05:53 PM   IRAQ
WEDNESDAY, 15 AUGUST 2018
 به په‌له |◀   ئه‌ندامێکی پارتی: ته‌ڤل بوونی دوو حیزبی ده‌سه‌ڵاتداری کوردستان به‌ ئۆپۆزیسیۆنی عێراق چاوه‌ڕوانکراوه‌
ئەمریکا: بەهێزیی حکوومەتی هەرێمی کوردستان بۆ سەقامگیریی عێراق گرنگە

بەشی عێراق و هەرێمی کوردستان- وەزارەتی دەرەوەی ئەمریکا ڕایگەیاند، بەهێزیی حکوومەتی هەرێمی کوردستان لەناو عێراقێکی یەکگرتوودا بۆ سەقامگیریی ئەو وڵاتە گرنگە.

هێزەر ناورت وتەبێژی وەزارەتی دەرەوەی ئەمریکا لە کۆنفرانسێکی هەواڵیدا وتی "لەو باوەڕەداین بەهێزی حکومەتی هەرێمی کوردستان لەناو عێراقێکی فیدراڵ و یەکگرتوو گرنگە بۆ سەقامگیری ماوە درێژی عێراق و بەردەوامی تێکشکاندنی داعش."

لە کۆنفرانسەکەدا پرسیارێکی لێکرا کە دەڵێت "بەغدا لەسەر ڕێگای کەرکوک – هەولێر سنورێکی گومرکی دادەنێت و داهات کۆدەکاتەوە، ئایا ئەوە تەبایە لەگەڵ تێڕوانینی ئێوە بۆ عێڕاقێکی یەکگرتوو؟"، ناورت وتی "وڵاتانی دیکە هەن کە لەماوەی ڕابردوودا کاری لەو جۆرەیان کردووە تەنانەت وڵاتی خۆشمان."

ڕاشیگەیاند "پێموایە کە ئەوە کێشەیەکی ناوخۆییە و دەبێت خۆیان چارەسەری بکەن، هانی بەغدا و هەولێر دەدەین هەر کێشەیەک کە لەنێوانیاندا مابێت چارەسەری بکەن."

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه