جەمیل بایک پەیامی نەورۆزی ڕاگەیاند
بەشی تورکیا- هاوسەرۆکی کۆما جفاکێن کوردستان بە بۆنەی هاتنی ساڵی نوێی هەتاوی پەیامێکی بڵاو کردەوە و پیرۆزبایی نەورۆزی لە کوردەکان کرد و AKP و MHP وەکوو زوحاکی کوردەکان ناو برد.
بەپێی هەواڵی کوردپرێس بە گێڕانەوە لە فورات نیووز، جەمیل بایک هاوسەرۆکی کۆما جفاکێن کوردستان (KCK) بە بۆنەی هاتنی ساڵی نوێ هەتاوی، پەیامێکی بڵاو کردەوە و وێڕای پێرۆزبایی کردنی ئەو ڕۆژە لە کوردەکان، پارتی دادوگەشە (AKP) و پارتی بزووتنەوەی نەتەوە پەرەست(MHP)ی بە زوحاکی کوردەکان شوبهاند کە کوردەکان دەبێ لە بەرانبەریاندا بوەستن.
بایک وتی: "AKP و MHP ئەمڕۆ بوونەتە زوحاک لە گیانی کوردەکان و ئەم نەورۆزە دەبێ بێتە سەرهەڵدانێک لە بەرانبەر داگیرکەرانەوە. گەلی کورد لەم نەورۆزەدا وڵامێکی قورسی داگیرکەران دەدەنەوە"
ناوبراو هاتنەبەرەوەی نەورۆزی لە هەموو ڕێبوارانی ڕێگای ئازادی، گەلی کورد و دۆستانی کورد پیرۆزبایی کرد و جەختی کرد: " ئێمە بە دڵنیاییەوە سەرکەوتوو دەبین و خەباتی ڕێگای ئازادی و دیموکراسی لە ساڵی ٢٠١٧ پەرە پێ‌دەدەین."
هاوسەرۆکی کۆما جفاکێن کوردستان سەبارەت بە نەورۆز وتی: " نەورۆز یەکێ لە جێژنە کۆنەکانی نەتەوەکانی جیهانە. ئەم ڕۆژە ڕۆژی سەرهەڵدانەوەی دووبارەی سروشتە و بەهێزتربوونی ئیرادەمان وەبیر دەهێنێتەوە. بەڵام ئەم ڕۆژە بۆ کوردەکان واتایێکی دیکەی هەیە، ئەم ڕۆژە بۆ کوردەکان بە واتای هیوا، هەستانەوە و سەرهەڵدانەوە و دووبارە لەدایک بوونەوەیە و بەهای فەرهەنگی و کۆمەڵایەتی لەگەڵ خۆی هەڵدەگرێت."
جەمیل بایک سەبارت بە هەوڵدانی هەندێ وڵات بۆ لە ناوبردنی جێژنی نەورۆز، وتی: "لە سەد ساڵی ڕابردوو بینیوومانە کە داگیرکەران و پاوان خوازان دەرفەتێکی نوێیان بۆ داسەپاندنی بایەخ و فەرهەنگی خۆیان وەدەست هێناوە. ئەوان هەوڵیان داوە تاکوو فەرهەنگی نەورۆز لە نێو خەڵک هەڵبگرن یان ئەوەی واتاکانی لێ بسڕنەوە.
ناوبراو لە کۆتایی وتەکانیدا وێڕای پیرۆزبایی ساڵی نوێ لە هەموو کوردەکان و دۆستانی کورد، سەبارەت بە گرینگایەتی نەرۆزی ئەمساڵ وتی: " نەورۆزی ئەمساڵ بۆ گەلی کورد زۆر گرینگە. لە دۆخێکدا بەسەر دەبەین لە ڕۆژهەڵاتی ناڤین هاوکێشە سیاسیەکان لە نوێوە دادەڕێژرێت و هەلێکی مێژوویی بۆ کوردەکان ڕەخساوە. هەر بەم بۆنەوە نەورۆزی ئەمساڵ دەبێ هەڵگری ئەم پەیامە بێت کە کوردەکان نابێ نکۆڵی لە بوونیان بکرێت و لە داهاتووی ڕۆژهەڵاتی ناڤیندا دەبێ خاوەن پێگەی دیموکراتیک و ئازادی خۆیان بن."
 

کۆدی بابه‌ت: 70659  |  به‌روار: ۱۳۹۵/۱۲/۳۰  |  کاتژمێر: 23 : 35

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
پارتی مکوڕه‌ له‌ سه‌ر جێبه‌جێ‌کردنی ده‌ست‌پێشخه‌رییه‌که‌ی بارزانی
هێرشی دووباره‌ی چه‌کدارانی داعش بۆ سه‌ر که‌مپی تازه‌ ئازادکراوی ته‌بقا
هه‌ندێ لایه‌ن ویستی شڵه‌ژاندنی دۆخی نێوان تورکه‌مان و کورده‌کانیان هه‌یه‌
سەرکردەیێکی حەشد لەبارەی هەڵوەشانەوەی حەشدی شەعبییەوە قسە دەکات
وه‌زاره‌تی ده‌ره‌وه‌ی تورکیا سه‌باره‌ت به‌ هه‌ڵکردنی ئاڵای هه‌رێمی کوردستان له‌ که‌رکووک نیگه‌رانه‌
داوا لە کوردەکان دەکرێت پێش لەناوچوونی داعش ناکۆکیەکانی نێوان خۆیان کۆتایی پێبێنن
فراکسیۆنە ئیسلامخوازەکان لە ئەنجوومەنی پارێزگای نەینەوادا بۆ پێکهێنانی هەرێمی مووسڵ تێدەکۆشن
ژووری ئۆپەراسیونی تووڕەیی فورات ئاکامی توێژینەوەکانی کومیتەی ئەندازیاران و کارناسان سەبارەت بە بەنداوی تەبقای ڕاگەیاند
بەهۆی تەقینەوەی پردی گەورە لەلایەن هاوپەیمانانەوە هاتوچۆ و گواستنەوە لە ڕەقە وەستاوە
هەڵوێستی جیاوازی بزووتنەوە سیاسییە کوردەکانی سووریا سەبارەت بە پیکهێنانی وڵاتی سەربەخۆی کوردی
هاوپەیمانان بژاردەیێکی چاکتر لە کوردەکانی نییە/ ئامانجی ئێمە ئەوەیە توندئاژۆیی لە سووریا کۆتایی پێبهێنرێت
گفتوگۆی نێوان بەغدا و ڕۆما بۆ سەندنی ١٠ کۆپتەری سەربازی بۆ پۆلیسی فیدراڵی عێراق
کەسێک کە قسەی لەو چەشنە دەکات تیرۆریستە
قۆناغی دووهەمی دانووستانەکان بۆ گۆڕینی سێ سەرۆکایەتییەکە دەستی پێکرد
Li Amedê qedexe
ئیمکانات