13:18 PM   IRAQ
SATURDAY, 15 DECEMBER 2018
 به په‌له |◀   ده‌میرتاش: ئه‌گه‌ر سه‌ری خۆم بۆ ئه‌ردۆغان شۆڕ كردبا، ئێستا له‌ بری زیندان له‌ كۆشک ده‌بووم
خۆپیشاندان له‌ به‌سره‌ ده‌ستی پێكرده‌وه‌

به‌شی عێراق و هه‌رێمی کوردستان- سه‌رباری گرتنه‌به‌ری ڕێوشوێنی ئه‌منیی توند و بوونی ھێزێكی زۆری سه‌ربازی و میلیشیایی، خۆپیشاندان له‌ به‌سره‌ ده‌ستی پێکرده‌وه‌ و له‌ ڕێپێوانێكدا سه‌دان ھاووڵاتیی به‌سره‌ داوای چاكسازی له‌ سیستمی سیاسی و به‌ره‌وپێشبردنی ئابووری ناوخۆییی شاره‌كه‌یان كرد.

به‌پێی هه‌واڵی کوردپرێس، ئه‌مڕۆ چوارشه‌ممه‌ 26ی ئه‌یلوولی 2018 خۆپیشاندان له‌ به‌سره‌ ده‌ستی پێکرده‌وه‌ و خۆپیشانده‌ران به ‌توندی تیرۆركردنی دكتۆره‌ سوعاد عه‌لی چالاكوان و ئه‌ندامی ڕێكخراوی وه‌د بۆ مافه‌كانی مرۆڤ له‌ شاره‌كه‌یان شه‌رمه‌زار كرد كه‌ نیوه‌ڕۆی 25ی ئه‌یلوولی 2018 له‌ لایه‌ن ژماره‌یێک چه‌كداری نه‌ناسراوه‌وه‌ له‌ ناوچه‌ی عه‌باسییه‌ له‌ ناوه‌ڕاستی به‌سره‌ ده‌ستڕێژی گوللـه‌ كرایه‌ سه‌ری و تیرۆر كرا.

شایانی باسه‌؛ له‌ ناوه‌ڕاستی مانگی ته‌مووزی 2018دا خه‌ڵكی پارێزگای به‌سره‌ دژی نه‌بوونی خزمه‌تگوزارییه‌ بنه‌ڕه‌تییه‌كان و ئاو و كاره‌با و ده‌رفه‌تی كار ده‌ستیان به‌ خۆپیشاندان كردوووه‌ و له ‌سه‌ره‌تای مانگی ئه‌یلوول تووڕه‌یییان گه‌یشته‌ ئاستی سووتاندنی باره‌گای گرووپه‌ چه‌كدار و هێزه‌ سیاسییه‌كانی نزیک له‌ ئێران و كونسووڵخانه‌ی ئێرانیشیان له‌ پارێزگاكه‌ سووتاند.

سه‌رچاوه‌: K24 

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه