فه‌رمانه‌که‌ی تره‌مپ خه‌ڵاتی ئۆسکاریشی هێنایه‌ ده‌نگ
به‌شی فەرهەنگ و هونەر- پاش بڕیارەکەی ترامپ بۆ رێگریکردن لە گەشتی هاوڵاتیانی حەوت وڵات کە لەنێویاندا ئێرانیش هەیە بۆ چوونە ناو ئەمریکا، ئەکادیمیای زانست و هونەرە سینەماییەکان ئیدانەی ئەو بڕیارەی کرد.
به‌پێی هه‌واڵی کوردپرێس وتەبێژی ئەکادیمیای زانست و هونەرە سینەماییەکانی ئەمریکا کە خەڵاتی ‏ئۆسکار لە بواری سینەمادا دەدات، لەسه‌ر ئەسغەر فەرهادی دەرهێنەری ئێران کە یەکێک لە فیلمەکانی پاڵێوراوە بۆ وەرگرتنی ئۆسکاری باشترین فیلمی نائینگلیزی زمان دێته‌ ده‌نگ و راگه‌یێندراوێک بڵاو ده‌کاته‌وه‌.
وتەبێژی ئەکادیمیای زانست و هونەرە سینەماییەکانی ئەمریکا کە خەڵاتی ئۆسکار لە بواری سینەمادا دەدات، لە بەیاننامەکه‌دا ئەگەری رێگریکردن لە ئەسغەر فەرهادی و ئەکتەرەکانی فیلمەکەی کە ناوی (فرۆشیار)ە، بۆ چوونە نێو ئەمریکا بەهۆی ئایین یاخود رەگەزنامەیانەوە بە “زۆر نیگەرانکەر” ناوبردووە و ئیدانەی ئەو بڕیارەی کردوە.
لە بەیاننامەکەدا هاتووە کە ئەکادیمیاکەیان دەستکەوتەکانی هونەری سینەما لە دەرەوەی نەتەوە و ئەتنیک و جیاوازییە ئایینییەکانەوە بەرز رادەگرێت.
فیلمی “فرۆشیار”، کە لە دەرهێنانی ئەسغەر فەرهادی و نواندنی شەهاب حوسەینی و تەرانە عەلیدوستی-یە، ساڵی 2016 ئەسغەر فەرهادی خەڵاتی باشترین سیناریۆی ڤیستیڤاڵی که‌نی لەسەر فیلمەکە و هەروەها شەهاب حوسەینی-ش خەڵاتی باشترین ئەکتەری پیاوی لەسەر ئەو فیلمە برد.
رێوڕەسمی دابەشکردنی خەڵاتی ئۆسکاری 2017، شەوی یەکشەممە 26ی فێبریڤێری لە لۆس ئەنجلۆس بەڕێوەدەچێت و ئامادەنەبوونی ئەسغەر فەرهادی و ئەکتەرانی فیلمەکەی رەنگە کاردانەوەی زیاتری لێبکەوێتەوە.
پێشتر تەرانە عەلیدوستی، یەکێک لە ئەکتەرە سەرەکییەکانی فیلمی “فرۆشیار”، رێگریکردن لە گەشتی هاوڵاتیانی ئێرانی بۆ ئەمریکا بە کارێکی “رەگەزپەرستانە” ناوبرد و وتی کە بایکۆتی رێوڕەسمی خەڵاتی ئۆسکار دەکات.
 
ئەسغەر فەرهادی کە لە ساڵی 2012 کە بۆ فیلمی (جیابونەوەی نادر لە سیمین) خەڵاتی گۆڵدن گڵۆب و ئۆسکاری برد، لەنێو سینەماکارانی ئەمریکادا کەسێکی ناسراوە. فەرهادی سێ جار بۆ وەرگرتنی خەڵاتی ئۆسکار پاڵێوراوە و یەک جار خەڵاتەکەی بردۆتەوە.

کۆدی بابه‌ت: 68369  |  به‌روار: ۱۳۹۵/۱۱/۱۱  |  کاتژمێر: 20 : 9

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
کاردانەوەی نەتەوە یەکگرتووەکان بە هەڵکردنی ئاڵای هەرێمی کوردستان لە کەرکووک
بەنداوی تەبقا لە لایەن ھێزەکانی سووریای دیموکراتیکەوە گەمارۆدرا
تەقە لە پەرلەمانی بریتانیا کرا/ کوژران و برینداربوونی ۱۴ کەس
ڕێنوێنییەکانتان مایەی دڵگەرمیی چالاکانی ئابوورییە/ کەمایەسییەکان قەرەبوو دەکەینەوە
خولی پێنجەمی دانوستانەکانی ژنێڤ پێنجشەمە دەست پێدەکات
بەغدا هەڵکردنی ئاڵای کوردستان لە کەرکووک بە نایاسایی دەزانێت
خۆشحاڵی دەربڕینی وەزیری دەرەوەی ئەمریکا بۆ بەشداریی نوێنەری بارزانی لە کۆنفڕانسی واشنتۆن
سەرسووڕمانی ئەندامی یەکێتی بۆ هەڵدرانی ئاڵای هەرێمی کوردستان لە کەرکووک
کاردانەوەی ئەندامی لێژنەی سەرۆکایەتی مەجلیس بە سووکایەتی بە جلی کوردی له کەناڵی دووی تەلەڤیزیۆنی ئێران
ئەڵمانیا فرۆشتنی چەک و چۆڵ بە تورکیای ڕاگرت
١١٦٩ کەس خۆیان بۆ هەڵبژاردنی شۆراکانی ئیسلامی لە کوردستان ناونووس کردووە
١٣٥٠ کەس بۆ هەڵبژاردنی شورای ئیسلامی شار و گوندەکانی کرماشان خۆیان ناونووس کردووە
ڕنووی بەفر بووە هۆی گیان لەدەستدانی چوار کەس لە ئازەربایجانی ڕۆژئاوا
دەیان کوژراو و بریندار لە بوردۆمانی قوتابخانەیەکی ڕەقە
قایمقامی حەلەب دەستخۆشی له پاڵپشتییەکانی ڕووسیا، ئێران و چین دەکات
ئیمکانات