13:03 PM   IRAQ
WEDNESDAY, 19 SEPTEMBER 2018
 به په‌له |◀   هادی عامری بە فەرمی ڕایگەیاند کاندید نابێت بۆ پۆستی سەرۆکوەزیرانی عێراق
ئه‌ردۆغان سکاڵا دژ به‌ قلیچدارئۆغڵۆ تۆمار ده‌کات

به‌شی تورکیا- ڕه‌جه‌ب ته‌ییب ئه‌ردۆغان سه‌ركۆماری توركیا به‌بڕی 250 هه‌زار لیره‌ سكاڵای یاسایی دژی که‌ماڵ قلیچدارئۆغڵۆ سه‌رۆكی گشتیی جه‌هه‌په‌ تۆمار كردوووه‌ به‌هۆی هێرشكردنه‌ سه‌ر مافه‌ كه‌سییه‌كانی له‌ میانی گوتارێكیدا له‌ كۆبوونه‌وه‌ی سه‌رۆكی لقی پارێزگاكانی پارته‌كه‌یدا.

به‌پێی هه‌واڵی کوردپرێس، حوسێن ئایدن پارێزه‌ری ئه‌ردۆغان له‌و سکاڵا یاسایییه‌ی که‌ پێشكه‌شی دادگای تاوانه‌ گه‌وره‌كانی كردوووه‌ له‌ ئه‌نقه‌ره‌ ئاماژه‌ی به‌وه‌ كردوووه‌ كه‌ قلیچدارئۆغڵۆ له‌ گوتارێكیدا له‌ كۆبوونه‌وه‌ی سه‌رۆكی لقی پارێزگاكانی پارته‌كه‌یدا ژماره‌یێک ده‌سته‌واژه‌ی به‌كارهێناوه‌ كه‌ مافه‌ كه‌سییه‌كانی سه‌رکۆمار ئه‌ردۆغانی پێشێل كردوووه‌.

له‌ سکاڵا یاسایییه‌كه‌دا به‌شێک له‌ گوتاره‌كه‌ی قلیچدارئۆغڵۆ خراوه‌ته‌ڕوو و باس له‌وه‌ كراوه‌ كه‌ ئه‌و بانگه‌شانه‌ی ده‌ڵێت ئه‌ردۆغان "كوده‌تای مه‌ده‌نی كردوووه‌" هاوشێوه‌ی گوته‌ی ڕێكخراوی تیرۆریستیی فه‌تحوڵڵاچی (فه‌تۆ)یه‌ و خزمه‌ت به‌ ئامانجی ڕێكخراوه‌یی ده‌كات.

له‌ سکاڵا یاسایییه‌كه‌دا داوای 250 هه‌زار لیره‌ قه‌ره‌بووی مه‌عنه‌وی كراوه‌ به‌ هۆی ئه‌وه‌ی قلیچدارئۆغڵۆ له‌ گوتاره‌که‌یدا هێرشی كرودووه‌ته‌ سه‌ر مافه‌ كه‌سییه‌كانی ئه‌ردۆغان.

سه‌رچاوه‌: هه‌واڵده‌ریی ئه‌نادۆڵو

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه