سەعدی ئەحمەد پیرە:
یەکێتی‌و پارتی بەبێ یەکتر، تاکوو سنوری دێگەڵە حوکمڕانییان پێدەکرێت
به‌شی عێراق و هه‌ێمی کوردستان- سەعدی ئەحمەد پیرە، بەرپرسی پەیوەندییەکانی یەکێتی و ئەندامی مەکتەبی سیاسیی ئەو حزبە لەدیمانەیەکیدا لەگەڵ (خەڵک) باس لەئاستی پەیوەندییەکانی یەکێتی لەگەڵ هەر یەکە لە بزوتنەوەی گۆڕان و پارتی دیموکراتی کوردستان دەکات.
به‌پێی هه‌واڵی کوردپرێس به‌گێڕانه‌وه‌ له‌ ماڵپه‌ڕی خه‌ڵک، ناوبراو لەم دیمانەیەیدا تیشک دەخاتە سەر چۆنیەتیی دروستکردنی حکوومەتی داهاتووی هەرێم و پێیوایە، حکوومەت بەبێ یەکێتی و پارتی بەڕێوەناچێت، چوونکە هەر لایەکیان بەبێ ئەوی‌تریان، تاکوو سنووری دێگەڵە دەتوانن حوکمڕانی بکەن.
ده‌قی گفتوگۆکه‌:
خەڵک: هیچ وادەیەک بۆ کۆبونەوەی داهاتووتان لەگەڵ پارتی دیموکراتی کوردستان دیاریکراوە؟
 سەعدی ئەحمەد پیرە: جارێ دیار نییە کۆبوونەوەی داهاتووی نێوان یەکێتی و پارتی کەیە، بەڵکو دەبێت هەردوو مەکتەبی سیاسیی یەکێتی و پارتی ڕێکبکەون و بڕیار بدەن کۆبونەوەی داهاتوو کەیە.
خەڵک: ئاستی پەیوەندیتان لەگەڵ پارتی دیموکراتی کوردستان چۆنە؟
 سەعدی ئەحمەد پیرە: ئاستی پەیوەندییەکانمان لەگەڵ پارتی دیموکراتی کوردستان هەمیشە باش بووە، ئێمە لەناو یەک حکومەتداین و ڕۆژانەش یەکتر دەبینین، ئاستی پەیوەندیش هەر وادەبێت، ڕاستە گلەیی و ڕەخنە هەیە، بەڵام ئەوە لەچوارچێوەی ئیشکردندایە.
خەڵک: پێشتر ڕێککەوتننامەی ستراتیژی نێوان یەکێتی و پارتی بەهۆی ڕێککەوتنتان لەگەڵ بزووتنەوەی گۆڕان کاڵبووەوە، لەئێستاشدا ئەنجامدانی زنجیرە کۆبوونەوەکانتان لەگەڵ پارتی زیندووکردنەوەی ڕێککەوتننامەی ستراتیژیی نێوان یەکێتی و پارتی نییە؟
 سەعدی ئەحمەد پیرە: لەڕۆژی 17ی 5 کە ڕێککەوتننامەمان لەگەڵ بزووتنەوەی گۆڕان ئیمزاکرد، وتمان ئەم ڕێککەوتننامە سیاسییەی نێوان یەکێتی و گۆڕان جێگەی ڕێککەوتننامەی ستراتیژی نێوان یەکێتی و پارتی ناگرێتەوە، بۆیە سەرکردایەتیی هاوبەشی نێوان یەکێتی ‌و گۆڕان بەردەوامە، لەهەمانکاتدا کۆبوونەوەمان لەگەڵ پارتی بەردەوامە و پێکەوە لەگەڵ پارتی لەیەک حکوومەتداین.
خەڵک: ئایا کۆبوونەوە و لێکنزیکبوونەوەتان لەگەڵ پارتی دیموکراتی کوردستان لەسەر حسابی گۆڕان نییە؟
 سەعدی ئەحمەد پیرە: نەخێر، لەسەر حسابی بزووتنەوەی گۆڕان نییە، بەبێ پارتی لەهەرێمی کوردستان حوکمڕانی دەکرێت؟ چۆن دەکرێت؟ پارتی سوپای هەیە، ئیدارە و موئەسەساتی دارایی هەیە، ئەگەر من بشمەوێت بەبێ پارتی دیموکراتی کوردستان حوکمڕانی بکەم، تاکوو دێگەڵە دەچم، ئەگەریش پارتی بیەوێت بەبێ یەکێتی حوکمڕانی بکات، ئەوا ئەویش لەئەو دیوەوە، تاکو دێگەڵە دێت، کەواتە ئێمە و پارتی مەحکوومین لەحکوومەتی داهاتوودا بین، بۆیە پێویستە ئامادەسازییەک بکەین و پڕۆگرامێک بۆ کاری هاوبەش دابنێین و بیدەینە لایەنەکانی دیکە، بۆ ئەوەی گفتوگۆی لەسەر بکەین و بتوانین پێکەوە هەموو لایەک حکوومەتێک دروستبکەین.
خەڵک: ئەی سەبارەت بە پۆستەکانی بزووتنەوەی گۆڕان، لەحاڵەتی ڕێککەوتنتان لەگەڵ پارتی، پۆستەکانی بزووتنەوەی گۆڕان چۆن پڕدەکرێنەوە؟
 سەعدی ئەحمەد پیرە: ئێمە باس لەوەناکەین یەکێتی و پارتی ڕێکدەکەون و پۆستەکانی گۆڕان دابەشدەکەن، بەڵکوو قسە لەسەر ڕێککەوتنی ئێمە و گۆڕان و پارتی و کۆمەڵ و یەکگرتووە.
خەڵک: پەیوەندیتان لەگەڵ بزووتنەوەی گۆڕان چۆن پێناسە دەکەیت؟ ئەو پەیوەندییە لە چ ئاستێکدا دەبینیت؟
 سەعدی ئەحمەد پیرە: ئێمە و بزووتنەوەی گۆڕان پەیوەندیمان باشە، چوونکە دەبێت ئەوە لێکبدەیتەوە ئێمە و گۆڕان پەیوەندییەکان و ڕایەڵەی کۆمەڵایەتیمان زۆر بەهێزە، هەروەها ئێمە یەک حزب بووین و بزووتنەوەی گۆڕان لەهەناوی یەکێتی و یەکێتی لەهەناوی بزووتنەوەی گۆڕانە، بۆیە پێموانییە کێشەیەکی گەورەی تێدابێت.
خەڵک: پێشتر هەندێک لەهەڵسووڕاوانی بزووتنەوەی گۆڕان بەهۆی کاڵبوونەوەی ڕێککەوتننامە سیاسییەکەیان لەگەڵ یەکێتی، داوای یەکلاکردنەوەی ڕێککەوتننامەکەیان دەکرد، هۆکاری ساردبوونەوەی ئەم پەیوەندییە چ بوو؟
 سەعدی ئەحمەد پیرە: ئێمە سەرکردایەتی و کۆبونەوەی هاوبەشمان هەیە، بۆیە بۆچوونی بزووتنەوەی گۆڕان لەکۆبوونەوەی هاوبەش وەردەگرین، ئەگەر سەرکردەیەک لەشوێنێک شتێک بڵێت، ئەوا ڕای ئەو وەرناگرین.
خەڵک: هیچ وادەیەک بۆ کۆبوونەوەی سەرکردایەتیی هاوبەشی یەکێتی و گۆڕان داندراوە؟
 سەعدی ئەحمەد پیرە: کۆبونەوەمان هەمیشە بەردەوامە.

کۆدی بابه‌ت: 68340  |  به‌روار: ۱۳۹۵/۱۱/۱۱  |  کاتژمێر: 12 : 29

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
کەرکووک، هەڵکردنی ئاڵای کوردستانی پەسەند کرد
گرووپی "شنه‌"ی شاهۆی کوردستان به‌رهه‌مه‌کانی خۆی پێشکه‌ش ده‌کات
غه‌رامه‌ و باجی وامی بانکی که‌متر له‌ 100 ملیۆن تمه‌ن ده‌به‌خشرێت
هه‌واڵی نائۆمیدکه‌ری کۆمپانیای نه‌وتی جه‌نل نێنرژی له‌ پاشکه‌وتی نه‌وتی خاوی هه‌رێمی کوردستان
هاوکاریی تاران- مۆسکۆ کاریگه‌ریی له‌سه‌ر پڕۆسه‌ی سه‌قامگیری و ئاسایشی ناوچه‌که‌ و جیهان ده‌بێت
یەکێتی هەڕەشەی جووڵاندنی شەقام لە کەرکووک دەکات
ئه‌ندامێکی باڵای PKK له‌ پارێزگای دێرسیم کوژرا
لێکۆڵینه‌وه‌ دادوه‌رییه‌کان له‌باره‌ی هه‌ڵگرتنی لافیته‌ی هه‌ڕه‌شه‌ئامێز له‌ دژی ئه‌ردۆغان له‌ سویسرا ده‌ستی‌پێکرد
سەرۆکی ستادی هەڵبژادنەکانی کوردستان رایگەیاند
فراکسیۆنی پارتی: چاوه‌ڕێ بووین یه‌کگرتوو هه‌ڵوێستی هه‌بێ.. هه‌ڵه‌دنی و هاوشێوەکانی با خۆیان تاقی بکەنەوە
تایوان موشته‌ریی نوێی نه‌وتی خاوی هه‌رێمی کوردستان
له‌پێناو پاراستنی وڵاته‌که‌ماندا نه‌ ڕاسپارده‌ی که‌س قبووڵ ده‌که‌ین و نه‌ ئیزنی ده‌ستێوه‌ردانیش ده‌ده‌ین
ئامانجمان له‌ سه‌فه‌ر بۆ موسکۆ تۆکمه‌کردنی پێوه‌ندیی ئابووری و هاوکاریی ناوچه‌که‌یه‌
وتاری کۆمه‌ڵناسی بۆکانی له‌ کۆنگره‌ی نێوده‌وڵه‌تیی لێکۆڵینه‌وه‌ له‌ بواری ڕاهێنان و په‌روه‌رده‌ی ڕووسیادا قبووڵ کرا
پێشوازی میوانانی نه‌ورۆزی له‌ جێژنه‌کانی "نه‌ورۆزگا‌" له‌ ئیلامدا
ئیمکانات