22:44 PM   IRAQ
FRIDAY, 24 MAY 2019
 به په‌له |◀   مه‌لا به‌ختیار: له‌ ناوچه‌ كێشه‌ له‌سه‌ره‌كان ته‌عریبی نوێ له‌ ئارادایه‌
SATURDAY, 9 MARCH 2019 - 13:40
حەسەن ڕۆحانی لەگەڵ ئایەتوڵڵا سیستانی کۆ دەبێتەوە/ ڕۆژی دووشەممە دەگاتە بەغدا

بەشی عێراق و هەرێمی کوردستان- باڵوێزی ئێران لە بەغدا ڕایگەیاند دیدارکردن لەگەڵ مەرجەعی باڵای شیعەکانی یەکێکە لە بەرنامەکانی سەرۆککۆماری ئێران لە سەردانەکەی بۆ عێراق.

کوردپرێس:

ئیرەج مەسجدی باڵوێزی ئێران لە بەغدا ڕایگەیاند: بڕیارە حەسەن ڕۆحانی سەرکۆماری ئێران لە سەردانەکەی خۆی بۆ عێراق لەگەڵ ئایەتوڵڵا سیستانی مەرجەعی باڵای شیعەکانی عێراق دیدار بکات.

مەسجدی ئەوەشی ئاشکرا کرد کە هاڵگرتنی ڤیزە لە نێوان دوو وڵاتی ئێران و عێراق تەوەرێکی سەرەکیی گفتوگۆکانی ڕۆحانی لەگەڵ بەرپرسانی باڵای حکوومەتی فیدراڵی عێراق دەبێت.

پێشتریش محەمەد عەلی حەکیم وەزیری دەرەوەی عێراق لەبارەی سەردانەکەی حەسەن ڕۆحانییەوە وتبووی عێراق پێشوازی لە سەردانی وڵاتە دۆستەکان دەکات و باوەشیان بۆ دەکاتەوە.

بڕیارە حەسەن ڕۆحانی سەرۆککۆماری ئێران بە سەردانێکی فەرمی بچێتە بەغدای پێتەختی عێراق و لە سەر چەند تەوەی هەرێمی و دەولی لەگەڵ بەرپرسانی باڵای عێراقی فیدراڵ دیدار و کۆبوونەوە بکات.

شایانی باسە پەروێز ئیسماعیلی بەرپرسی نووسینگەی ڕاگەیاندنی سەرۆک کۆماری ئێران ڕایگەیاند حەسەن ڕۆحانی ڕۆژی دووشەممە 20ی ڕەشەمە لەسەر داوای فەرمیی سەرۆک کۆمار و سەرۆک وەزیرانی عێراق بۆ سەردانێکی سێ ڕۆژە دەگاتە ئەو وڵاتە.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه