ناوه‌ندی ده‌نگ و ڕه‌نگی مه‌هاباد پله‌ی سێهه‌می مێهره‌جانی نه‌ته‌وه‌یی "ئیران ساخت"ی وه‌ده‌ستهێنا
به‌شی ئێران/ ئازه‌ربایجانی ڕۆژئاوا- به‌ڕێوه‌به‌ری په‌یوه‌ندییه‌ گشتییه‌کانی ناوه‌ندی ده‌نگ و ڕه‌نگی مه‌هاباد وتی: له‌ یه‌که‌مین مێهره‌جانی نه‌ته‌وه‌یی فه‌رهه‌نگی، هونه‌ری "ئیران ساخت" ناوه‌ندی ده‌نگ و ڕه‌نگی مه‌هاباد پله‌ی سێهه‌می وه‌ده‌ستهێنا.
ئه‌مڕۆ چوارشه‌ممه‌ (22ی به‌فرانبار) ئه‌کبه‌ر قوبادی له‌ گفتوگۆ له‌گه‌ڵ کوردپرێسدا وێڕای ڕاگه‌یاندنی ئه‌م هه‌واڵه‌ زیادی کرد: له‌ یه‌که‌مین مێهره‌جانی "ئیران ساخت" عه‌لی قادری له‌ هاوکارانی ناوه‌ندی ده‌نگ و ڕه‌نگی مه‌هاباد به‌ فیلمی به‌ڵگه‌یی "ئافراندن" پله‌ی سێهه‌می له‌ به‌شی فیلمی به‌ڵگه‌یی و له‌ ئاستی لێهاتووییدا وه‌ده‌ستهێنا و توانی له‌وحی شانازی و خه‌ڵات و پشتیوانی له‌ به‌رهه‌مهێنانی ئه‌م به‌رهه‌مه‌ له‌ داهاتوودا مسۆگه‌ر بکات.
ناوبراو وتیشی: "ئافراندن" ناوی فیلمێکی به‌ڵگه‌ییه‌ که‌ بۆ ماوه‌ی 21 کاتژمێر له‌سه‌ر بابه‌تی دروشمی ساڵ (ئابووری خۆڕاگرانه‌، کار و کرده‌وه‌) به پرۆدسیۆری و‌ ده‌رهێنه‌ری عه‌لی قادری له‌ ناوه‌ندی ده‌نگ و ڕه‌نگی مه‌هاباد ئاماده‌ کراوه‌.
ناوبراو ڕایگه‌یاند: ئه‌م فیلمه‌ به‌ڵگه‌ییه باس له‌‌ چۆنیه‌تی چالاکی ئابووری گه‌نجێکی خولقێنه‌ر به‌ ناوی سۆران په‌یامی ده‌کات که‌ ته‌رازووی دیجیتاڵ به‌رهه‌م دێنێت. په‌یامی له‌ ساڵی 1395دا وه‌کوو که‌سایه‌تییه‌کی به‌رجسته‌ی ئێران له‌ به‌شی پیشه‌، بازرگانی و کانگای ئێران ناسرا.
عه‌لی قادری جه‌ختی کرد: وێنه‌هه‌ڵگر و به‌شی ڕووناکیی ئه‌م فیلمه‌ به‌ڵگه‌ییه‌ له‌ ئه‌ستۆی که‌مال ڕیزه‌یی و شیرکۆ حه‌سه‌ن نه‌ژاد بووه‌ و هه‌ڵوه‌ژارتنی فیلمه‌که‌ له‌لایه‌ن عه‌لی قادری و حسێن گه‌رمسیرییه‌وه‌ ئه‌نجام دراوه‌ و خالد عه‌زیمی یاریده‌ری وێنه‌ و به‌شی ڕووناکیی فیلمه‌که‌ی وه‌ئه‌ستۆدا بووه‌.
له‌ کۆتاییدا به‌ڕێوه‌به‌ری په‌یوه‌ندییه‌ گشتییه‌کانی ناوه‌ندی ده‌نگ و ڕه‌نگ جه‌ختیشی کرد: یه‌که‌مین مێهره‌جانی نه‌ته‌وه‌یی فه‌رهه‌نگی، هونه‌ری "ئیران ساخت" به‌ ئاماده‌بوونی جێگری یه‌که‌م و جێگری زانستی ته‌کنۆلۆژیای سه‌رۆک کۆمار له‌ ڕۆژی 16 تا 18ی مانگی به‌فرانبار له‌سه‌ر دروشمی "ته‌کنۆلۆژیای ئێرانی= کسپوکاری ئێرانی" به‌ ئامانجی ئاماده‌کردنی به‌ستێن بۆ پشتیوانی له‌ به‌رهه‌مهێنانی ناوخۆیی و زانست بونیان له‌ به‌شه‌کانی ئه‌ده‌بیات، میدیای تایبه‌ت به‌ ده‌نگ و ڕه‌نگ، دیجیتاڵ و هونه‌ر له‌ تاراندا به‌ڕێوه‌چوو.

کۆدی بابه‌ت: 67422  |  به‌روار: ۱۳۹۵/۱۰/۲۲  |  کاتژمێر: 13 : 59

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
نوێنەرێکی دیکەی HDP دەستگیرکرا
گوندێک ئازاد و سێ گوندی دیکەش گەمارۆ دراوە
دووهەمین تەقینەوەی مین لە ماوەی 24 کاتژمێر لە ئیلام
باڵوێزی تورکیا بانگهێشتی وەزارەتی دەرەوە کرا
چوار سەربازی سوپای ڕووسیا لە سووریا کوژران
تورکیا سیستەمی دژە مووشەکیی S-400 لە ڕووسیا دەکڕێتەوە
زمانی دایکی بەشێک لە شوناسی هەموو نەتەوەیەکە
"سەروی ڕەشید" یادنامەی ڕەشید یاسەمی لە کرماشان ڕوونوێنی دەکرێت
ئەمەریکا و ڕووسیا لە داپەڕە سەربازییەکانی تورکیا دژ بە هێزەکانی کوردی سووریا دەستێوەرنادەن
مەرگی 592 کەس بە هۆی ڕووداوی هاتوچۆ لە ئازەربایجانی رۆژئاوا
کڕینی کەرەسەی گەرماهێنەر بۆ ١٥٠٠ بنەماڵەی نەداری ناوچەگەلی گوندنشین و بێبەشی ئیلام
ماوەی ڕەوانەکردنی بەرهەم بۆ مێهرەجانی لاوی سوورەی کوردستان درێژ کرایەوە
بارزانی له‌ ناکۆکییه‌کان له‌گه‌ڵ مالیکی بۆ وه‌رگرتنی پشتیوانی پارته‌ کوردستانییه‌کان له‌ سه‌ربه‌خۆیی هه‌لقۆستنه‌وه‌ ده‌کات
دەستگیریی ٩ گرووپی سەرپێچکاری جیاواز لە ژینگەکانی سنە
ئێران هه‌رگیز دژ به‌ ده‌سته‌به‌ربوونی سه‌ربه‌خۆیی هه‌رێمی کوردستان ناوه‌ستێت
ئیمکانات