لە هەرێمی کوردستان 232 هەزار مووچەخۆری خانەنشینکراو هەن ‏
به‌شی عێراق و هه‌رێمی کوردستان- لە هەرێمی کوردستان 232 هەزار مووچەخۆری خانەنشینکراو هەن کە هەندێکیان بە "نایاسایی" خانەنشین کراون، بەرپرسی سەنتەری زانیاری و لێکۆڵینەوەی ستراتیژی کوردستان دەڵێ "ئەگەر چاکسازی لە لیستی خانەنشیناندا بکرێ، 70%ی پاشەکەوتی مووچە چارەسەر دەبێ‌".
 به‌پێی هه‌واڵی کوردپرێس به‌گێڕانه‌وه‌ له‌ ته‌له‌ڤزیۆنی رووداو، ئاراس خۆشناو، بەرپرسی سەنتەری زانیاری و لێکۆڵینەوەی ستراتیژیی کوردستان گوتی "لە هەرێمی کوردستان 232 هەزار مووچەخۆری خانەنشینکراو هەن، بەڵام هەموویان شایستەی ئەوە نین مووچەی خانەنشینی وەربگرن، تەنیا 70 هەزار کەس شایستەن ئەو مووچەیە وەربگرن. بۆیە نزیکەی دوو لەسەر سێی سەرجەم مووچەخۆرانی خانەنشینکراو شایانی پێداچوونەوەن بە مووچەکانیاندا".
 ئاراس خۆشناو ژمارەی ئەو خانەنشینانەی ئاشکرا کرد کە بە گوتەی ئەو شایستەی وەرگرتنی مووچەی خانەنشینی نین "160 هەزار کەس خانەنشینی ناشایستەن کە 100 هەزاریان سەر بە بزووتنەوەی گۆڕان و یەکێتی نیشتیمانی کوردستانن، 60 هەزاریشیان سەر بە پارتی و حیزبەکانی دیکەی هەرێمی کوردستانن".
 عەلی حەمەساڵح، ئەندامی فراکسیۆنی گۆڕان لە پەرلەمانی کوردستان نەیشاردەوە کە لەنێو بزووتنەوەکەیاندا "خانەنشینی ناشایستە" هەن و گوتی "راستە کەسانێک لەنێو بزووتنەوەی گۆڕان هەن مووچەی خانەنشینی بە ناشایستەیی وەردەگرن، بەڵام ئەوانە پێش هاتنیان بۆ نێو بزووتنەوەکە سەر بە حیزبی دیکە بوون و لەلایەن ئەوانەوە پاڵپشتی کراون. ئەگەر حکوومەت ئامادەبێت چاکسازی و پاکسازی بکات، ئێمە ئەوەمان پێخۆشە و دەستخۆشییان لێدەکەین با مووچەی ناشایستەی کادر و لایەنگرەکانی گۆڕانیش ببڕن".
 
بەگوێرەی داتاکانی عەلی حەمەساڵح، یەکێتیی نیشتیمانی کوردستان 6680 خانەنشین، 4180 کەمئەندامی سەنگەر، 30 هەزار و 397 موتەفەریقە و 450 پەککەوتەی هەیە کە سەرجەمیان دەکاتە 41 هەزار و 707 خانەنشین. هەروەها پارتی دیموکراتی کوردستانیش 38 هەزار و 522 خانەنشین، 3500 کەمئەندامی سەنگەر و 27 هەزار خانەنشینی شۆڕشی ئەیلولی هەیە کە سەرجەمیان دەکاتە 69 هەزار و 22 خانەنشین. 621 کەسیش لەنێو پارتی و یەکێتیدا بە هاوبەشی خانەنشین کراون.
 سەبارەت بە چۆنیەتی خانەنشینکردنی ئەو کەسانە، ئاراس خۆشناو دەڵێت "بەشێکی خانەنشینەکان بۆ سەردەمی دوو ئیدارەیی دەگەڕێتەوە، زۆربەی خانەنشینەکانی یەکێتی بە واژۆی د.بەرهەم ساڵح، سەرۆکوەزیرانی پێشووی حکوومەت. عومەر فەتاح، سەرۆکی حکوومەت لە ئیدارەی سلێمانی و عیماد ئەحمەد، جێگری پێشووی سەرۆکوەزیران کراون. خانەنشینەکانی پارتیش بە واژۆی نێچیرڤان بارزانی، سەرۆکوەزیرانی هەرێمی کوردستان و جێگرەکەی کراون".
 بە گوتەی ئاراس، مانگانە 109 ملیار دینار دەدرێتە خانەنشینان. ناوبراو دەڵێت "ئەگەر چاکسازی لە لیستی خانەنشیناندا بکرێ‌ و ئەوانەی بە ناشایستەیی مووچە وەردەگرن لە لیستەکەدا دەربهێنرێن، ئەوا 70%ی کێشەی پاشەکەوتی مووچە چارەسەر دەکرێ‌".
 
 
 

کۆدی بابه‌ت: 67465  |  به‌روار: ۱۳۹۵/۱۰/۲۳  |  کاتژمێر: 11 : 52

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
لە سنووری دووزخورماتوو شەڕ و ڕوبەڕوبوونەوە لەنیوان پێشمەرگە و داعشدا ڕوویدا
مانگی ڕه‌مه‌زان له‌ که‌مپی ئاواره‌کانی خازر
به‌رهه‌می کشتوکاڵ له‌ پارێزگا سه‌دا 46 گه‌شه‌ی سه‌ندووه‌/ زۆربه‌ی به‌رهه‌مه‌کانمان زیاتر له‌ پێداویستیی پارێزگان
پڕۆژه‌ی ئه‌مریکا بۆ چوونه‌ده‌ره‌وه‌ی ئه‌منیی چه‌کدارانی داعش له‌ ڕه‌قه‌ به‌ هاوکاریی کورده‌کان
سنە/ راپۆرتی وێنەیی میراتی ناشیرینی پاشماوەی بانگەشەی پاڵێوراوانی شۆرای شار و قوربانی کردنی مافی هاوڵاتیان
تورکیا، ئێران و عێراق دژبە سەربەخۆیی هەرێمی کوردستان نین
دره‌وشانه‌وه‌ی ‌وه‌رزشوانانی سه‌قز له‌ کێبه‌رکێکانی پاورلیفتینگی ڕۆژئاوای وڵاتدا
به‌غدا دۆڕاوی جیابوونه‌وه‌ی هه‌رێمی کوردستان له‌ عێراق ده‌بێت
Cenazeyê zarokê kurd piştî 40 rojan hat dîtin
کوردستان ناوه‌ندی هه‌ستانی خوڵ و خاک نییه‌ به‌ڵام خوڵ و خاک دێته‌ ناوی ده‌مێنێته‌وه‌
Li Ûrmiyeyê şer: 2 hêzên ewlehiyê jiyana xwe ji dest da
Rohanî û Potîn bi riya telefon axivîn
Îran: Amerîkayê ti peyam bi riya Rûsyayê ji me re neşandine
ئاماری دڵتەزێنی پزیشکیی دادوه‌ری سه‌باره‌ت به‌ ڕووداوه‌کانی هاتوچۆ
32 پاڵێوراوی هەڵبژاردنەکانی شۆرای ئیسلامیی شاری ورمێ ناڕەزایی خۆیان بۆ دەرەنجامی هەڵبژاردنەکان دەربڕی
ئیمکانات