08:43 PM   IRAQ
TUESDAY, 11 DECEMBER 2018
 به په‌له |◀   گوندنشینانی هەرێمی کوردستان لەژێر تۆپبارانەکانی تورکیا ڕۆژگارێکی تاڵیان هەیە
نێچیرڤان بارزانی پیرۆزبایی له‌ محه‌مه‌د ئه‌لحه‌لبووسی ده‌كات

بەشی عێراق و هەرێمی کوردستان- به‌بۆنه‌ی هه‌ڵبژاردنی محه‌مه‌د ئه‌لحه‌لبووسی وه‌ك سه‌رۆكی ئه‌نجومه‌نی نوێنه‌رانی عێراق، نێچیرڤان بارزانی سه‌رۆك وه‌زیرانی هه‌رێمی كوردستان، له‌ په‌یامێكدا پیرۆزباییی له‌ ناوبراو كرد و هیوای سه‌ركه‌وتنی له‌ كاره‌كانی بۆ خواست.

پاش ئەوەی محەمەد ئەلحەلبوسی وەکوو سەرۆکی پەڕلەمانی عێراق هەڵبژێردرا نێچیرڤان بارزانی سەرۆکوەزیرانی هەرێمی کوردستان برووسکەیێکی پیرۆزباییی بۆ ناوبراو نارد.

دەقی پەیامەکە لە ماڵپەڕی فەرمیی حکوومەتی هەرێمی کوردستان بڵاو کراوەتەوە و  ئه‌مه‌ ده‌قی په‌یامه‌كه‌یه‌:

جه‌نابى سه‌رۆكى ئه‌نجومه‌نى نوێنه‌رانى عێراق

به‌ڕێز محه‌مه‌د ئه‌لحه‌لبووسى

سڵاو و ڕێز،

به‌بۆنه‌ى هه‌ڵبژاردنتانه‌وه‌ به‌ سه‌رۆكى ئه‌نجومه‌نى نوێنه‌رانى عێراق، به‌ خۆشحاڵییه‌وه‌ گه‌رمترین پیرۆزباییتان لێده‌كه‌م، هیواى سه‌ركه‌وتنتان بۆ ده‌خوازم له‌و ئه‌ركه‌ى كه‌وتۆته‌ سه‌ر شانتان كه‌ شایسته‌تانه‌.

خۆشحاڵین كه‌ ئه‌م‌ ئه‌ركه‌تان وه‌رگرتووه‌ و هیوادارین ئه‌نجومه‌نى نوێنه‌رانى هه‌ڵبژێردراو له‌م خوله‌دا ئه‌ركه‌ قورسه‌كانى سه‌ركه‌وتووانه‌ به‌ڕێ بكات و ڕۆڵى خۆى بگێڕێت له‌ به‌هێزكردنى متمانه‌، هاوبه‌شیى ڕاسته‌قینه‌، سازان و هاوسه‌نگى له‌نێوان هه‌موو پێكهاته‌كاندا و له‌ چوارچێوه‌ى پابه‌ندى به‌ ته‌واوى مادده‌ و بڕگه‌كانى ده‌ستوورى عێراقه‌وه‌ له‌پێناوى گه‌یشتن به‌ دادپه‌روه‌رى و چه‌سپاندنى بنه‌ماكانى دیموكراسى و فره‌لایه‌نى و جیگیربوونى سه‌قامگیریى سیاسى و ئارامى له‌ عێراق و ژیانێكى سه‌ربه‌رزانه‌ و خۆشگوزه‌رانى بۆ ته‌واوى پێكهاته‌كانى.

به‌ گه‌شبینییه‌كى زۆره‌وه‌ له‌ ڕۆڵى ئێوه‌ ده‌ڕوانین و هیواى سه‌ركه‌وتنتان بۆ ده‌خوازین.

له‌گه‌ڵ ئه‌وپه‌ڕى ڕێزماندا..

 

نێچیرڤان بارزانى

سه‌رۆك وه‌زیرانى هه‌رێمى كوردستان

17/9/2018

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه