‌کوردپرێس‌ :: Kurdpress News Aganecy


کۆدی بابه‌ت: 71963  |  بڕوار: ۱۳۹۶/۲/۱  |  کاتژمێر: 12 : 54

ڕەخنەی نوێنەری شنۆ و نەقەدە لە پەخشی ناڕاستەوخۆی دیبەیتەکانی هەڵبژاردن

بەشی ئازەربایجانی ڕۆژئاوا- نوێنەری شنۆ و نەقەدە لە مەجلیسی شۆرای ئیسلامی وتی دیبەیتی تۆمارکراوی بەربژارەکانی هەڵبژادنی سەرۆک‌کۆماری سەرنجی خەڵک ڕاناکێشێت و لەسەر پێویستی پێداچوونەوەی کۆمیسیۆنی چاودێری بەسەر هەڵبژاردنەکاندا سەبارەت بەم بڕیارە جەختی کرد.

بەپێی هەواڵی کوردپرێس، عەبدولکەریم حسێن‌زادە لە لێدوانێک بۆ هەواڵنێری هەواڵدەریی یانەی میللەت ڕایگەیاند هەڵوەشاندنەوەی پەخشی ڕاستەوخۆی دیبەیتی هەڵبژاردن تەنیا دەبێتە هۆکاری دابەزینی ئاستی بەشداریی خەڵک لە هەڵبژاردنەکان و پێویستە پێداچوونەوە بەسەر ئەم بڕیارەدا بکرێت و وتیشی: بێگومان پێویستە خەڵک گفتوگۆ و لێکدانەوە و دیبەیتی بەربژارەکان لە دەزگای میدیای نەتەوەییەوە چاو لێبکەن تاوەکوو پاش تاوتوێ کردنەوە و باش ناسینی هەموو بەربژارەکان بتوانن ئەوەی بە شیاوی دەزانن هەڵیبژێرن.
جێگری سەرۆکی فراکسیۆنی ئومێد لە مەجلیسی شۆرای ئیسلامی ئاشکرای کرد: پەخشی ڕاستەوخۆی دیبەیتەکان کاریگەرییێکی ئەوتۆی لە ئاستی بەشداریی خەڵک لە هەڵبژاردنەکاندا هەیە و دیار نییە بۆ هەندێک دڵگرانی پەخشی زیندوو و ڕاستەوخۆی دیبەیتەکان لە ناوەندی دەنگ و ڕەنگی نەتەوەیین.
ناوبراو ڕاشیگەیاند: بڵاو نەکردنەوەی دیبەیتەکان بە شێوەی ڕاستەوخۆ پێشێل کردنی مافی هاووڵاتییە و نابێ لە ئامادە بوونی بەربژارەکان لە میدیای نەتەوەیی ترسێکمان هەبێت چوونکە بڕیارە لە داهاتوودا یەکێکیان ببێتە سەرۆک‌کۆماری وڵات.
 
کۆدی هەواڵنێر: 60108

کۆتایی هه‌واڵ / ‌کوردپرێس‌ :: Kurdpress News Aganecy

لینکی بابه‌ت: http://kurdpress.com/NSite/FullStory/?Id=71963