رێبەری پارتی کۆماریخوازی گەل بە بەردەنگ گرتنی ئەردۆغان:
بۆ هەر فیرعەونێک مووسایێک هەیە
بەشی تورکیا- قلیچدار ئۆغڵوو، ئەردۆغان وەکوو کوودەتاچیی 20ی جووڵای ناودەبات و هوشداری پێدەدات کە بۆ هەر فیرعەونێک مووسایێک هەیە.
بەپێی هەواڵی کوردپرێس بەگێڕانەوە لە حوڕییەت، کەمال قلیچدار ئۆغڵوو رێیەری پارتی کۆماریخوازی گەلی تورکیا (CHP) لە کاردانەوەی خۆیدا هەمبەر وتەکانی رەجەب تەیب ئەردۆغان سەرۆک­کۆماری تورکیا سەبارەت بە رێپێوانی ناڕەزایی دەربڕینی عەدالەت خوازانی ئەو پارتە، کە وتبووی نایاساییە و ئەگەری ئەوە هەیە بەگوێرەی یاسا مامەڵەیان لەگەڵ بکەین، وتی بۆ هەر فیرعەونێک مووسایێک هەیە.
قلیچدار ئۆغڵوو لە چوارەمین رۆژی رێپێوانیی «عەدالەت» لە ناوچەی قارەمان مەرعەشی ئەنقەرەدا وتی: «ئەوان دەیانهەوێت بە بانگ کردنی دادستێنەکان و دادوەرەکان ئێمە لە سیستەمی داد بترسێنن. ئێمە باش دەزانین کوودتاچییەکان لەم وڵاتەدا چییان کردووە. ئێمە باش دەزانین ئەوان لە دەیەکانی 1970 و 1980 و لە ساڵی 2017دا چییان کردووە. ئەوان ناتوانن ئیدیعا بکەن کە لەم وڵاتەدا عەدالەتمان هەیە. بۆچی خەریکین رێ دەپێوین؟ چوون باش دەزانین کە عەدالەت بوونی نییە.»
پارتی کۆماریخوازی گەل ر‌‌ۆژی 15ی جوون پاش دەستگیر کردنی ئەنیس بربر ئۆغڵوو یەکێک لە نوێنەرانی کە بە بۆنەی هاوکاریی کردن لە ئاشکراکردنی یارمەتی سەربازیی حکوومەتی تورکیا و رێکخراوی هەواڵگری تورکیا (میت) بە داعش لە سووریا، 25 ساڵ زیندان بە سەریدا سەپاوە، و بۆ ناڕەزایی دەربڕین هەمبەر بە بێ­عەدالەتی لە سیستەمی دادی تورکیا رێپێوانێکی ناڕەزاییانەیان لە ئەنقەرەوە بەرو زیندانی مال تەپە لە ئەستەمبۆڵ دەست پێکرد. ئەردۆغان دەڵێت ئەو هەوڵە نایاساییە و داوا لە CHP دەکات بۆ بەدەست هێنانی عەدالەت ئەبێت لە پەرلەماندا تێبکۆشن.
قلیچدار ئۆغڵوو بەبۆنەی راگەیاندنی باری نائاسایی لە تورکیا و لەسەر کار لابردنی بەربڵاوی دژبەرانی پارتی دەسەڵاتداری داد و گەشە بە بیانووی بەرنگار بوونەوە لەگەڵ ئەنجامدەرانی کودتای بێ­ئاکامی 15ی جووڵای، دەڵێت ئەردۆغان خۆی کوودەتاچی 20ی جووڵایە و «من پێشتر لەو کوودەتاچیەی 20ی جووڵای پرسیومە شەرافەت بۆ ئێوە بە مانای چییە؟ بۆ ئێوە چە گرنگایەتییێکی هەیە؟ پرسیارەکەی من زۆر ئاسانە بەڵام وەڵامێک ناداتەوە. ئەو هیچ وەڵامێکی نییە. دەمەوێت وەبیری ئەو بێنمەوە بۆ هەر فیرعەونێک مووسایێک هەیە. ئەو دەبێت هیچ کات ئەمە لە یاد نەکات.»
 
کۆدی هەواڵنێر: 60113

کۆدی بابه‌ت: 75015  |  به‌روار: ۱۳۹۶/۳/۲۹  |  کاتژمێر: 14 : 1

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
ئیمکانات