02:45 PM   IRAQ
WEDNESDAY, 21 AUGUST 2019
 به په‌له |◀   ئەردۆغان مەبەستیەتی بە ئەنقەست ڕەوتی کوردی لە تورکیا و سووریا بسڕێتەوە
SATURDAY, 12 JANUARY 2019 - 13:34
ڕوانگه‌ی سووریا: سه‌دان چه‌كداری داعش به‌ پاره‌یێكی زۆره‌وه‌ به‌ره‌و عێراق هه‌ڵاتوون

به‌شی سووریا- ڕوانگه‌ی سووریا بۆ مافه‌كانی مرۆڤ ئاماژه‌ به‌وه‌ ده‌کات که‌ سه‌دان چه‌كداری ڕێكخراوی داعش به‌ پاره‌یێكی زۆره‌وه‌ به‌ره‌و عێراق هه‌ڵاتوون و دابه‌ش بوون و شه‌ڕه‌ ناوخۆییه‌کانیش له ‌نێو ڕێكخراوه‌كه‌دا دروست بوووه‌.

به‌پێی هه‌واڵی کوردپرێس، ئه‌مڕۆ شه‌ممه‌ 12ی کانوونی دووهه‌می 2019 ڕوانگه‌ی سووریا بۆ مافه‌كانی مرۆڤ بڵاوی کرده‌وه‌: "سه‌دان چه‌كداری ڕێكخراوی داعش كه‌ زۆربه‌یان عێراقین، له‌ ماوه‌ی 40 ڕۆژی ڕابردوودا له‌ سووریا هه‌ڵاتوون و له ‌ئێستاشدا په‌له‌ ده‌كرێت بۆ چۆڵ كردنی ئه‌و ناوچانه‌ی له ‌ژێر ده‌ستی ڕێكخراوه‌كه‌دا ماون، به‌و هۆیه‌ی داعش له ‌نێو خۆیدا دابه‌ش بوووه‌ و شه‌ڕ له‌ نێو سه‌ركرده‌كانی دروست بوووه‌."

ڕوانگه‌ی سووریا بۆ مافه‌كانی مرۆڤ ئاماژه‌ی به‌ ژماره‌ی كوژراوانی ڕێكخراوه‌كه‌ش كردوووه‌ كه‌ گه‌یشتوونه‌ته‌ نزیكه‌ی 1100 كه‌س و ده‌شڵێت: "نزیكه‌ی 15 هه‌زار كه‌س له‌ ڕێكخراوه‌كه‌ به‌ره‌و عێراق هه‌ڵاتوون كه‌ 12 هه‌زاریان له‌ ژنان و منداڵان پێكدێن و ئه‌وانه‌ی ئێستا له‌ سووریادا ماونه‌ته‌وه‌، ژماره‌یان له‌ سه‌دان چه‌كدار تێناپه‌ڕێت."

سه‌رچاوه‌: خه‌ڵک

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه