بە ئامادەبوون لە باڵوێزخانەی ئێران لە هەولێر:
نێچیرڤان بارزانی: هاتووین سەرەخۆشیی خۆمان ئاراستەی رێبەری ئێران بکەین
بەشی عێراق و هەرێمی کوردستان- سەرۆکی حکوومەتی هەرێمی کوردستان، لە رێگەی کونسووڵخانەی گشتیی کۆماری ئیسلامیی ئێران لە هەولێر پەیامی سەرەخۆشی سەرۆکایەتی هەرێم و حکوومەتی هەرێمی کوردستانی گەیاندە رێبەری کۆماری ئیسلامی ئێران و خانەوادەی ئایه‌توڵا هاشمی رەفسنجانی.
بەپێی هەواڵی کوردپرێس بەگێڕانەوە لە تەلەڤزیۆنی رووداو، دوای نیوەڕۆی رۆژی چوارشەممە 1-11-2016 نێچیرڤان بارزانی، سەرۆکی حکوومەتی هەرێمی کوردستان، بە مەبەستی گەیاندنی پرسەو سەرەخۆشی بۆ کۆچی دوایی ئایه‌توڵا هاشمی رەفسنجانی، سەردانی کونسووڵخانەی گشتی کۆماری ئیسلامی ئێران لە هەولێری کرد و لە کۆنگرەیەکی رۆژنامەڤانیدا، ئامانجی سەردانەکەی خستەڕوو و گوتی: "سەردانمان بۆ گەیاندنی هەستی خۆمان و سەرەخۆشی سەرۆکی هەرێمی کوردستان و حکوومەتی هەرێمی کوردستان بووە لە رێگەی کونسووڵخانەی کۆماری ئیسلامی ئێرانەوە بۆ جەنابی ئایەتوڵڵا خامنەیی رێبەری کۆماری ئیسلامی ئێران، هەروەها خانەوادەی بەڕێزی ئایه‌توڵا هاشمی رەفسنجانی".
نێچیرڤان بارزانی، گوتیشی: "لە راستیدا ئاشنایەتی ئێمەو ناسینی ئێمە لەگەڵ ئەو بەڕێزە دەگەڕێتەوە بۆ ساڵانێکی زۆر کۆن، لە کۆنەوە ئێمە یەکدی دەناسین، ئەو ئاشنایەتییەی ئەو هەیبووە هەم لەگەڵ جەنابی سەرۆکی هەرێم، هەم لەگەڵ رەحمەتی باوکم، هەمیش لەم دواییە لەگەڵ بەندە ئاشنایەتییەکی نزیکمان هەبوو".
سەرۆکی حکوومەتی هەرێمی کوردستان، دەڵێت: "لەدەستدانی ئەو بەڕێزە نەک تەنیا بۆ ئێران، بەڵکو بۆ هەموو گەلانی ناوچەکە خەسارەتێکی گەورەبوو، ئێمە هیوادارین خودای گەورە بە بەهەشتی بەرین شادی بکات، سەبرو تەحەمولیش بە خانەوادەی بەڕێزیان و هەموو بەرپرسانی کۆماری ئیسلامی ئێران ببەخشێت".
لە بەرامبەریشدا، کونسووڵی گشتیی ئێران لە هەولێر سوپاسی سەردانی سەرۆکوەزیرانی هەرێمی کوردستان و بەرپرسانی دیکەی هەرێمی کوردستانی کرد و گوتی: "کۆچی دوایی ئایه‌توڵا رەفسنجانی زیانێکی زۆر گەورەبوو بۆ کۆماری ئیسلامی ئێران، بۆ ئەو دۆستانەی کە لە تەمەنێک لەگەڵ ئەودا ناسیاوێتییان هەبوو، هەروەک بەڕێز سەرۆکوەزیران باسی لێوەکرد، ئەو لەو کەسایەتیانەبوو کە نزیکایەتی زۆری لەگەڵ کەسایەتییەکانی پێش راپەڕینی ساڵی 1991 هەبوو، پەیوەندییەکی راستەخۆی لەگەڵ بەڕێز بارزانی و بەرپرسان هەبوو".
کونسووڵی گشتی ئێران لە هەولێر گوتیشی: "ئێمە بە پێزانینەوە دەڕوانینە سەردانەکەی بەڕێز سەرۆکوەزیران و بەرپرسانی دیکە، کە لە ماوەی دوو رۆژی رابردوودا سەردانیان کردووین و هاوخەمیان بۆ دەربڕیوین".
 

کۆدی بابه‌ت: 67452  |  به‌روار: ۱۳۹۵/۱۰/۲۳  |  کاتژمێر: 2 : 25

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
لە سنووری دووزخورماتوو شەڕ و ڕوبەڕوبوونەوە لەنیوان پێشمەرگە و داعشدا ڕوویدا
مانگی ڕه‌مه‌زان له‌ که‌مپی ئاواره‌کانی خازر
به‌رهه‌می کشتوکاڵ له‌ پارێزگا سه‌دا 46 گه‌شه‌ی سه‌ندووه‌/ زۆربه‌ی به‌رهه‌مه‌کانمان زیاتر له‌ پێداویستیی پارێزگان
پڕۆژه‌ی ئه‌مریکا بۆ چوونه‌ده‌ره‌وه‌ی ئه‌منیی چه‌کدارانی داعش له‌ ڕه‌قه‌ به‌ هاوکاریی کورده‌کان
سنە/ راپۆرتی وێنەیی میراتی ناشیرینی پاشماوەی بانگەشەی پاڵێوراوانی شۆرای شار و قوربانی کردنی مافی هاوڵاتیان
تورکیا، ئێران و عێراق دژبە سەربەخۆیی هەرێمی کوردستان نین
دره‌وشانه‌وه‌ی ‌وه‌رزشوانانی سه‌قز له‌ کێبه‌رکێکانی پاورلیفتینگی ڕۆژئاوای وڵاتدا
به‌غدا دۆڕاوی جیابوونه‌وه‌ی هه‌رێمی کوردستان له‌ عێراق ده‌بێت
Cenazeyê zarokê kurd piştî 40 rojan hat dîtin
کوردستان ناوه‌ندی هه‌ستانی خوڵ و خاک نییه‌ به‌ڵام خوڵ و خاک دێته‌ ناوی ده‌مێنێته‌وه‌
Li Ûrmiyeyê şer: 2 hêzên ewlehiyê jiyana xwe ji dest da
Rohanî û Potîn bi riya telefon axivîn
Îran: Amerîkayê ti peyam bi riya Rûsyayê ji me re neşandine
ئاماری دڵتەزێنی پزیشکیی دادوه‌ری سه‌باره‌ت به‌ ڕووداوه‌کانی هاتوچۆ
32 پاڵێوراوی هەڵبژاردنەکانی شۆرای ئیسلامیی شاری ورمێ ناڕەزایی خۆیان بۆ دەرەنجامی هەڵبژاردنەکان دەربڕی
ئیمکانات