09:17 PM   IRAQ
WEDNESDAY, 21 FEBRUARY 2018
 به په‌له |◀   هاوسەرۆکی کانتۆنی عەفرین: تا ئێستا لەگەڵ دەوڵەتی سووریا ڕێکنەکەوتووین
ژماره‌یێکی زۆر كۆمپانیا ڕوو له ‌هه‌رێم ده‌كات

به‌شی عێراق و هه‌رێمی کوردستان- له ‌دوای كۆنگره‌ی ئاوه‌دان كردنه‌وه‌ی عێراق كه‌ له ‌كوه‌یت به‌ڕێوه‌ چوو، ژماره‌یێكی زۆر كۆمپانیای بیانی ڕوو له‌ هه‌رێمی كوردستان ده‌كه‌ن و سه‌رۆكی لیژنه‌ی په‌یوه‌ندییه‌كانی ده‌ره‌وه‌ی ئه‌نجومه‌نی نوێنه‌رانیش ڕای‌ده‌گه‌یێنێت: "ڕاگرتنی گه‌شتی فڕۆكه‌خانه‌كانی هه‌رێم به‌ربه‌سته‌ و جموجۆڵی بازرگانیی هه‌رێم ده‌چێته‌ قۆناغێكی نوێوه‌".

به‌پێی هه‌واڵی کوردپرێس، عه‌بدولباری زێباری سه‌رۆكی لیژنه‌ی په‌یوه‌ندییه‌كانی ده‌ره‌وه‌ی ئه‌نجومه‌نی نوێنه‌ران به‌SNNی ڕاگه‌یاند: "له‌ كۆنگره‌كه‌ی كوه‌یت پڕۆژه‌ و پێشنیازه‌كان له‌ لایه‌ن كۆمپانیاكانی جیهانه‌وه‌ ده‌خرێنه‌ ڕوو. خستنه‌گه‌ڕی پڕۆژه‌كانیش له‌ هه‌رێم ده‌وه‌ستێته ‌سه‌ر چالاكیی وه‌فدی هه‌رێم به‌ڵام به‌ گشتی ژماره‌یێكی به‌رچاو ڕوو له ‌هه‌رێم ده‌كه‌ن".

سه‌رۆكی لیژنه‌ی په‌یوه‌ندییه‌كانی ده‌ره‌وه‌ ئه‌وه‌شی‌ نه‌شارده‌وه‌ كه‌ داخستنی گه‌شته‌ نێوده‌وڵه‌تییه‌كانی فڕۆكه‌خانه‌كانی هه‌رێم كاریگه‌ری له‌ سه‌ر هاتنی ژماره‌یێكی زۆر كۆمپانیای بیانی و خستنه‌گه‌ڕی پڕۆژه‌كانیان ده‌بێت.

ئاشكراشی كرد: دۆخی ئه‌منی له ‌هه‌رێم هانده‌ر ده‌بێت تا كۆمپانیاكان ڕووی تێبكه‌ن به‌ڵام گرفتی فڕۆكه‌خانه‌كان كاریگه‌ری له‌ سه‌ریان ده‌بێت.

به ‌وته‌ی عه‌بدولباری زێباری كه‌ ئه‌ندامی فراكسیۆنی یه‌كێتیشه "ئه‌و هاوكارییانه‌ی له ‌لایه‌ن وڵاتانی جیهانه‌وه‌ به ‌عێراق ده‌درێن وه‌ک هه‌نگاوێک بۆ ئاوه‌دان كردنه‌وه‌ و به‌رزكردنه‌وه‌ی ژێرخانی ئابووری، سه‌ره‌ڕای ئه‌وه‌ی وه‌فدی حكوومه‌تی هه‌رێمیش به‌شداره‌، پشكی هه‌رێمیشی لێده‌درێت".

سه‌باره‌ت به‌ كاریگه‌ری كۆنگره‌كه‌ش له‌ سه‌ر بووژاندنه‌وه ‌و جموجۆڵی بازرگانیی هه‌رێم وتی‌: "چاوه‌ڕوان ده‌كرێت له‌ دوای كۆنگره‌كه‌وه‌ كۆمپانیایێكی زۆر بۆ جموجۆڵی بازرگانی ڕوو له ‌هه‌رێم بكه‌ن".

زێباری‌ ڕاشی‌گه‌یاند: "ئه‌مڕۆ كه‌ دوا ڕۆژی كۆنگره‌كه‌یه‌، به‌رچاو ڕوونی زیاترمان ده‌بێت له‌وه‌ی بڕیار له‌ سه‌ر هاتنی كۆمپانیاكان بۆ هه‌رێم بدرێت".

 

کۆدی هه‌واڵنێر: 60104

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه