01:50 PM   IRAQ
THURSDAY, 25 APRIL 2019
 به په‌له |◀   عه‌بدولمه‌هدی هه‌رگیز ته‌ئکیدی له‌سه‌ر ڕاگرتنی مووچه‌ی فه‌رمانبه‌رانی هه‌رێمی کوردستان نه‌کردۆته‌وه‌
SUNDAY, 10 FEBRUARY 2019 - 18:55
پارتی میكانیزمی هەڵبژاردنی سەرۆكی هەرێم و دابەشكردنی دەسەڵاتەكانی ئاشكرا دەكات

بەشی عێراق و هەرێمی کوردستان- پارتی میكانیزمی هەڵبژاردنی سەرۆكی هەرێم و دابەشكردنی دەسەڵاتەكانی ئاشكرا دەكات و ئەندامێكی فراكسیۆنی پارتی لە پەرلەمانی كوردستانیش رایدەگەیەنێت: دوای هەڵبژاردنی سەرۆكایەتیی پەرلەمان، لیژنەی یاسایی دەسەڵاتەكانی سەرۆكی هەرێم دابەشدەكاتەوە.

کوردپرێس:

شوان كەریم ئەندامی فراكسیۆنی پارتی لەپەرلەمانی كوردستان بەSNNی راگەیاند: بۆ ئەم خولە سەرۆكی هەرێم لەناو پەرلەمان هەڵدەبژێرێت، بەڵام دابەشكردن و چۆنیەتی دەسەڵاتەكان بەڕێككەوتنی لایەنە سیاسییەكان یەكلایی دەكرێتەوە، كە چ دەسەڵاتێك لای حكومەت و پەرلەمان بمێنێتەوە.

ناوبراو وتیشی:"رۆژی 18ی مانگ دەستەی سەرۆكایەتیی پەرلەمان هەڵدەبژێرێت، ئەگەر هیچ بەربەستێك دروست نەبێت، دوای هەڵبژاردنی دەستەی سەرۆكایەتی پەرلەمان، ئەوكاتە لیژنەی یاسایی پەرلەمان دەستدەكات بەدابەشكردنەوەی دەسەڵاتەكانی سەرۆكی هەرێم بۆ ئەم خولە".

راشیگەیاند: وەكو فراكسیۆنی پارتی هیچ پڕۆژەیاسایەكمان بۆ دابەشكردنەوەی دەسەڵاتەكانی سەرۆكی هەرێم ئامادەنەكردووە، ئەوە دەمێنێتەوە سەر رێككەوتنی لایەنەكان.

بە وتەی ئەو ئەندامەی فراكسیۆنی پارتی لەپەرلەمانی كوردستان، "ئەم رێكارانە زۆر ناخایەنێت، ئەگەربێت و لەهەفتەی داهاتوو رێككەوتنی سیاسی نێوان پارتی و یەكێتی بكرێت، كە رەنگە دواتر رێككەوتنی سێ قۆڵیش بكرێت، ئەوكاتە زۆربەی شتەكان یەكلایی دەكرێتەوە".

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه