بڕیاره‌ 6ی نۆڤیمبێر هه‌ڵبژاردنی سه‌رۆکی هه‌رێم و په‌رله‌مان ئه‌نجام بدرێت
بەشی عێراق و هەرێمی کوردستان- خولی سێیه‌می په‌رله‌مانی کوردستان لە ڕێکەوتی 6ی نۆڤیمبێری 2017 و له‌ بارودۆخی ئاسایی و یاساییدا، پێویسته‌ له‌و رۆژه‌دا هه‌ڵبژاردن بۆ خولی چواره‌می په‌رله‌مانی کوردستان ئه‌نجام بدرێت.
بەپێی هەواڵی کوردپرێس بە گێڕانەوە لە ماڵپه‌ڕی کوردستان24 ئه‌ندامێکی ئه‌نجومه‌نی کۆمیسیۆنی باڵای سه‌ربه‌خۆیی هه‌ڵبژاردن و راپرسی له‌ هه‌رێمی کوردستان رایگه‌یاند" ئه‌وان وه‌ک کۆمیسیۆن ده‌ستیان به‌ ئاماده‌کارییه‌ پێویسته‌کان کردووه‌ بۆ هه‌ڵبژاردنه‌که‌، به‌ڵام پێویسته‌ پێش دوو مانگ له‌ ئه‌نجامدانی هه‌ڵبژاردن، وه‌ک ئه‌وه‌ی له‌ یاسای سه‌رۆکایه‌تی هه‌رێمی کوردستاندا دیاریکراوه‌، سه‌رۆکی هه‌رێمی کوردستان داوا له‌ کۆمیسیۆن بکات تا هه‌ڵبژاردن له‌ هه‌رێمی کوردستان ئه‌نجامبدرێت".
جوتیار عادل، ئه‌ندامی ئه‌نجومه‌نی کۆمیسیۆنی باڵای سه‌ربه‌خۆی هه‌ڵبژاردن و راپرسی له‌ هه‌رێمی کوردستان ئاماژه‌ی به‌و کارانه‌ کرد، که‌ له‌ ئێستاوه‌ کۆمیسیۆن ئه‌نجامیداون، تا پێدویستییه‌کانی هه‌ڵبژاردنی داهاتووی سه‌رۆکایه‌تی هه‌رێمی کوردستان و په‌رله‌مانی کوردستان له‌ یه‌ک کاتدا ئه‌نجامبده‌ن و له‌وباره‌یه‌وه‌ گووتی" ئێستا ستافه‌کانمان ته‌واون و کارکردن بۆ تۆماری ده‌نگده‌رانی هه‌ڵبژاردنه‌کان و تۆماری به‌شدارانی راپرسی که‌ دوو تۆماری جیاوازن‌، له‌گه‌ڵ ئاماده‌کردنی ته‌کنه‌لۆژیای پێویست و پێشکه‌وتوو بۆ کۆکردنه‌وه‌ی ده‌نگه‌کان به‌رده‌وامه‌".
ئه‌و به‌رپرسه‌ی کۆمیسیۆن ئه‌وه‌شی گووت" به‌هۆی ئه‌وه‌ی رۆژی  6ی نۆڤیمبێری 2017خولی سێیه‌می په‌رله‌مانی کوردستان که‌ ئه‌م خوله‌ی ئێستایه‌، سوێندی یاساییان خواردووه‌ و وه‌ک یه‌که‌م رۆژی کاری ئه‌م خوله‌ی په‌رله‌مان ئه‌ژمارده‌کرێت، که‌واته‌ ده‌بێت رۆژی  6ی نۆڤیمبێری 2017 که‌ به‌ گوێره‌ی رۆژمێری زایینی ده‌کاته‌ 4 ساڵ، پێویسته‌ هه‌ڵبژاردنی خولی نوێی په‌رله‌مان ئه‌نجامبدرێت، چونکه‌ له‌و رۆژه‌دا واده‌ی ئه‌م خوله‌ کۆتایی دێت. به‌ڵام وه‌ک له‌ یاسای سه‌رۆکایه‌تی هه‌رێمدا هاتووه‌، ده‌بێت 60 رۆژ پێشتر سه‌رۆکی هه‌رێمی کوردستان داوا له‌ کۆمیسیۆنی باڵای سه‌ربه‌خۆی هه‌ڵبژاردن و راپرسی له‌ هه‌رێمی کوردستان بکات، تا هه‌ڵبژاردن به‌ڕێوه‌ببه‌ن".
ده‌رباره‌ی ئه‌گه‌ری ئه‌نجامدانی ریفراندۆمی سه‌ربه‌خۆیی کوردستان که‌ ئێستا به‌ چڕی هه‌نگاوه‌کان ده‌ستی‌پێکردووه‌، له‌گه‌ڵ هه‌ڵبژاردنی سه‌رۆکی هه‌رێمی کوردستان و په‌رله‌مانی کوردستان، دکتۆر جوتیار عادل گووتی" دیاریکردنی ئه‌و رۆژه‌ له‌ ده‌ست کۆمیسیۆن نییه‌، به‌ڵام وه‌ک بۆچوونی تایبه‌تی خۆم، به‌ گونجاوی ده‌زانم ریفراندۆمه‌که‌ش له‌گه‌ڵ هه‌ڵبژارده‌کاندا بکرێت".
حکومه‌تی هه‌رێمی کوردستانیش بۆ ئه‌و مه‌به‌سته‌ بڕی 22 ملیۆن دۆلاری بۆ کۆمیسیۆنی باڵای سه‌ربه‌خۆی هه‌ڵبژاردن و راپرسی له‌ هه‌رێمی کوردستان  بۆ ئه‌نجامدانی هه‌ر دوو هه‌ڵبژاردنه‌که‌ ته‌رخانکردووه‌.

 

کۆدی هەواڵنێر: 60113

کۆدی بابه‌ت: 71854  |  به‌روار: ۱۳۹۶/۱/۲۹  |  کاتژمێر: 15 : 45

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
بەغدا داوا لە هەولێر دەکات سەبارەت بە گشتپرسی پێکەوە گفتوگۆ بکەن
بڕیارەکەی دادگای فیدڕاڵی کاریگەریی لە سەر ریفراندۆم نییە
نوێنه‌ری CHP: هه‌ڕه‌شه‌ی کوشتنم لێکراوه‌
هونه‌رمه‌ندانی کورد له‌ یازده‌هه‌مین مێهره‌جانی نێونه‌ته‌وه‌یی مۆسیقای جوان درۆشانه‌وه‌
لێدوانەکان بۆنی شەڕیان لێدێت
ئایا تورکیا ده‌توانێت به‌ بیانووی ڕیفراندۆمه‌وه‌ هێرش بکاته‌ سه‌ر هه‌رێمی کوردستان؟
مه‌رگی گوماناویی دایکێکی 28 ساڵان و منداڵه‌ دوو ساڵه‌که‌ی له‌ ڕوانسه‌ر
تورکیا دەتوانێت تەزمینی مافی کوردەکانی عێراق بکات
ئەنجومەنی پارێزگای کەرکووک بڕیاری لە کارلادانی نەجمەدین کەریم رەت دەکاتەوە
سینەمای ‌نەتە‌وە‌ییی‌ کوردی ‌‌و ‌"ساتێک ‌بۆ‌ مەستیی ‌ئەسپە‌کان"/ پەری کەریمی نیا
هیچ حیسابێک بۆ بڕیارەکەی بەغدا دژی نەجمەدین کەریم ناکەین
ڕێکاری نوێنەری سەقز بۆ لابردنی کۆڵبەری
عەبادی و ئەردۆغان تاوتوێی ریفراندۆمی سەربەخۆییی کوردستان دەکەن
مه‌سعوود بارزانی ده‌یه‌وێت ڕیفراندۆم میراتێک بێت که‌ له‌وه‌ به‌جێ ده‌مێنێت
پێشنیارەکانی کۆمەڵگای نێونەتەوەیی بەدیلێکی باش بۆ ڕێفراندۆم نین
ئیمکانات