23:37 PM   IRAQ
WEDNESDAY, 24 JANUARY 2018
 به په‌له |◀   ئه‌گه‌ر هه‌یه‌ کورده‌کانی سووریا به‌شداریی دانیشتنی سۆچی نه‌که‌ن
بەهۆی وەرگەڕانی پاسێک لە سلۆپی 9 کەس گیانیان لەدەست دا

بەشی تورکیا- لە ئەنجامی وەرگەڕانی پاسێکی نەفەرهەڵگر لە شارۆچکەی سلۆپی لە کوردستانی تورکیا 9 کەس گیانیان لەدەست دا.

بەپێی هەواڵی کوردپرێس بەیانی ئەمڕۆ هەینی 12-1-2018، بەهۆی وەرگەڕانی پاسێک لە شارۆچکەی سلۆپی سەر بەپارێزگای شرناخ لە کوردستانی تورکیا ، کە سەرنشینانی هاووڵاتییانی عێراقی بوون ، 9 کەس گیانیان لەدەست داوە و 28 کەسی دیکەیان بریندار بوون.

پاسە نەفەرهەڵگرەکە سەر بە کۆمپانیای "ضيوف العربية"یە و دەگوترێت وەزارەتی کۆچ و کۆچبەرانی عێراق بۆ هێنانەوەی پەنابەرانی عێراقی لە تورکیا دابینی کردوووە ، پاسەکە لە ئیستەنبوڵ بەرەو هەرێمی کوردستان دەهات و لە رێگادا بە هۆکارێکی نەزاندراو وەرگەڕاوە.

محه‌ممه‌د وه‌دیع، نوێنه‌ری هه‌ولێری كۆمپانیای"ضيوف العربية" به‌تۆڕی میدیاییی رووداوی راگه‌یاند، "سه‌رنشینه‌كان سه‌رجه‌میان په‌نابه‌ره‌ عێراقییه‌كانی خه‌ڵكی مووسڵ بوون و له‌ توركیا بڕیاری دیپۆرت كردنه‌وه‌یان بۆ ده‌رچوووه‌ و ده‌گه‌ڕێندرانه‌وه‌ ناوچه‌كانیان، به‌ڵام له‌ دووریی 20 كم له‌ ده‌روازه‌ی ئیبراهیم خه‌لیل وه‌رگه‌ڕا و هۆكاری وه‌رگه‌ڕانه‌كه‌شی نازانین، شوفێری كۆمپانیاكه‌شمان برینداره‌ و له‌ نه‌خۆشخانه‌یه‌".

ژمارەیێکی زۆری ئەمبوڵانس روویان کردە شوێنی رووداوەکە و بەهاوکاری هێزەکانی فەرماندەی جەندرمەی سلۆپی ، بریندارەکان بۆ نەخۆشخانە گواسترانەوە.

 

کۆدی هەواڵنێر: 60101

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه