22:05 PM   IRAQ
THURSDAY, 13 DECEMBER 2018
 به په‌له |◀   ئەمریکا یەکەم ئەندامی ئەنجومەنی ئاسایشە کە لە سەر پێبەندبوون بە پەیڕەوی دەولی سزای وڵاتان دەدات
په‌که‌که‌ له‌باره‌ی بڕیاره‌که‌ی ئه‌مریکا بۆ ده‌ستگیرکردنی سه‌رکرده‌کانی ئه‌و حیزبه‌ ڕوونکردنه‌وه‌ ده‌دات

به‌شی تورکیا- پارتی‌ كرێكارانی‌ كوردستان ڕوونكردنه‌وه‌ له‌باره‌ی‌ بڕیاره‌كه‌ی‌ ئه‌مریكا تایبه‌ت به ‌ده‌ستگیركردنی‌ سێ سه‌ركرده‌ باڵاكه‌ی په‌كه‌كه‌ ده‌دات و به‌رپرسێكی‌ په‌كه‌كه‌ش ته‌ئكید ده‌كاته‌وه‌ ئه‌و بڕیاره‌ كاریگه‌ریی له‌سه‌ر هاوكارییه‌ سه‌ربازی و لۆجستییه‌كانی ئه‌مریكا بۆ سووریاش ده‌بێت.

به‌پێی هه‌واڵی کوردپرێس، ئه‌مڕۆ دووشه‌ممه‌ 12ی تشرینی دووهه‌می 2018 سه‌رحه‌د ڤارتۆ وته‌بێژی‌ پارتی‌ كرێكارانی‌ كوردستان (په‌كه‌كه‌) ڕای‌گه‌یاند: سووریا له ‌ماوه‌ی ڕابردوودا سه‌ركه‌وتنی‌ گه‌وره‌ی‌ تۆمار كردوووه‌ و كورد چه‌ندین ده‌ستكه‌وتی‌ به‌ده‌ستهێناوه‌ و به ‌شێوه‌یێكی‌ گشتیش كاریگه‌ریی‌ سیاسه‌ته‌كانی‌ عه‌بدوڵڵا ئۆجه‌لانی له‌سه‌ر هه‌بوووه‌ كه ‌توانیویه‌تی‌ مافی كورد زامن بكات.

ناوبراو ڕوونیشی کرده‌وه‌: ئه‌و بڕیاره‌ی‌ ئه‌مریكا تایبه‌ت به‌ ده‌ستگیركردنی سێ سه‌ركرده‌ باڵاكه‌ی‌ په‌كه‌كه‌ كه‌ بریتین له ‌موراد قه‌ره‌یلان و دۆران كالكان و جه‌میل بایک "به ‌دڵنیایییه‌وه‌ كاریگه‌ری له‌سه‌ر سووریاش ده‌بێت له‌ گه‌یاندنی‌ هاوكارییه‌كانی بۆ سووریا به‌تایبه‌ت كه‌ هه‌ر سیاسه‌تێكی‌ ئه‌مریكا به‌رامبه‌ر كورد كاریگه‌ریی‌ له‌سه‌ر سووریا هه‌یه‌ ".

سه‌رحه‌د ڤارتۆ ڕاشیگه‌یاند: هه‌موو كات پشتیوانی‌ له ‌سه‌ركه‌وتنه‌كانی سووریا ده‌كه‌ین به‌ڵام ئه‌وه‌شی نه‌شارده‌وه‌ كه‌ ئه‌و هه‌نگاوانه‌ی ئه‌مریكا له‌سه‌ر په‌كه‌كه‌ دواجار سووریایش ده‌خاته‌ به‌رده‌م مه‌ترسیی ئه‌مریكاوه‌.

سه‌رچاوه‌: تۆڕی هه‌واڵی سلێمانی (SNN)

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه