09:15 PM   IRAQ
SATURDAY, 22 SEPTEMBER 2018
 به په‌له |◀   مامۆستایانی ناڕازی داوای هەڵوەشاندنەوەی تەواوی پاشەكەوتی مووچە دەكەن
وته‌بێژی سه‌رکۆماری تورکیا: هێرشه‌كانى سه‌ر ئیدلب هه‌وڵه‌ سیاسییه‌كان له‌ناو ده‌بات

به‌شی تورکیا- وته‌بێژی سه‌رۆکایه‌تیی کۆماری تورکیا ڕای‌گه‌یاند: ئه‌و هێرشانه‌ی ده‌کرێته‌ سه‌ر ئیدلب به‌ر له‌ هه‌موو شتێک هه‌وڵه‌ سیاسییه‌کان له‌ناو ده‌بات و بێ‌متمانه‌یییێکی زۆر دروست ده‌کات.

به‌پێی هه‌واڵی کوردپرێس، ئیبراهیم کاڵن دوای کۆبوونه‌وه‌ی کابینه‌ی سه‌رۆکایه‌تیی کۆماری تورکیا له‌ لێدوانێکدا ئاماژه‌ی به‌ پرسی ئیدلب کرد و گوتی: بانگه‌وازمان بۆ ڕای گشتیی جیهانی، وڵاتانی ڕۆژئاوا، ئه‌مریكا و وڵاتانی ناوچه‌كه‌ ئه‌وه‌یه‌ به‌ هاوده‌نگی و هاوهه‌ڵوێستی هه‌ر هێرشێک بۆ سه‌ر ئیدلب ڕابگرین".

ناوبراو وتیشى: "چاوه‌ڕوانیمان له‌ هه‌موو لایێک ئه‌وه‌یه‌ که‌ له‌ چه‌ند ڕۆژی داهاتوودا به ‌شێوه‌یێکی جددی کار بکرێت بۆ دۆزینه‌وه‌ی ڕێگه‌چاره‌یێکی سیاسی و که‌م کردنه‌وه‌ی بارگژییه‌کان له‌ ئیدلب".

چه‌ند ڕۆژێكه‌ سووریا و ڕووسیا بۆردومانى ئاسمانى ئیدلبیان ده‌ست پێكردوووه‌ و هه‌ڕه‌شه‌ى كۆنتڕۆڵ كردنى ته‌واوى شاره‌كه‌ ده‌كه‌ن له‌ ڕێگه‌ى هێرشى زه‌مینی و ئاسمانییه‌وه‌.

سه‌رچاوه‌: هه‌واڵده‌ریی SonDakika

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه