یه‌که‌مین ده‌نگدان‌ بۆ دامه‌زراندنی سیسته‌می سه‌رۆک کۆماری به‌ سوودی AKP و MHP
به‌شی تورکیا- به‌ ده‌نگی ئه‌رێنی AKP و MHP لێکدانه‌وه‌ی پاکێجی پێشنیاری چاکسازی یاسای بنه‌ڕه‌تی تورکیا له‌ده‌ستووری کاری په‌رله‌مانی ئه‌م وڵاته‌ دانرا.
به‌پێی هه‌واڵی کوردپرێس به‌گێڕانه‌وه‌ له‌ حوڕییه‌ت، به‌ په‌سه‌ندی پێشنیاری دوو پارتی دادوگه‌شه‌ (AKP) و بزووتنه‌وه‌ی نه‌ته‌وه‌په‌ره‌ست (MHP) له‌ یه‌که‌مین ده‌نگدانی فه‌رمی سه‌باره‌ت به‌ چاکسازی یاسای بنه‌ڕه‌تی و دانانی سیسته‌می سه‌رۆک کۆماری تێیدا، په‌رله‌مانی تورکیا لێکدانه‌وه‌ی گه‌ڵاڵه‌ی چاکسازی یاسای بنه‌ڕه‌تی له‌ ده‌ستووری کاری خۆی داده‌نێت.
ئه‌م ده‌نگدانه‌ سه‌ره‌تایه‌ بۆ بڕیاردان سه‌باره‌ت به‌ تاوتوێ کردن و نه‌کردنی پاکێجی پێشنیاری چاکسازی 18 ماده‌ی یاسای بنه‌ڕه‌تی تورکیا له‌ لایه‌ن AKP و MHP، به‌ڕێوه‌چوو.
له‌ کۆتاییدا پاش کێشه‌ و گرفتی جیدی و به‌ربڵاو له‌ ناوخۆ و ده‌ره‌وه‌ی په‌رله‌مانی تورکیا، ده‌نگدان‌ ئه‌نجام درا و به‌گشتی له‌ 480 نوێنه‌ری ئاماده‌ له‌ په‌رله‌مان، 338 نوێنه‌ری ده‌نگی ئه‌رێنیان به‌م بابه‌ته‌ داوه‌ته‌وه‌.
شیاوی ئاماژه‌یه‌ که‌ له‌م ده‌نگدانه‌وه‌دا ڕه‌جه‌ب ئاکداغ وه‌زیری ته‌ندروستی تورکیا له‌ هه‌وڵێکی سه‌رسووڕهێنه‌ر و دژی یاسا و ڕێسا ناوخۆییه‌کانی په‌رله‌مان به‌ شێوه‌ی ئاشکرا ده‌نگی دا و له‌ ڤیدئۆییه‌کدا که‌ یه‌کێک له‌ نوێنه‌رانی ئۆپۆزسیۆن تۆماری کردووه‌ ده‌بیسرێت که‌ ده‌ڵێت "من خه‌ریکم تاوان ئه‌نجام ده‌ده‌م. ده‌مه‌وێ بزانم چ په‌یوه‌ندییه‌کی به‌ ئێوه‌وه‌ هه‌یه‌؟"
له‌ کۆبوونه‌وه‌ی ئێستای په‌رله‌مانی تورکیا نوێنه‌رانی پارته‌کانی ئۆپۆزسیۆن، له‌وان دنیز بایکاڵ نوێنه‌ری پارتی کۆماری گه‌ل (CHP) و مێڕاڵ دانش به‌شتاش نوێنه‌ری پارتی دیموکراتیکی گه‌لان (HDP)، دژی گه‌ڵاڵه‌ی چاکسازی یاسای بنه‌ڕه‌تی وتاریان پێشکه‌ش کرد. بایکاڵ ئه‌م گه‌ڵاڵه‌ی به‌ "پڕۆژه‌یه‌کی به‌په‌له‌ و به‌دوور له‌ پۆخته‌یی یاسایی و سیاسی" زانی که‌ "نه‌ریتی سیاسی یه‌ک سه‌ده‌یی تورکیا سه‌باره‌ت به‌ سه‌روه‌ری په‌رله‌مان له‌ناو ده‌بات."
هه‌روه‌ها دانش به‌شتاش وێڕای ڕه‌خنه‌ له‌م گه‌ڵاڵه‌یه‌ حکوومه‌ت به‌ ئه‌نجامدانی "کووده‌تایه‌کی ناسه‌ربازی" و "کووده‌تایه‌کی په‌رله‌مانی" تاوانبار کرد.
ناوبراو وتیشی: "ئامانجی یاسای بنه‌ڕه‌تی 1982 پێکهێنانی حکوومه‌تێکی سوننه‌، تورک و پیاوسالار بوو." به‌م چاکسازییانه‌وه‌ هه‌ر ئه‌و بابه‌تانه‌ دووپات ده‌بێته‌وه‌. به‌م جیاوازییه‌وه‌ که‌ له‌ ناوه‌ندی ئه‌م حکوومه‌ته‌ سوننه‌، تورکی و پیاوسالاره‌دا پاشایه‌کی نێرینه‌ داده‌نێت.
هه‌روه‌ها MHP له‌م کۆبوونه‌وه‌یه‌دا جه‌ختی کرده‌سه‌ر پشتیوانی خۆی له‌ گه‌ڵاڵه‌ی چاکسازی یاسای بنه‌ڕه‌تی له‌ قۆناغه‌کانی دیکه‌دا.

کۆدی بابه‌ت: 67412  |  به‌روار: ۱۳۹۵/۱۰/۲۲  |  کاتژمێر: 12 : 33

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
تورکیا لە پێناو هێرشکردنە سەر عەفرین خەریکی گواستنەوەی هێزەکانی بۆ ئەعزاز و مارەیە
پەکەکە لە داوێنی چیاکانی ئاڵپی سویسرا کەمپی لێداوە
هەڕەشەی دەرکردنی کوردەکان لە ئەگەری دەنگدانیان بە جیابوونەی هەرێمی کوردستان
پەرە دەدرێت بە دەرفەتەکانی کار لە گوندە مەبەستەکانی گەشتیاری
بازاڕچەی سنووری چیلات دەکرێتەوە / سندووقی خانوونشینانی نەوت، پرۆژەی پترۆکیمیای دێلۆڕان جێبەجێ دەکات
لقی سەربازیی پەکەکە بەرپرسایەتی کوشتنی مامۆستاکەی تورکیای گرته ئەستۆ
بەنداوی سەردەشت ئەوڕۆ ئاوگیری کرا
ئارەزووی هەندێک عەشیرەی عەرەبی نەینەوا بۆ لکانی ناوچەکانیان بە هەرێمی کوردستان
دەنگی ئەرێنیی جەهەپە به "هەڵوەشانەوەی حەسانەی نوێنەران" ئاراستەی مێژوویی تورکیای گۆڕی / ئەگەر ئێمه ئازاد بایەین ئێستا گشتپرسییەکە شکستی نەدەهێنا
به دڵنیاییەکی زۆرەوه ڕایدەگەیێنین، ئەبووبەکر بەغدادی کوژراوه
سوپای تورکیا خۆی ئامادەی هێرش بۆ سەر تەل رەفعەت و بنکەی ئاسمانیی مەنغ دەکات
سوپای تورکیا تانکەکانی خۆی ڕەوانەی سنووری کیلیس- عەفرین کرد
Du leşkerên Tirkiyeyê ji aliyê PKK`ê ve hatin kuştin
Endamek Rêveberiya PDKê: Em ê rasterast bi Tevgera Goranê re biaxivin
Wezîrê Navxwe yê Îranê li bajarê Sineyê: Divê em ji bo pêşketina Kurdistanê hewl bidin
ئیمکانات