11:58 PM   IRAQ
WEDNESDAY, 21 NOVEMBER 2018
 به په‌له |◀   موقته‌دا سه‌در: فریای مووسڵ بكه‌ون
فەرماندەی هێزەكانی 70ی پێشمەرگە:
هێرشی تورکیا بۆ سەر عەفرین، هێرش بۆ سەر کوردە

بەشی عێراق و هەرێمی کوردستان- فەرماندەی هێزەكانی 70ی پێشمەرگە، شەڕی عەفرین بە شەڕ دژ بە كورد ناو دەبات ‌و دەڵێت ئەو هێرشە بۆ داگیر کردنی کوردستانی سووریایە.

بەپێی هەواڵی کوردپرێس، شێخ جەعفەر شێخ مستەفا لە لێدوانێکیدا لەگەڵ ڕۆژنامەی ئاوێنە لەبارەی شەڕی عەفرینەوە دەشڵێت ئەوە شەڕە، شەڕیش سەركەوتنی تێدایە ‌و شكستیشی تێدایە. شێخ جەعفەر لەو بڕوایەدایە كە هێرشی توركیا بۆ سەر عەفرین ‌و رووداوەكانی كەركووک ناكرێت بەراوردبكرێن‌،  ئەوەی كەركووک شكست بوو. بەڵام زۆر جار لە هەرێمی كوردستانیش لە شوێنی دیكە شەڕ كراوە و توانراوە دوژمن تێكبشكێنرێت.

رۆژی 20ی مانگی رابردوو سوپای توركیا بە هاوكاریی گرووپە چەكدارە هاوپەیمانەكانی ئۆپەراسیۆنێكی سەربازیی بەرفراوانی لە ڕێگەی ئاسمان‌ و زەوییەوە بۆ سەر كانتۆنی عەفرین لە كوردستانی سووریا دەست پێكرد، بەڵام ڕووبەڕووی بەرگرییێكی سەرسەختانەی شەڕڤانانی یەپەگە بۆتەوە و بەهۆیەوە نەیتوانیوە پێشڕەوییێكی بەرچاو بكات. 

شێخ جەعفەر پێی وایە پرسی مەشق ‌و شارەزایی لە بەكارهێنانی چەک ‌و شەڕدا لای شەڕڤانان بۆ بەرەنگاربوونەوەی توركیا پرسێكی لاوەكییە لە چاو باوەڕەكەیاندا.

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه