12:21 PM   IRAQ
THURSDAY, 25 APRIL 2019
 به په‌له |◀   عه‌بدولمه‌هدی هه‌رگیز ته‌ئکیدی له‌سه‌ر ڕاگرتنی مووچه‌ی فه‌رمانبه‌رانی هه‌رێمی کوردستان نه‌کردۆته‌وه‌
THURSDAY, 8 NOVEMBER 2018 - 14:04
نوێنەری پارێزگای بەسرە لە پەرلەمانی عێراق:
ئەو بوودجەیە کە بۆ پارێزگای بەسرە تەرخان کراوە پێداویستییەکانی دابین ناکات

بەشی عێراق و هەرێمی کوردستان- نوێنەرێکی پارێزگای بەسرە رایدەگەیێنێت پەرلەمانتارانی بەسرە دەنگ بە پرۆژەیاسای بوودجە نادەن، ئەگەر داواکارییەکانی بەسرە و پارەی پترۆدۆلاری تێدانەبێت.

بەپێی هەواڵی کوردپرێس، زەهرە بجاری، نوێنەری پارێزگای بەسرە لە پەرلەمانی عێراق رایگەیاند: ئەو بوودجەیە کە بۆ پارێزگای بەسرە تەرخان کراوە پێداویستییەکانی دابین ناکات و پەرلەمانتارانی پارێزگای بەسرە دەنگ بە تێپەڕاندنی پرۆژەیاسای بوودجە نادەن، ئەگەر لە پرۆژەکەدا پترۆدۆلار بۆ هەر بەرمیلێک نەوت پێنج دۆلار و داهاتی 50%ـی دەروازە سنوورییەکان و پارەی پرۆژە ستراتیژییەکانی تێیدا نەبێت.

ئەو پەرلەمانتارەی بەسرە هەروەها دەڵێت "پارێزگای بەسرە خێرێکی یەکجار زۆری بۆ عێراق هەیە، زیاتر لە دوو هەزار شەهید و هەزاران بریندار و بێوەژن و بێسەرپەرشتی هەیە".

بڕیارە بۆ دەستکاری کردنی پرۆژەیاسای بوودجەی 2019 لیژنەی هاوبەش لە نێوان حکوومەت و پەرلەمان پێکبهێنرێت و لە دانیشتنی رۆژی دووشەممەی داهاتوودا گەڕانەوە، یان نەگەڕانەوەی بوودجە یەکلایی بکرێتەوە.

سەرچاوە: هەواڵدەریی مەعلوومە

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه