فەرماندەی هێزی هەوافەزای سپا ڕایگەیاند:
پێکانی دروستی ئامانجە مووشەکییەکان/ درێژەی شەڕئاژۆیی تیرۆریستان بە زیانی ئەوان دەبێت
بەشی ئێران- فەرماندەی هێزی هەوافەزای سپا سەبارەت بە هاویشتنی مووشەکە بالیستیکەکانی سپا بۆ سەر مۆڵگەی داعش لە دیرەلزوور لە سووریا، وتی: ئەگەر تیرۆریستان درێژە بە شەڕئاژۆییەکانیان بدەن، بەرەوڕووی دەرئەنجامێکی زۆر گران دەبنەوە.
بە پێی هەواڵی کوردپرێس بە گێڕانەوە لە پەیوەندییە گشتییەکانی سپا، سەرداری پاسدار ئەمیر عەلی حاجی زادە بە ئاماژە بە تێپەڕبوونی مووشەکە هاویشتراوەکانی ئێران بۆ سەر سووریا بە ئاسمانی عێراقدا و پشت‌ڕاست کرانەوەی پێکانی دروستی ئامانجەکان لە لایەن فرۆکە بێ‌فرۆکەوانەکانی دیمەشقەوە، جەختی لەوە کردەوە: لە هاوێری دیرەلزوور بنکەکانی فەرماندەیی، ناوەندەکانی بەرهەم هێنانی ئۆتۆمبیلی بۆمبچن کراوە و ناوەندەکانی کۆبوونەوەیان لە لایەن مووشەکە نێوان مەوداکانی ئێران پێکراون. دوژمنان دەبێ بزانن تاران، لەندەن و پاریس نییە و ئەوە کارێکی بچووک بوو کە بینیان و ئەگەر هەڵەیەکی دیکە بکەن، پەلاماری قورستریان دەدرێتی.
سەردار حاجی زادە بە پشت‌ڕاستکردنەوەی پێکرانی دروستی تەواو ئامانجە مووشەکییەکان، وتیشی: ناساندن و دەست گەیشتنی هەواڵگرانە بە مۆڵگەی ئەو تیرۆریستانە، پرسێکی زۆر دژوارە و تەقاندنەوەی ئەو مووشەکانە لە مەودای ٧٠٠ کیلۆمەترییەوە و پێکانی دروستی بینایەکی چکۆلە، لە خۆیدا پەیامێکە و ئەوان دەبێ لە توانست و عەیاری ئێران تێبگەن.
 
کۆدی هەواڵنێر: 60106

کۆدی بابه‌ت: 75029  |  به‌روار: ۱۳۹۶/۳/۲۹  |  کاتژمێر: 22 : 17

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
ئیمکانات