12:00 PM   IRAQ
MONDAY, 21 MAY 2018
 به په‌له |◀   سەعید کاکەیی: هێشتا ئومێدێک هەیە بۆ هەژمارکردنەوەى دەنگەکان بەدەست
وه‌زیری ده‌ره‌وه‌ی ئه‌مریكا:
ئۆپه‌راسیۆنی تورکیا له‌ عه‌فرین ڕێگری له‌ به‌ره‌نگاربوونه‌وه‌ی کارامه‌ی هاوپه‌یمانان له‌گه‌ڵ داعش ده‌کات

به‌شی سووریا- ڕێكس تیله‌رسن ده‌ڵێت: به‌شێک له‌ هێزه‌کانی YPG به‌ مه‌به‌ستی به‌رگری کردن له‌ کانتۆنی عه‌فرین جووڵه‌یان به‌ره‌و ئه‌و کانتۆنه‌ کردوووه‌ و ئه‌و بابه‌ته‌ کارتێکه‌رییێکی نێگه‌تیڤی له‌سه‌ر به‌ره‌نگاربوونه‌وه‌ی داعش داناوه‌.

به‌پێی هه‌واڵی کوردپرێس، ڕێکس تیله‌رسن وه‌زیری ده‌ره‌وه‌ی ئه‌مریکا ڕای‌ده‌گه‌یێنێت: هێرشی سه‌ربازیی تورکیا بۆ سه‌ر کانتۆنی کوردنشینی عه‌فرین له‌مپه‌ر له‌ به‌رده‌م هه‌وڵه‌کانی هاوپه‌یمانیی دژه‌داعش له‌ سووریا دروست ده‌کات.

ناوبراو له‌ کۆنفڕانسێکی ڕۆژنامه‌وانی له‌گه‌ڵ هاوتا کوێتییه‌که‌ی ڕای‌گه‌یاند: "دۆخی عه‌فرین خێڕاییی شه‌ڕی ئێمه‌ بۆ شکستدانی داعش له‌ سووریای که‌م کردۆته‌وه‌."

ڕێکس تیله‌رسن جه‌ختی کرده‌وه‌: به‌شێک له‌ یه‌کینه‌کانی پاراستنی گه‌ل (YPG) -که‌ وه‌کوو هێزی وشکانیی هاوپه‌یمانی له‌گه‌ڵ داعش شه‌ڕ ده‌که‌ن- بۆ به‌ره‌نگاربوونه‌وه‌ له‌گه‌ڵ تورکیا جووڵه‌یان به‌ره‌و عه‌فرین کردوووه‌ و ئه‌و دۆخه‌ کارتێکه‌رییێکی نێگه‌تیڤی له‌سه‌ر به‌ره‌نگاربوونه‌وه‌ی داعش داناوه‌. ویلایه‌ته‌ یه‌کگرتوووه‌کان ده‌یه‌وێت دڵنیا بێته‌وه‌ که‌ تورکیا ئاگاداریی ئه‌و دۆخه‌یه‌.

بڕیاره‌ تیله‌رسن سه‌ردانی تورکیا بکات و سه‌باره‌ت به‌ دۆخی سووریا به‌ تایبه‌ت عه‌فرین له‌گه‌ڵ به‌رپرسانی ئه‌و وڵاته‌ گفتوگۆ بکات.

سه‌رچاوه‌: حوڕییه‌ت

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه