گه‌وره‌ بۆ گه‌شه‌ی پێوه‌ره‌کانی گه‌شه‌ی ناوچه‌یی له‌ وڵات ده‌بێت.
ئه‌ندامی کۆمیسیۆنی وزه‌ی مه‌جلیس وتیشی: ئه‌م په‌سنده هه‌م بۆ ناوچه‌ نه‌وتخێزه‌کانه‌ و هه‌میش بۆ ناوچه‌ بێبه‌شه‌کان.
ناوبراو زیادیشی کرد: خه‌ڵک ده‌یانه‌وێت ئاسایشی کۆمه‌ڵایه‌تی له‌وێدا دروست بێت بۆیه‌ ئێمه‌ هیوادارین به‌ دیاریکردنی ئه‌م ڕێژه‌یه‌ به‌شێک له‌ کێشه‌ و گرفته‌کانی ئه‌م ناوچانه‌ چاره‌سه‌ر بکرێت.
وته‌بێژی کۆمیسیۆنی وزه‌ له‌ وڵامدانه‌وه‌ به‌م پرسیاره‌ی کوردپرێس که‌ ئه‌م داهاته‌ له‌ چ بوارگه‌لێکدا ده‌بێ سه‌رمایه‌دانه‌ریی بکرێت، ڕوونیشی کرده‌وه‌: له‌سه‌ر ئه‌م باوه‌ڕه‌م ده‌بێ سه‌رمایه‌دانه‌رییه‌کی زیاتر له‌ به‌شه‌ ئاوه‌دانکارییه‌کان و هه‌لی کار ئه‌نجام بدرێت تاکوو گه‌شه‌ی هه‌ست پێکراو له‌ بژێوی ژیانی خه‌ڵکدا ببینرێت.  

کۆدی بابه‌ت: 67400  |  به‌روار: ۱۳۹۵/۱۰/۲۲  |  کاتژمێر: 9 : 39

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
ئیمکانات