01:49 PM   IRAQ
WEDNESDAY, 27 MARCH 2019
 به په‌له |◀   ڕۆحانی بۆ چارەکردنی قەیرانی لافاو داوای یارمەتی لە ئەرتەش و سوپای پاسداران و هەموو دامودەزگاکانی ئێران دەکات
SUNDAY, 17 FEBRUARY 2019 - 13:27
ئه‌ندامی کۆمیسیۆنی ئاسایشی نه‌ته‌وه‌ییی ئێران تایبه‌ت بۆ کوردپرێس:
پاراستنی سه‌روه‌ریی سووریا بنه‌مایێکی گرینگ بۆ ئێمه‌یه‌/ فیدڕاڵیزم ده‌ستپێکی دابه‌ش‌‌کرانی سووریایه‌

به‌شی ئێران- ئه‌ندامی کۆمیسیۆنی ئاسایشی نه‌ته‌وه‌ییی ئێران ده‌ڵێت: ئه‌گه‌ر یه‌کپارچه‌یی و سه‌روه‌ریی سووریا بپارێزرێت ئێمه‌ دژ به‌ پێدانی مافی فه‌رهه‌نگی نیین به‌ڵام فیدڕاڵیزم ده‌ستپێکێک بۆ دابه‌ش‌بوونی سووریایه‌.

مسته‌فا که‌واکبیان نوێنه‌ری خه‌ڵکی تاران له‌ په‌رله‌مانی ئێران به‌ هه‌واڵنێری کوردپرێسی گوت: ده‌بێ سووریا له‌ چوارچێوه‌ی وڵاتێکی یه‌کپارچه‌دا بپارێزرێت و هه‌ر جۆره‌ هه‌وڵێک بۆ دابه‌ش‌بوونی ئه‌و وڵاته‌ مه‌ترسیداره‌.

ناوبراو گوتیشی: هه‌وڵه‌کان بۆ دابه‌ش‌کردنی سووریا ڕه‌ت ده‌که‌ینه‌وه‌ هه‌ر بۆیه‌ ده‌ستێوه‌ردانی بیانی هاوپێوه‌ند به‌ پێشێل‌کردنی یه‌کپارچه‌ییی ئه‌و وڵاته‌ ئیدانه‌ ده‌که‌ین.

مسته‌فا که‌واکبیان ئاماژه‌ به‌ مامه‌ڵه‌ی هه‌ندێک وڵاتی ناوچه‌ بۆ یارمه‌تیدان به‌ هێزه‌ توندڕه‌و و جیهادییه‌کان ده‌کات و ده‌شڵێت: ئێمه‌ پێمان وایه‌ ئه‌و کارانه‌ی که‌ هه‌ندێک وڵات له‌پێناو پشتیوانی له‌ پشێوییه‌کانی سووریا و گرووپه‌ تیرۆریستییه‌کان ئه‌نجام ده‌ده‌ن، له‌ ئه‌نجامدا خۆیان زه‌ره‌رمه‌ند ده‌بن.

سکرتێری گشتیی حیزبی خه‌ڵک سالار ڕاشی‌گه‌یاند: ئه‌گه‌ر سووریا سه‌قامگیر بێت به‌ دڵنیاییه‌وه‌ به‌رژه‌وه‌ندییه‌که‌ی تێکڕای ناوچه‌که‌ ده‌گرێته‌وه‌ و به‌ بۆنه‌ی ئه‌و سه‌قامگیرییه‌وه‌ وڵاتانی دراوسێش ده‌توانن کێشه‌ ناوخۆیییه‌کانیان چاره‌سه‌ر بکه‌ن.

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه