ڕه‌نگدانه‌وه‌ی به‌رفراوانی هێرشی مووشه‌کیی سوپای پاسداران دژ به‌ مۆڵگه‌کانی داعش له‌ میدیاکانی جیهان
به‌شی ڕاپۆرت/ کوردی- هێرشی مووشه‌کیی سوپای پاسداران بۆ سه‌ر مۆڵگه‌ و مه‌قه‌ری فه‌رمانده‌یی تیرۆریستانی داعش له‌ ده‌یره‌زووری سووریا ڕه‌نگدانه‌وه‌ی زۆری له‌ میدیاکانی جیهاندا بووه‌.
به‌پێی هه‌واڵی کوردپرێس، هێرشی مووشه‌کیی ئێواره‌ی ڕۆژی یه‌کشه‌ممه‌/ 28ی جۆزه‌ردان بۆ سه‌ر مۆڵگه‌کانی داعش ڕه‌نگدانه‌وه‌ی به‌رفراوانی هه‌بووه‌ له‌ میدیاکانی جیهاندا. لێره‌شدا ئاماژه‌ ده‌که‌ین به‌ هه‌ندێک له‌ گرینگترین میدیاکانی جیهان که‌ ڕووماڵی ئه‌و هێرشه‌ مووشه‌کییه‌ی سوپای پاسدارانیان کردووه‌.
هه‌واڵده‌ریی فه‌ڕه‌نسا
هه‌واڵده‌ریی فه‌ڕه‌نسا له‌مباره‌وه‌ ده‌نووسێت: تۆڵه‌ی سوپای پاسداران له‌ هێرشی تیرۆریستیی داعش له‌ تاران هێرشێکی مووشه‌کی بوو که‌ به‌ره‌و سووریا هاویشتوویه‌.
هه‌واڵده‌ریی سپۆتنیک
هه‌واڵده‌ریی سپۆتنیک له‌ ڕاپۆرتێکدا ده‌نووسێت: سوپای پاسدارانی ئێران له‌ ڕێگای هاویشتنی مووشه‌کی زه‌وی بۆ زه‌وییه‌وه‌ ڕۆژهه‌ڵاتی سووریا و مۆڵگه‌کانی تیرۆریستان ده‌گرێت به‌ ئامانج.
هه‌واڵده‌ریی تره‌ند
هه‌واڵده‌ریی تره‌ند وێڕای بڵاوکردنه‌وه‌ی هه‌واڵێک به‌ مانشێتی "ئێران به‌ هێرشی مووشه‌کی تۆڵه‌ له‌ داعش ده‌سێنێته‌وه‌" نووسیی: سوپای پاسدارانی ئێران به‌ره‌و مۆڵگه‌کانی تیرۆریستانی داعش له‌ ده‌یره‌زووری سووریا مووشه‌کی هاویشتووه‌.
ماڵپه‌ڕی ئینتێرنێتی هیل
ماڵپه‌ڕی ئینتێرنێتی هیل له‌ ڕاپۆرتێکدا نووسیی: به‌ گوێره‌ی ئه‌و ڕاپۆرتانه‌ی له‌ ماڵپه‌ڕی ئینتێرنێتی سوپای پاسدارانی کۆماری ئیسلامیی ئێران بڵاو بوونه‌ته‌وه‌ ئه‌و سوپایه‌ هێرشی مووشه‌کیی کردۆته‌ سه‌ر ڕۆژهه‌ڵاتی سووریا و ئه‌و هێرشه‌ش به‌ مه‌به‌ستی پیشاندانی کاردانه‌وه‌ هه‌مبه‌ر هێرشی تیرۆریستیی داعش بۆ تاران ئه‌نجام بووه‌.
ڕۆژنامه‌ی واشنتۆن پۆست و هه‌واڵده‌ریی ئاسۆشیتێدپرێس
ڕۆژنامه‌ی واشنتۆن پۆست و هه‌واڵده‌ریی ئاسۆشیتێدپرێسیش هه‌واڵی ئه‌م هێرشه‌ مووشه‌کییه‌ی سوپای پاسدارانیان بڵاو کرده‌وه‌.
فڕانس پرێس
فڕانس پرێسیش له‌ هه‌واڵێکدا ڕایگه‌یاند: سوپای پاسدارانی شۆڕشی ئیسلامی ڕۆژی یه‌کشه‌ممه‌ ده‌ریانبڕیوه‌: چه‌ندین مووشه‌ک له‌ ڕۆژئاوای ئێرانه‌وه‌ به‌ره‌و مۆڵگه‌ی تیرۆریستان له‌ ناوچه‌ی ده‌یره‌زووری سووریا هاویژراوه‌.
که‌ناڵی ڕاشاتووده‌ی
که‌ناڵی ڕاشاتووده‌ی له‌ ماڵپه‌ڕی ئینتێرنێتی خۆیدا نووسیی: سوپای پاسدارانی شۆڕشی ئیسلامیی ئێران له‌ تۆڵه‌ی هێرشی تیرۆریستیی داعش بۆ تاران چه‌ندین مووشه‌کی زه‌وی بۆ زه‌وی به‌ره‌و مۆڵگه‌ی تیرۆریستان له‌ پارێزگای ده‌یره‌زووری سووریا هاویشتووه‌ و خه‌ساری زۆری له‌ مۆڵگه‌ی تیرۆریستان داوه‌.
که‌ناڵی ته‌له‌فزیۆنیی سی ئێن ئێن
ماڵپه‌ڕی ئینتێرنێتیی که‌ناڵی ته‌له‌فزیۆنیی سی ئێن ئێن ڕووماڵی هێرشه‌ مووشه‌کییه‌که‌ی سوپای پاسدارانی شۆڕشی ئیسلامی بۆ سه‌ر مۆڵگه‌کانی داعشی کردووه‌ و له‌ ڕاپۆرتێکدا ده‌نووسێت: هێرشی مووشه‌کیی ڕۆژی یه‌کشه‌ممه‌ یه‌که‌م هێرشی ڕووماڵکراوه‌ له‌ خاکی ئێرانه‌وه‌ به‌ره‌و خاکی سووریا له‌ سه‌ره‌تای ده‌ستپێکی شه‌ڕی ناوخۆی ئه‌و وڵاته‌ واتا له‌ 2011 به‌ملاوه‌یه‌.
که‌ناڵی ئه‌لجه‌زیره‌ی ئینگلیزی
که‌ناڵی ئه‌لجه‌زیره‌ی ئینگلیزیش هێرشی مووشه‌کیی سوپای پاسداران بۆ سه‌ر مۆڵگه‌کانی تیرۆریستانی داعش ڕووماڵ ده‌کات و ده‌نووسێت: سوپای پاسدارانی ئێران له‌ ڕۆژئاوای ئه‌و وڵاته‌وه‌ چه‌ندین مووشه‌کی به‌ره‌و سووریا هاویشتووه‌ و له‌ ڕاگه‌یێندراوێکدا نووسیویه‌تی: ڕژانی هیچ خوێنێکی پاک بێ وه‌ڵام ناهێڵینه‌وه‌.
ماڵپه‌ڕی ئینتێرنێتی گۆڤاری نیۆیۆرک پۆست
ماڵپه‌ڕی ئینتێرنێتی گۆڤاری نیۆیۆرک پۆست ده‌نووسێت: ئێران به‌ مه‌به‌ستی تۆڵه‌سه‌ندنه‌وه‌ له‌ هێرشی تیرۆریستیی داعش مۆڵگه‌کانی ئه‌و گرووپه‌ تیرۆریستییه‌ له‌ سووریا ده‌گرێت به‌ ئامانج.
هائارتس و مه‌عاریوو دوو ماڵپه‌ڕی ئینتێرنێتیی زایۆنیسته‌کان
هائارتس و مه‌عاریوو دوو ماڵپه‌ڕی ئینتێرنێتیی زایۆنیسته‌کان هه‌واڵی هێرشی مووشه‌کیی سوپای پاسداران بۆ سه‌ر مۆڵگه‌کانی داعش ڕووماڵ ده‌که‌ن و ده‌نووسن: ئێران به‌ چه‌ندین مووشه‌ک به‌ بوردی 800 کیلۆمه‌تره‌وه‌ خاکی سووریا ده‌گرێت به‌ ئامانج.
گۆڤاری فه‌ڕه‌نسیی فیگارۆی
گۆڤاری فه‌ڕه‌نسیی فیگارۆ ده‌نووسێت: ئێران بۆ یه‌که‌م جار له‌ خاکی خۆیه‌وه‌ به‌ مووشه‌ک مۆڵگه‌کانی داعش له‌ خاکی سووریا ده‌کاته‌ ئامانج. سوپای پاسدارانی شۆڕشی ئیسلامیی ئێران ڕۆژی یه‌کشه‌ممه‌ به‌ چه‌ندین مووشه‌ک مۆڵگه‌کانی داعشی له‌ ده‌یره‌زوور گرت به‌ ئامانج. ئه‌و گۆڤاره‌ زیادی کردووه‌ که‌ ناوچه‌ی ده‌یره‌زوور به‌ زۆری له‌ کۆنتڕۆڵی داعشدایه‌. سوپای پاسدارانیش ڕایگه‌یاندووه‌ ئه‌و هێرشه‌ مووشه‌کییه‌ به‌ ئامانجی تۆڵه‌سه‌ندنه‌وه‌ له‌ داعش پاش هێرشی تیرۆریستیی ئه‌و گرووپه‌ تیرۆریستییه‌ بۆ تاران ئه‌نجام بووه‌. ئه‌و مووشه‌کانه‌ش له‌ پارێزگاکانی ڕۆژئاوای وڵات واتا کرماشان و کوردستانه‌وه‌ هاویژراوه‌.
هه‌واڵده‌ریی ڕۆیتێرز
هه‌واڵده‌ریی ڕۆیتێرز له‌ ڕاپۆرتێکدا نووسیی: ئێران ڕۆژی یه‌کشه‌ممه‌ به‌ هاویشتنی مووشه‌ک به‌ره‌و ڕۆژهه‌ڵاتی سووریا مۆڵگه‌کانی گرووپی تیرۆریستیی داعش له‌و ناوچه‌یه‌دا به‌ مه‌به‌ستی تۆڵه‌سه‌ندنه‌وه‌ له‌و گرووپه‌ پاش هێرشی تیرۆریستی بۆ تاران گرتووه‌ به‌ ئامانج.
له‌ درێژه‌ی ڕاپۆرته‌که‌ی ئه‌و هه‌واڵده‌رییه‌دا ئاماژه‌ به‌ کوژرانی ژماره‌ی زۆری تیرۆریستان و تێکشکاندنی جیهازات و که‌ره‌سته‌ی سه‌ربازیی گرووپی تیرۆریستی داعش کراوه‌.
ماڵپه‌ڕی ئینتێرنێتی گڵۆباڵ نیووز
ماڵپه‌ڕی ئینتێرنێتی گڵۆباڵ نیووز ده‌نووسێت: ئێران به‌ مه‌به‌ستی تۆڵه‌سه‌ندنه‌وه‌ له‌ داعش پاش هێرشی ئه‌و گرووپه‌ تیرۆریستییه‌ بۆ په‌رله‌مانی خۆی مۆڵگه‌کانی ئه‌و گرووپه‌ تیرۆریستییه‌ له‌ ڕۆژهه‌ڵاتی سووریا به‌ مووشه‌ک ده‌کاته‌ ئامانج.
که‌ناڵی هه‌واڵده‌ریی بی بی سی
که‌ناڵی هه‌واڵده‌ریی بی بی سی له‌ ڕاپۆرتێکدا نووسیی: پێوه‌ندییه‌ گشتییه‌کانی سوپای پاسدارانی ئێران ڕایگه‌یاندووه‌ ناوچه‌ی ده‌یره‌زوور له‌ ڕۆژهه‌ڵاتی سووریای به‌ مووشه‌ک کردۆته‌ ئامانج. له‌ به‌یاننامه‌که‌ی سوپای پاسداراندا نووسراوه‌ ئامانجی ئه‌و هێرشانه‌ "ته‌مێ کردنی تیرۆریسته‌ جینایه‌تکاره‌کانه‌" و به‌ مه‌به‌ستی تۆڵه‌سه‌ندنه‌وه‌ له‌ تیرۆریستانی داعش پاش هێرش بۆ سه‌ر په‌رله‌مان و مه‌زارگه‌ی ئیمام خومه‌ینی له‌ تاران ئه‌نجام بووه‌.
 
داڕشتن: سروور خدری
 
کۆدی هه‌واڵنێر: 60103

کۆدی بابه‌ت: 74981  |  به‌روار: ۱۳۹۶/۳/۲۹  |  کاتژمێر: 9 : 20

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
فوئاد مەعسووم و یان کۆبیچ جەختیان کردەوە لە چارەسەرکردنی کێشەکانی نێوان هەرێم و بەغدا
موقتەدا سەدر: ڕیفراندۆمی هەرێمی کوردستان خۆکوشتنە
نوخبە ئەمریکییەکان لە سەرۆک بوونی ترەمپ بەخۆدا دەشکێنەوە
مەسعوود بارزانی بۆ سەرۆکی فەڕەنسا: ڕیفراندۆم دوا ناخرێت
Rûsya ji bo HSDê Amerîkayê hişyar kir: Em ê li wan xin
گفتوگۆمان لەگەڵ بەغدا بۆ سەربەخۆیی دەبێت
به‌غدا بۆ وه‌ستاندنی هه‌نارده‌کردنی نه‌وتی هه‌رێم گوشار بخاته‌ سه‌ر تورکیا و ئێران
لۆبیگه‌ریی کورده‌کان له‌ ئه‌مریکا بۆ ڕاکێشانی پاڵپشتی له‌ ڕیفراندۆم
حیساب بۆ به‌غدا ناکه‌ین و ڕیفراندۆم ده‌که‌ین
حکوومه‌تی به‌غدا: گشتپرسیی کوردستان له‌ داهاتووشدا به‌ڕێوه‌ نه‌چێت
مکووڕین سه‌ربه‌خۆییی هه‌رێمی کوردستان ڕابگه‌یێنین
داواکاریی ڕیاز له‌ هه‌ولێر بۆ وازهێنان له‌ به‌ڕێوه‌چوونی گشتپرسی
فه‌لاح مسته‌فا: سوورین له‌سه‌ر ئه‌نجام دانی ریفراندۆمی سه‌ربه‌خۆیی
پێشمەرگە بەشداریی ئۆپەراسیۆنی کۆنترۆڵ کردنەوەی حەویجە ناکات
کۆمپانیای نەوتیی «شیڤرۆن»ی ئەمریکا لە هەرێمی کوردستان چالاک دەبێتەوە
ئیمکانات