16:36 PM   IRAQ
THURSDAY, 19 JULY 2018
 به په‌له |◀   ده‌وڵه‌ت ده‌یه‌وێت دۆخی نائاسایی له‌ تورکیا درێژه‌ی هه‌بێت
پیترۆکیمیای دێلوڕان 500 کەس دادەمەزرێنێت

بەشی ئیلام- شادمێهر کازم زادە دەڵێت: ساڵی داهاتوو پیترۆکیمیای دێلوڕان دەکرێتەوە و ئەو کۆگەیە ژمارەی 500 کەس دادەمەزێنێت.

بەپێی هەواڵی کوردپرێس شادمێهر کازم زادە نوێنەری باشووری پارێزگای ئیلام لەو بارەیەوە وتی: ئەو پیترۆکیمیایە پڕۆژەیێکی گرینگی ئابووریی شاری دێلوڕانە و پاش کرانەوەی توانای ڕەخساندنی هەلی کاری بۆ 500 کەس هەیە و ئێمەش بە نیازین خەڵکی بێکاری خۆجێیی لەو کۆمەڵەیەدا دابمەزرێنین.

نوێنەری خەڵکی بەدرە، دەڕەشار، ئابدانان و دیلوڕان ئاشکراشی کرد: ئێستاش چەندین پڕۆژەی ئابووری لە کەرتی ئاوەدانکاری، پیشە، نەوت و گاز و وەرزێریدا بەدەستەوەن و گوژمەکانیان زیاتر لە هەزار ملیار تمەنە.

کازم زادە ڕەخساندنی هەلی کاری بە یەکەمایەتیی کۆمەڵگا زانی و وتیشی: هەموو ساڵێک حەشیمەتی بێکاری پارێزگای ئیلام زیاد دەکات و ئەوەش پێویستی بە چارەسەر و تەرخان کردنی سەرمایە هەیە.

ناوبراو ئاماژەی بۆ ژێرخانی بازاڕچەی سنووری چیلات کرد و وتی: پاش ئامادە بوونی ژێرخانەکان هیوای ئەوەمان هەیە لە داهاتوویێکی نزیکدا ئەو دەروازە سنوورییە بکرێتەوە چوونکە لە گەشەی ئابووریی پارێزگای ئیلامدا دەورێکی تایبەت دەبینێت.

 

کۆدی هەواڵنێر: 60101

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه