03:30 PM   IRAQ
SATURDAY, 16 FEBRUARY 2019
 به په‌له |◀   نوێنەرێکی پێشووی هەدەپە: هەرگیز دانامێنین چوونکە پەکەکە لە پشتمانە/ کوردستان هەر بووە و دەشمێنێت
ناوچە کوردنشینەکانی ئێران لە چلەمین ساڵیادی سەرکەوتنی شۆڕشی ئیسلامیی ئێراندا ڕێپێوانی گەوریان کرد

بەشی ئێران/ کوردی- خەڵکی هەر چوار پارێزگا کوردنشینەکەی ئێران لە شارە جۆراوجۆرەکانەوە بەبۆنەی چلەمین ساڵیادی سەرکەوتنی شۆڕشی گەلانی ئێران هاتنە سەرشەقام و پشتگیرییان لەو شۆڕشە کرد و یادی ئەو سەرکەوتنەیان کردەوە.

کوردپرێس:

ڕۆژی 22ی ڕێبەندان وەکوو ساڵیادی سەرکەوتنی شۆڕشی گەلانی ئێران کە 22ی ڕێبەندانی ساڵی 1357ی هەتاوی بەرانبەر بە 11ی شوباتی 1978 ڕووی دا هەموو ساڵێک لە وڵاتی ئێران بەرز ڕادەگیرێت و لەو ڕۆژەدا گەلی ئێران لە سەرتاسەری وڵاتەوە دێنە سەر شەقام و پشتگیریی خۆیان بۆ ئەو شۆڕشە ڕادەگەیێنن.

ئەمساڵیش لە سەر نەریتی ساڵانی ڕابردوو خەڵکی هەر چوار پارێزگا کوردنشینەکەی کوردستان و کرماشان و ئیلام و ئازەربایجانی ڕۆژئاوا هاتنە سەر شەقام و ڕێپێوانی نەریتیی 22ی ڕێبەندانیان بەڕێوە برد.

لە پارێزگای ئازەربایجانی ڕۆژئاوا خەڵکی 17 شاری ئەو پارێزگایە بەشداریی ڕێپێوانەکەیان کرد کە بریتین لەم شارانە: مەهاباد و سەردەشت و ماکوو و میاندواو و خووی و پولدەشت و شووت و قەرە زیادین و سەڵماس و چایپارە و بۆکان و ساینقەڵا و تیکاب و پیرانشار و شنۆ.

 

محەمەد مەهدی شەهریاری پارێزگاری ئازەربایجانی ڕۆژئاوا بەشداریی هاووڵاتییانی بە وەڵامێک دەمکوتکەر بۆ وڵاتانی زلهێز و هاوپەیمانانی دوژمنەکانی ئێران زانی و سپاسی بەشداری کردنی هاووڵاتییانی کرد.