22:40 PM   IRAQ
FRIDAY, 14 DECEMBER 2018
 به په‌له |◀   ئەمریکا یەکەم ئەندامی ئەنجومەنی ئاسایشە کە لە سەر پێبەندبوون بە پەیڕەوی دەولی سزای وڵاتان دەدات
شوێنەوارێکی مێژوویی پێنج ھەزار ساڵە لە سنووری ھەولێر دۆزرایەوە

بەشی عێراق و هەرێمی کوردستان- نوێتریین شوێنەواری مێژوویی لە سنووری پارێزگای ھەولێر لەلایەن تیمێکی زانکۆی میلانۆی ئیتاڵییەوە دۆزراوەتەوە.

بەپێی هەواڵی کوردپرێس، شوێنەوارەکە دەکەوێتە گردی ھێلەوەی سنووری شەمامک کە بەوتەی شوێنەوارناسان مێژووی دروست کردنی بۆ ٥٠٠٠ ساڵ پێش زایین دەگەرێتەوە و ٣٥٠٠ ساڵ لەمەوبەریش چۆڵ کراوە.

لە گردی ھێلەوە چەند کەل و پەلێکی مێژوویی دۆزراونەتەوە کە بریتین لە قاپی بەردین و کەلوپەلی جوانکاری و بەردی ئۆبسید.

گۆران محەمەد بەرپرسی بەشی پشکنین لە بەرێوەبەرایەتی شوێنەواری ھەولێر دەڵێت: سەرجەم ئەو کەل و پەلانەی دەدۆزرێنەوە لە بەرێوەبەرایەتی شوێنەواری ھەولێر دەمێننەوە و تیمە بیانییەکان تەنھا کاری کنە و پشکنین دەکەن.

لە سنووری بەرێوەبەرایەتی شوێنەواری ھەولێر ١٠ زانکۆی بیانی مۆڵەتی کارکردنیان بۆ کنە و پشکنین و رووپێوی شوێنەواری وەرگرتووە و تا ئێستاش نزیکەی ھەزار شوێنی شوێنەواری دۆزراونەتەوە.

بەپێی ئامارەکان، ھەرێمی کوردستان خاوەنی زیاتر لە ١٠ ھەزار ناوچەی شوێنەوارییە و لە سەرەتای تەمموزی ئەمساڵیشەوە و بە پێی ڕێکەوتن لەگەڵ شوێنەواری ھەرێم ٢٨ تیمی پسپۆڕی شوێنەواری کنە و پشکنین بۆ ناوچە شوێنەوارییەکان دەکەن.

سەرچاوە: ئین ئاڕتی

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه