20:53 PM   IRAQ
SUNDAY, 24 MARCH 2019
 به په‌له |◀   کەمپی پەنابەرانی هۆل لە سووریا پێویستی بەهاوکاری دەستبەجێ هەیە
FRIDAY, 8 MARCH 2019 - 18:54
فەلاحەت پیشە: تاران پشتيوانیى دانووستانى كورد و ديمه‌شق دەکات

بەشی ئێران/ کوردی- سەرۆکی ایژنەی ئاسایشی نیشتمانی لە پەرلەمانی ئێران وتوویەتی تاران پشتيوانى له‌ دانووستانى نێوان كورد و حكومه‌تى سووريا ده‌كات.

کوردپرێس:

حشمه‌توڵڵا فه‌لاحه‌ت پيشه‌، سه‌رۆكى ليژنه‌ى ئاسايشى نه‌ته‌وه‌يى و سياسه‌تى ده‌ره‌وه‌ له‌ ئه‌نجوومه‌نى شوراى كۆمارى ئيسلامى ئێران، له‌ لێدوانێكدا بۆ ئاژانسى ئيرناى راگه‌ياند، تاران پشتيوانى له‌ دانووستانى نێوان كورد و حكومه‌تى سووريا ده‌كات و ئێران ئاماده‌يه‌ هاوكارى و هه‌ماهه‌نگى بكات بۆ ئه‌و پرسه‌، ئه‌گه‌ر حكوومه‌تى سووريا داوا بكات.

فه‌لاحه‌ت پيشه‌، گوتىشی: ئێران ده‌خوازێت كورد و حكوومه‌تى سووريا بكه‌ونه‌ دانووستانه‌وه‌ و زه‌مينه‌ش بۆ ئه‌وه‌ خۆش ده‌كرێت.

ئه‌و نوێنه‌ره‌ى ئێران ئه‌وه‌شى گوت: يه‌كێك له‌ كێشه‌ بنه‌ڕه‌تييه‌كانى سووريا ئاماده‌يى هێزى ئه‌مه‌ريكايه‌ له‌ ناوچه‌ى ئه‌لبوكه‌مال.

سه‌رۆكى ليژنه‌ى ئاسايشى نه‌ته‌وه‌يى و سياسه‌تى ده‌ره‌وه‌ له‌ پەرلەمانی ئێران روونيشي كرده‌وه‌، له‌ پارێزگاى ئيدلب، كه‌ له‌ ژێر هه‌ژموونى توركيايه‌ زياتر له‌ 100 هه‌زار توندڕه‌ و تيرۆريست هه‌ن.

باسى له‌وه‌ش كرد، رووبه‌رى له‌ سه‌دا 10 تا 15ى خاكى سووريا كه‌ ناوچه‌كانى باكوورى خۆرئاواى سووريا ده‌گرنه‌وه‌ هه‌مان كێشه‌يان هه‌يه‌.

 

سه‌رچاوه‌: ئيرنا

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه