23:43 PM   IRAQ
WEDNESDAY, 24 JANUARY 2018
 به په‌له |◀   ئه‌گه‌ر هه‌یه‌ کورده‌کانی سووریا به‌شداریی دانیشتنی سۆچی نه‌که‌ن
مه‌رجی کورده‌کان بۆ ده‌نگدان به‌ بودجه‌ی 2018ی عێراق

به‌شی عێراق و هه‌رێمی کوردستان- نوێنه‌رێکی بزووتنه‌وه‌ی گۆڕان له‌ ئه‌نجومه‌نی نوێنه‌رانی عێراق باسی ڕه‌زامه‌ندیی مه‌رجداری قه‌باره‌ سیاسییه‌کانی کوردستان ده‌کات به‌رانبه‌ر به‌ په‌سه‌ند کردنی ڕه‌شنووسی بودجه‌ی 2018ی عێراق.

به‌پێی هه‌واڵی کوردپرێس، کاوه‌ محه‌مه‌د له‌ گفتوگۆ له‌گه‌ڵ ماڵپه‌ڕی "بغداد الیوم"دا ئاماژه‌ی به‌وه‌ کرد قه‌باره‌ سیاسییه‌کانی کوردستان یادداشتێکی ناڕه‌زایییان بۆ سه‌رۆک کۆمار، سه‌رۆک وه‌زیران، سه‌رۆکی ئه‌نجومه‌نی نوێنه‌ران، کۆمیسیۆنی داراییی په‌رله‌مان و سه‌رۆک فراکسیۆنه‌کانی ئه‌نجومه‌نی نوێنه‌ران ناردوووه سه‌باره‌ت به‌ داشکاندنی به‌شه‌بودجه‌ی هه‌رێمی کوردستان که‌ له‌ ڕه‌شنووسی بودجه‌ی گشتیی ساڵی 2018ی عێراقدا له‌ 17 له‌سه‌ده‌وه‌ بۆ 12.67 له‌سه‌د که‌م کراوه‌ته‌وه‌.

ناوبراو ده‌شڵێت: ئه‌و حزبانه‌ مه‌رجیان داناوه‌ بۆ ئه‌وه‌ی ده‌نگ به‌و ڕه‌شنووسه‌ بده‌ن.

کاوه‌ محه‌مه‌د جه‌ختی کرده‌ سه‌ر ئه‌وه‌ی به‌شه‌بودجه‌ی هه‌رێمی کوردستان نادادپه‌روه‌رانه‌یه‌ و نه‌ک هه‌ر کێشه‌کانی هه‌ولێر- به‌غدا چاره‌سه‌ر ناکات به‌ڵکوو ئه‌و کێشانه‌ش زیاتر ده‌کاته‌وه‌ و باجی که‌م کردنه‌وه‌ی ئه‌و به‌شه‌بودجه‌یه‌ ته‌نیا به ‌سه‌ر خه‌ڵکی هه‌رێمی کوردستاندا ده‌شکێته‌وه‌.

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه